() ହଠାତ ବାବୁନି କହିଲା ଆରେ ସବୁ ବେକାର କଥା । ଯାହା ଭାଗ୍ୟରେ ଲେଖା ଅଛି ତାହା ହିଁ ହୁଏ , କର୍ମ ଦ୍ୱାରା କେବେ ଭାଗ୍ୟକୁ ବଦଳାଇ ହୁଏ ନାହିଁ । ହଁ ଏକଥା ସତ କର୍ମ ହିଁ ଭାଗବାନ , ହେଲେ ଆମ ଭାଗ୍ୟ ପା ଭଗବାନ ସ୍ଥିର କରି ଛାଡ଼ିଛନ୍ତି ଦୁନିଆକୁ ।
ହଠାତ କାହିକିଁ ସାଙ୍ଗ ମାନଙ୍କ ଖଟିରେ ଏ ଆଲୋଚନା । କାରଣ ୬ଜଣ ସାଙ୍ଗ ମଧ୍ୟରୁ ମୁନା ସବୁଠାରୁ ଅଳସୁଆ, ସ୍ୱାର୍ଥପର , କନଜୁସ ଓ ଠକ । ଯେଉଁଥି ପାଇଁ ସବୁବେଳେ ସାଙ୍ଗମାନେ ତାହା ଉପରେ ରାଗନ୍ତି । ସବୁବେଳେ ସାଙ୍ଗମାନେ ତାକୁ ମଜା ମଜାର କହନ୍ତି ମୁନା ତୁ ବଡ଼ ହେଲେ ବହୁତ ହଇରାଣ ହେବୁ , ଏବେଠାରୁ ସୁଧୁରୀ ଯାଆ । ହେଲେ ମୁନା କିନ୍ତୁ ବିନଦାସ । ସୁବବେଳେ କହେ ଯାହା ହେବାର କଥା ହେବ । ତାକୁ ନେଇ କାହିକିଁ ଚିନ୍ତା କରିବି ।
ହୁଏତ ସେଦିନ ମୁନା ଠିକ କହିଥିଲା । କାରଣ ରାମବାବୁ ପିଲାସ୍ୱପ୍ନ ଦେଖିଥିଲେ ବଡ଼ ହେଲେ ସେ ଜଣେ ପ୍ରଶାସନିକ ଅଧିକାରୀ ହେବେ । ସେଥିଲାଗି ପିଲାଦିନରୁ ମନଦେଇ ପାଠ ପଢିଲେ । ସବୁ ଭୂଲି ପାଠ ପଢାରେ ମନଦେଲେ । ପ୍ରଥମରୁ ଉଚ୍ଚଶିକ୍ଷା ଯାଏ ଭଲ ନମ୍ବର ରଖି ପାସ ବି କଲେ । କହିଲେ ଅଧିକାଂଶ ସମୟରେ କ୍ଲାସରେ ପ୍ରଥମ ବି ହେଉଥିଲେ । ହେଲେ ପ୍ରଶାସନିକ ଚାକରି ଲାଗି ପରୀକ୍ଷା ଦଲେ କେଜାଣେ କାହିକଁ ସେ ସେଥିରେ ସଫଳ ହୋଇପାରିଲେନି । ଏଥିଲାଗି ତାଙ୍କ ମନରେ କିଛି ଅବଶୋଷ ରହିଲା ନାହିଁ । ସବୁ ପ୍ରକାର ପ୍ରସ୍ତୁତି ପରେ କାହାକିଁ ସେ ପରୀକ୍ଷାରେ ଉତିର୍ଣ୍ଣ ହୋଇପାରିେଲେନି ସେ ଚିନ୍ତା କେବେ କରିନାହାନ୍ତି ରାମବାବୁ । ବଂର ସେହିଦିନ ଠାରୁ ସେ ଶହଶହ ପ୍ରଶାସନିକ ଅଧିକାରୀଙ୍କ ଗଢିବା ପାଇଁ ଶପଥ ନେଲେ । ଆଉ ତାଙ୍କ ଠାରୁ ଜ୍ଞାନ ଆହୋରଣ କରି ହଜାର ହଜାର ପ୍ରଶାସନିକ ଅଧିକାରୀ ଆଜି ସମାଜର ବିଭିନ୍ନ କ୍ଷେତ୍ରରେ କାମ କରୁଛନ୍ତି। ଜଣେ ବରିଷ୍ଠ ପ୍ରଶାସନିକ ଅଧିକାରୀ ହୋଇ ରାମବାବୁ ଯେତେ ବଡ଼ ସଫଳତା ପାଇ ନଥାନ୍ତେ ହୁଏତ ,ଆଜି ଶହଶହ ପ୍ରଶାସନିକ ଅଧିକାରୀଙ୍କ ଗଢି ସେ ସେତେଟା ଆନନ୍ଦ ପାଉଛନ୍ତି । ଏଠି କଣ ଭାଗ୍ୟ ନା କର୍ମକୁ ନେଇ ଆମେ ଆଲୋଚନା କରିବା । ଯାହା ଯେତେବେଳେ ଘଟିବାର ଥିବ ଘଟିବ ଓ ଯାହା ଆମେ ହେବାର କଥା ହେବା । ଇଚ୍ଛା ତ ଅସରନ୍ତି । ତେଣୁ ଇଚ୍ଛାକୁ ନେଇ ବଂଚିବା ସତ ହେଲେ ତାକୁ ପାଇବା ପାଇଁ ବେଶୀ ଆଶା ରଖିବାନି । ଦୁନିଆରେ ଅନେକ ଇଚ୍ଛାପୂରଣ ନହୋଇ ବି ଅନେକ ଖୁସି ଦିଏ ଓ ସଫଳତା ପାହାଚ ଚଢାଇ ଦେଇଥାଏ ଆମକୁ । ସଫଳ , ବିଫଳ , କର୍ମ ,ଭାଗ୍ୟ ଏସବୁ ଚିନ୍ତା କରି କି ଲାଭ । ଚିନ୍ତା କଲେ କଣ କିଛି ମିଳେ । ବଂର ଚିନ୍ତା କଲେ ଆମେ ହୁଏତ ଅନେକ କିଛି ହରାଇବା । ସେଥିପାଇଁ ଲୋକ କଥା ଅଛି ଚିନ୍ତା ଖାଏ ଗଣ୍ଡି, ଲୁଣ ଖାଏ ହାଣ୍ଡି। ଆଜି ଚାକରୀ, ଅଧିକ ଧନ ଅର୍ଜନ କରିବା, ପ୍ରେମ, ପ୍ରତାରଣା ଓ ଅନେକ କିଛି ପାଇବା ଆଶାରେ ଦିନ ରାତି ଚିନ୍ତାରେ ଘାଣ୍ଟି ହେଉଛନ୍ତି ସମସ୍ତେ । ହେଲେ ଯେ ବିନା ଚିନ୍ତାରେ ବି ଅନେକ ସଫଳତା ମିଳେ ସେ କଥା ହୁଏତ ଅଧିକାଂଶ ବୁଝିବାକୁ ଚେଷ୍ଟା ବି କରୁନାହାନ୍ତି । ସମାଜରେ ଅନେକ ଉଦାହରଣ ଅଛି ଯାହା ଚିନ୍ତା ବାହାରେ ଘଟେ । ଯଦି ବିନା ଚିନ୍ତାରେ ଏତେ ବଡ଼ ସଫଳତା ମିଳୁଛି , ତେବେ ଏତେ ଚିନ୍ତା କଣ ପାଇଁ ।
