() ଖୁସି ମନରେ ପ୍ରଫୁଲତା ଭରିଦିଏ । ମୁହଁରେ ହସ ଫୁଟାଏ । ଆଉ ଏହି ହସ ଟିକେ ପାଇଁ କିଏ କେତେ ଉପାୟକୁ ଆପଣାଇ ଥାଆନ୍ତି। ଅନେକ ଲୋକ ଏମିତି ଅଜବ ନିଶାରେ ଖୁସି ପାଆନ୍ତି ତାହା ଅଳ୍ପ ବହୁତେ ସମସ୍ତଙ୍କୁ ଜଣା ଥିବ ନିଶ୍ଚିତ l ଆଉ ସେ ଖୁସି ବି ଅଜବ l କିଛି ମିଳୁ କି ନମିଳୁ ତାହା ଆମକୁ ଖୁସି ଦିଏ ଓ ମନ ଶାନ୍ତି ହୁଏ l
ସଂଧ୍ୟା ସମୟରେ ନବ ଓ ଶେଖର ଏମିତି ବୁଲୁଥାନ୍ତି l ଶୀତୁଆ ସଂଧ୍ୟାରେ ବୁଲିବୁଲା କରି ମନକୁ ହାଲକା କରୁଥାନ୍ତି l ତାହାରି ଭିତରେ ଚାଲିଥାଏ କେତେ କଣ ଆଲୋଚନା l ହଠାତ ଶେଖର କହିଲା ଦେଖିଲୁ ନବ , ରାଜଧାନୀର ବି ଏମିତି ଦୃଶ୍ୟ ଦେଖିବାକୁ ମିଳୁଛି l ଯାହା ଆମେ ଗାଁରେ ଦେଖି କେତେ କଣ ଚିନ୍ତା କରନ୍ତି । ଏଠି ସେ ଦୃଶ୍ୟ ଦେଖିଲେ ଆମକୁ ହସ ଲାଗୁଛି l ଦେଖୁନୁ ସଚିବାଳୟରେ କାମ କରିଥିବା ଦାସ ବାବୁ କେମିତି ଶତପଥୀ ବାବୁଙ୍କ ବାଡ଼ ପାଖରେ ଗୋଡ ଟେକି ବାଡି ସାହାଯ୍ୟରେ ସଂଧ୍ୟାରେ ମନ୍ଦାର ଫୁଲ ତୋଳୁଛନ୍ତି l ସେ କିଛି ଖରାପ କାମ କରୁନାହାନ୍ତି ମ l ସେ ଫୁଲ କେଉଁଠି ବିକ୍ରି କରିବା ପାଇଁ ନେଉନାହାନ୍ତି l ମ୍ୟାଡମ ତାଂକୁ କହିଛନ୍ତି କାଲି ମଙ୍ଗଳବାର ମନ୍ଦାର ଫୁଲ ଆଣିବ , ପୂଜା ହେବ l ଖାସ ସେଥିପାଇଁ ଦାସ ବାବୁ ଅନ୍ୟ ବାଡ଼ିରୁ ଫୁଲ ତୋଳୁଛନ୍ତି l ଫୁଲ ତ ନୁହେଁ , ମନ୍ଦାର କଢ଼ l ଯାହାକୁ ପାଣିରେ ପକେଇ ଘରେ ଫୁଟାଇବେ l ତେଣୁ ସକାଳ ଫୁଲ ତୋଳିବା ପ୍ରତିଯୋଗିତାରୁ ନିଜକୁ ଦୂରେଇ ଦେଇ ପୂର୍ବ ଦିନ ସଂଧ୍ୟାରୁ ସେ କାମ ସାରିଦିଅନ୍ତି l ଏଥିରେ ସେ ଖୁସି ପାଆନ୍ତି ଓ ନିଜ ସ୍ତ୍ରୀକୁ ବି ଖୁସି କରାନ୍ତି l ହେଲେ ତାହାରି ଭିତରେ ସବୁଠାରୁ ବଡ ଖୁସି ସେ ପାଆନ୍ତି ଦାସବାବୁଙ୍କ ସ୍ତ୍ରୀ କୁ ସେ ପରବାଡିରୁ ତୋଳି କି ଆଣିଥିବା କିଛି ମନ୍ଦାର ଫୁଲ ଦେଇ l ଏକଥା ଶୁଣି ନବ କହିଲା ଶେଖର ଭାଇ ଏ ତ ମାମୁଲି କଥା l ଆପଣ ଜାଣିନାହାନ୍ତି କି ଏବେ ପା ସମୟ ଏମିତି ହୋଇଛି ଯେ ମିଛି ମିଛିକା କଥାରେ ମଣିଷ ଅଧିକ ଖୁସି ହେଉଛି l ଯେମିତି ଜଣେ ୭୦ ବର୍ଷର ବୁଢ଼ା ଫେସବୁକରେ ଏକାଉଣ୍ଟ୍ ଖୋଲି ଗୁଡ଼ାଏ ଯୁବକ ଓ ବୟସ୍କ ଲୋକଙ୍କୁ ପାଗଳ କରୁଛି ରାତି ଅଧରେ l ସେ ଚାଟିଙ୍ଗରେ ସେ ଖୁସି , ଅଧା ରାତି ଯାଏ ଅନିଦ୍ରା ହୋଇ ଅନେକ ଯୁବକ ବି ଖୁସି l ଏମିତି ତ ଅନେକ ପାର୍କରେ କେବଳ ପ୍ରେମୀ ଯୁଗଳଙ୍କୁ ଦେଖି ଖୁସି ହୁଅନ୍ତି ତ ଅନେକ ପିକନିକରେ କିଛି ସମୟ ସୁନ୍ଦରୀ ଯୁବତୀ ପଛରେ ପଡ଼ି ଖୁସି ହୋଇଯାଆନ୍ତି l ଆଉ କିଏ କିଏ ମୂଳରୁ ପ୍ରେମ କଣ ଜାଣିନଥିବା ପ୍ରେମିକ ଓ ପ୍ରେମିକା ମଧ୍ୟସ୍ଥି ସାଜି ବହୁତ ଖୁସି ହୁଏ l
ଆରେ ଭାଇ କିଣାବିକା ବେଳେ ଦେଖୁନା ମଲ୍ ମାନଙ୍କରେ ଗେଟ୍ ୱାନ ବାଏ ୱାନ ଅଫରେ ଜିନିଷ ଆଣି ଅନେକ ଶସ୍ତାରେ ଭଲ ଜିନିଷ କିଣିକି ଆଣିଲେ ବୋଲି କେତେ ଖୁସି ହୁଅନ୍ତି l ହେଲେ ବାସ୍ତବ କଥା ହେଲା ଦୁଇଟା ଜିନିଷର ଯାହା ଦାମ ମଲ ବାଲା ଅଫର୍ ନାରେ ଗୋଟେ ଜିନିଷ ମୂଲ୍ୟ ସେତିକି କରିଦିଅନ୍ତି । ଆଉ ତାକୁ ଆଣି ଆମେ ଖୁସି l ସେମିତି ଅନେକ କଥା ଦୁନିଆରେ ଦେଖିବାକୁ ମିଳେ ଯାହାକୁ ଅର୍ଥ କିଛି ନାହିଁ କିନ୍ତୁ ଅନେକ ଖୁସି ମିଳେ l ଅନ୍ୟ ପାଇଁ ହେଉ ଅବା ନିଜ ପାଇଁ ଯେଉଁଥିରେ ଖୁସି ମିଳୁଛି ତାହା କର l ଦେଖିବ ଜୀବନଟା ଭାରୀ ସୁନ୍ଦର ଓ ଶରଶ ଲାଗିବ l ଏତିକି ବେଳେ ନବର ପୁରୁଣା ପ୍ରେମିକା ଖୁସିର ଫୋନ ଆସିଲା…ଆଲୋଚନା ସରିଲା ଖୁସି ଖୁସିରେ ସରିଲା …..
