ଇଡିରେ ହାଜର ହେଲେ ରିୟା
ମୁମ୍ବାଇ ସ୍ଥିତ ଇଡି ଅଫିସରେ ହାଜର ହୋଇଛନ୍ତି ରିୟା ଚକ୍ରବର୍ତ୍ତୀ । ସୁଶାନ୍ତ ସିଂ ରାଜପୁତଙ୍କ ବାନ୍ଧବୀ ରିୟା ଆଜି ଦିନ ୧୧ଟା ସୁଦ୍ଧା ଇଡିରେ ହାଜର ହେବା ପାଇଁ କୁହାଯାଇଥିଲା । ତେବେ ସେ ବିଳମ୍ବରେ ଇଡି ଅଫଇସରେ ପହଂଚିଥିଲେ । ଇଡିରେ ହାଜର ହେବା ପୂର୍ବରୁ ସୁପ୍ରିମକୋର୍ଟରେ ତାଙ୍କ ଆବେଦନର ଶୁଣାଣି ଥିବା ଦର୍ଶାଇ
ରିୟା ଅଧିକ ସମୟ ମାଗିଥିଲେ । ହେଲେ ଇଡି ଏହି ଅନୁରୋଧକୁ ଅଗ୍ରାହ୍ୟ କରିଥିଲେ ।
ମୃତ୍ୟୁ ମାମଲାରେ ରିୟାଙ୍କ ସହ ଅନ୍ୟ ୫ଜଣଙ୍କ ବିରୋଧରେ ଏତଲା ଦେଇଛନ୍ତି ସୁଶାନ୍ତଙ୍କ ପରିବାର ଲୋକେ । ସୁଶାନ୍ତଙ୍କ ଆକାଉଣ୍ଟରୁ ୧୫କୋଟି ଟଙ୍କା ରିୟା ଚକ୍ରବର୍ତୀଙ୍କ ଆକାଉଣ୍ଟକୁ ଯାଇଥିବା, ଏବଂ ତାଙ୍କୁ ମାନସିକ ନିର୍ଯାତନା ଦେଇଥିବା ପରିବାର ଲୋକେ ଅଭିଯୋଗ କରିଛନ୍ତି । ଇଡି ୧୫କୋଟି ହେରଫେର ଘଟଣାରେ ତଦନ୍ତ ପାଇଁ ରିୟାଙ୍କୁ ପଚରାଉଚରା କରିଛି । ସୁଶାନ୍ତଙ୍କ ଆର୍ଥିକ କାରବାର ସଂପୃକ୍ତ ୨ଟି କଂପାନୀ ସହ ରିୟା ଚକ୍ରବର୍ତି ଓ ରିୟାଙ୍କ ଭାଇ ଶୌଭିକ ଚକ୍ରବର୍ତିଙ୍କ କଂପାନୀର ଅର୍ଥ ଲେଣଦେଣ ଏବେ ଇଡିର ରାଡାର ରେ ରହିଛି ।
