ଭୁବନେଶ୍ୱର : ଭାରତୀୟ ସଂସ୍କୁତିରେ ‘ଜିବେ ଦୟା ‘ ଏକ ପ୍ରମୁଖ ସଂସ୍କାର। ପୃଥିବୀରେ ଥିବା ସବୁ ଜୀବ ପ୍ରତି ଉଦାର ଭାବ ଦେଖାଇବା ହେଉଛି ଆମର ମୁଖ୍ୟ କର୍ତ୍ତବ୍ୟ। ଯାହାକି ବହୁ ପ୍ରାଚୀନ କାଳରୁ ଭାରତରେ ଚାଲିଆସିଛି। ଏମିତି କି ଛୋଟବେଳେ ଆମକୁ ଘରେ ଏବଂ ବିଦ୍ୟାଳୟରେ ମଧ୍ୟ ବିଭିନ୍ନ ଗପ ଗୀତ ମାଧ୍ୟମରେ ଶିଖାଯାଇଛି। ପରିବେଶର ସନ୍ତୁଳନ ପାଇଁ ସବୁ ଜୀବଙ୍କ ସୁରକ୍ଷା କରିବା ଉଚିତ।
ଏବେ ସାରା ବିଶ୍ୱ କରୋନା ମହାମାରୀ ବଳୟରେ । ଏଥିପାଇଁ କୋଟି କୋଟି ଲୋକ ସେମାନଙ୍କ ଜୀବିକା ହରାଇ ଭୋକ ବିକଳରେ ଆଉଟୁ ପାଉଟୁ ହେଉଛନ୍ତି। କାହାକୁ ସରକାରୀ ସାହାଯ୍ୟ ତ ଆଉ କାହାକୁ ପଡୋଶୀ ସହଯୋଗ କରୁଛନ୍ତି l ଠିକ୍ ସେହିପରି ରାଜଧାନୀ ଭୋକିଲା କୁକୁରଙ୍କ ପାଇଁ ଦେବଦୂତ ସାଜିଛନ୍ତି ସଂସ୍କୁତ ପଣ୍ଡିତ ଅମୁଲ୍ୟ ପ୍ରଧାନ l ଯାହାଙ୍କ ପାଇଁ କିଛି ଭୋକିଲା କୁକୁର ଟିକେ ଖାଦ୍ୟ ପାଉଛନ୍ତି l କାରଣ
ଏବେ ହୋଟେଲବାଡ଼ି ସବୁ ବନ୍ଦ। ଫଳରେ କୁକୁରମାନେ ଭୋକ ବିକଳରେ ଆଉଟୁ ପାଉଟୁ ହେଉଛନ୍ତି। ହେଲେ କାହାକୁ କହି ପାରୁନାହାଁନ୍ତି। କେମିତି ବା କହିବେ । କାହାକୁ ବା କହିବେ। ରାଜଧାନୀବାସୀ ତ ସବୁ ବେଳେ ବ୍ୟସ୍ତ। ହେଲେ ଏ ନିରୀହ କୁକୁରଙ୍କ ଦୁଃଖ ବୁଝି ପାରିଛନ୍ତି ରାଜଧାନୀରେ ରହୁଥିବା ସଂସ୍କୁତ ପଣ୍ଡିତେ ଅମୁଲ୍ୟ ପ୍ରଧାନ ରାଜଧାନୀର ନୟାପଲ୍ଲୀ ଅଂଚଳରେ ସେ ରହନ୍ତି l ଦିନେ କି ଦୁଇ ଦିନ ନୁହେଁ। ମହାମାରୀ ଆରମ୍ଭରୁ ସେ ପ୍ରତ୍ୟେକ ଦିନ ସନ୍ଧ୍ୟାରେ ଘରେ ଭାତ ସହ ଯାହା ହେଲେ ତରକାରୀ ରୋଷେଇ କରି କୁକୁରମାନଙ୍କୁ ଖାଇବାକୁ ଦେଇ ଆସୁଛନ୍ତି। ରାଜଧାନୀରେ ଅନେକ ଭଲ ଲୋକ କୁକୁରକୁ ବିସ୍କୃଟ ଦେଉଥିବା ବେଳେ ସେ କାହିଁକି ଭାତ, ମାଛ, ଆଣ୍ଡା ରୋଷଇ କରି ଦେଉଛନ୍ତି ତାହା ଆମେ ପଚାରି ବୁଝିଥିଲୁ l ତାଙ୍କ କହିବା କଥା ହେଲା 20ଟଙ୍କିଆ ବିସ୍କୁଟ ରେ କୁକୁର ପେଟ ପୁରିବ ନାହିଁ l ତେଣୁ ଯାହାକୁ ଖାଇବାକୁ ଦେବ ପେଟ ପୁରା ଦେବ l ସେଥିପାଇଁ ମୁଁ ଘରେ ରୋଷେଇ କରି ଆଣିକି କୁକୁରଙ୍କୁ ଦିଏ l କୁକୁରମାନେ ଖାଇଲେ ଆତ୍ମ ଶାନ୍ତି ଲାଗେ ଓ ଖୁସି ବି l ଭଗବାନଙ୍କର ବି ଆଶୀର୍ବାଦ ମିଳେ l ତେଣୁ ଏହି ସଙ୍କଟ ସମୟରେ ରାଜଧାନୀ ବାସୀମାନେ ବୁଲା କୁକୁରଙ୍କୁ କିଛି ନା କିଛି ଖାଇବାକୁ ଦେବା ଦରକାର l ଏଥିରେ ସେମାନଙ୍କର ମଙ୍ଗଳ ହେବା ସହ ଅନେକ କୁକୁର ଭୋକ ଦାଉରୁ ରକ୍ଷା ପାଇବେ l
