ଭୁବନେଶ୍ୱର : ଆଜିର ରାଜନୀତି କେମିତି ଚାଲିଛି ତାହା କାହାକୁ ବା ଅଛପା । ରାଜନୀତି ସହ ଗାନ୍ଧୀବାଦୀ ଯୋଡ଼ିବା ତ ଭୁଲ ନୁହେଁ, ମହାପାପ । ରାଜନୀତିରେ ଏବେ ଅହିଂସା ବଦଳରେ ହିଂସା ନୀତିକୁ ବେଶ ଆପଣେଛନ୍ତି ରାଜନେତା ଓ ରାଜନୈତିକ ଦଳଗୁଡ଼ିକ ।ଯାହା କାହାକୁ ବା ଅଛପା । ଭାରତ ବର୍ଷରେ ଏପରି କେତେକ ରାଜ୍ୟ ଅଛି ଯେଉଁଠି ରାଜନୈତିକ ହିଂସା ଉଗ୍ର ରୂପ ନେଲାଣି । ସ୍ୱାର୍ଥ ପାଇଁ ନିଜ ସହଯୋଗୀକୁ ହତ୍ୟା କରିବାକୁ ବି ପଛାଉ ନାହିଁ ମଣିଷ । ଆଉ ଠିକ ଏହି ସମୟରେ ଜଣେ ରାଜନେତା ଗାନ୍ଧୀଗିରିର ପ୍ରଚାର ଓ ପ୍ରସାର କରିବା ରାଜନୀତିରେ ଏକ ନୂଆ ସକାଳ ଆରମ୍ଭ ନୁହେଁ ତ ଆଉ କଣ । ତାହା ପୁଣି ଓଡ଼ିଶା ମାଟିରୁ । କାରଣ ଓଡ଼ିଶାରୁ ଚଣ୍ଡାଶୋକରୁ ଧାର୍ମଶୋକରେ ପରିଣତ ହୋଇଥିଲା । ଏ ମାଟି ହେଉଛି ଅହିଂସାର ମାଟି । ଏଠି କେବଳ ସ୍ନେହ ଓ ଭଲପାଇବା ଭରପୁର ରହିଥାଏ ଲୋକଙ୍କ ମଧ୍ୟରେ । ହେଲେ କେବଳ ଉଚିତ ଦିଗ ଦର୍ଶନ ନମିଳୁଥିବାରୁ ଲୋକେ ପଥଭଷ୍ଟ ହୋଇଯାଉଛନ୍ତି । ମହାତ୍ମାଗାନ୍ଧୀ ଓଡ଼ିଶା ଆସିବାର ଶହେ ବର୍ଷ ପୂତ୍ତି ଆଜି ପାଳନ କରାଯାଇଛି । ଗାନ୍ଧୀ ଓଡ଼ିଶା ଆସିଥିବା ସମୟର ଅନେକ ସ୍କୃତି ବି ଆଜି ବିଭିନ୍ନ ସ୍ଥାନରେ ମନେ ପକାଉଛନ୍ତି ଲୋକେ । ହେଲେ ଗାନ୍ଧୀଙ୍କ ନୀତି ଓ ଆଦର୍ଶକୁ ଘରେ ଘରେ ପହଞ୍ଚାଇବା ପାଇଁ ଶାସକ ବିଜେଡ଼ି ଦଳର ଯୁବନେତା ତଥା ଉଚ୍ଚଶିକ୍ଷା ଓ କୃଷିମନ୍ତ୍ରୀ ଅରୁଣ ସାହୁଙ୍କ ପ୍ରଚେଷ୍ଟା ଆଜି ସାରା ରାଜ୍ୟ କାହିଁକି ଦେଶର ବିଭିନ୍ନ କୋଣରେ ଥିବା ଓଡ଼ିଆମାନଙ୍କୁ ବେଶ ପ୍ରଭାବିତ କରିଛି । ବିଭିନ୍ନ ସମୟରେ ନିଜର ସକାରାତ୍ମକ ଭୂମିକାକୁ ନେଇ ଚର୍ଚ୍ଚାରେ ଥିବା ମନ୍ତ୍ରୀ ଅରୁଣ ସାହୁ ଆଜି ଗାନ୍ଧୀଗିରି ବାର୍ତ୍ତାର ବହେଳା ସାଜିଛନ୍ତି । ଅହିଂସା ଶାନ୍ତିର ପ୍ରଚାର ଓ ପ୍ରସାରକୁ ସେ ଗୁରୁତ୍ୱ ଦେଇଛନ୍ତି । ଗାନ୍ଧୀଙ୍କ ନୀତି ଓ ଆଦର୍ଶକୁ ଘରେ ଘରେ ପହଞ୍ଚାଇବା ପାଇଁ ୨୦୨୦ ଅକ୍ୱୋବର ୨ ତାରିଖ ଅର୍ଥାତ ଗାନ୍ଧି ଜୟନ୍ତୀରୁ ମନ୍ତ୍ରୀ ଅରୁର ସାହୁ ଗାନ୍ଧୀ ଭିଡ଼ିଗନ ପ୍ରତିମାସର ପ୍ରଥମ ରବିବାର ସକାଳ ୬ଟାରୁ ଆରମ୍ଭ କରନ୍ତି । ସୋସିଆଲ ମିଡ଼ିଆ ଜରିଆରେ ଗାନ୍ଧିଜୀଙ୍କ ଜୀବନ ଓ ଆଜିର ଦିନରେ ତାହାର ପ୍ରାସଙ୍ଗିକତା ସର୍ମ୍ପକରେ ବିଶ୍ଳେଷଣ ଭରା ଆଲୋଚନା କରନ୍ତି ଯୁବପିଢ଼ିଙ୍କୁ ସେ ବାର୍ତ୍ତା ଦିଅନ୍ତି । କାରଣ ଏବେର ଯୁବପିଢ଼ି ଯେପରି ଗାନ୍ଧୀଙ୍କ ନୀତି ଓ ଆଦର୍ଶରୁ ଦୂରେଇ ଯାଉଛନ୍ତି , ଖାସ ସେଥିଲାଗି ଯୁବପିଢ଼ିଙ୍କୁ କିପରି ଏ ଦିଗରେ ଫେରାଇ ଆଣିହେବ ପ୍ରୟାସ କରିଛନ୍ତି ଯୁବନେତା ତଥା ମନ୍ତ୍ରୀ ଅରୁଣ ସାହୁ । ହିଂସା ନୁହେଁ ବରଂ ଅହିଂସା ମାଧ୍ୟମରେ ସବୁକିଛି ହାସଲ କରି ହେବ ତାହାର ବାର୍ତ୍ତା ବହାକ ସେ ସାଜିଛନ୍ତି । ଧୀରେ ଧୀରେ ତାଙ୍କୁ ଗାନ୍ଧୀବାଦୀ ଚର୍ଚ୍ଚା ଯୁବପିଢ଼ିଙ୍କୁ ବେଶ ପ୍ରଭାବିତ କରିଛି । ଯୁବକମାନଙ୍କ ଭିତରେ ଆତ୍ମ ବିଶ୍ୱାସ ଭରିଦେଇଛି । ଜଣେ ଯୁବରାଜ ନେତାଭାବେ ଓଡ଼ିଶାରେ ପରିଚିତ ମନ୍ତ୍ରୀ ଅରୁଣ ସାହୁ ନିଜ ଜୀବନ ଶୈଳୀରେ ପ୍ରଥମେ ଗାନ୍ଧୀଙ୍କ ନୀତି ଓ ଆଦର୍ଶକୁ ଗ୍ରହଣ କରିବା ପରେ ଅନ୍ୟମାନଙ୍କୁ ସେ ଏହି ବାର୍ତ୍ତା ବାଣ୍ଟୁଛନ୍ତି । ରାଜଧାନୀରୁ ନୟାଗଡ଼, କୋରାପୁଟରୁ ମୟୁରଭଞ୍ଜ ଯାଏ ତାଙ୍କୁ ଏହି ଗାନ୍ଧୀ ଡ଼ିଗିଜନ ଏବେ ଲୋକପ୍ରିୟତା ହେବାରେ ଲାଗିଛି । କେବଳ କଥାରେ ନୁହେଁ, ଗାନ୍ଧୀ ଡ଼ିଭିଜନକୁ ସେ ନିଜ ରାଜନୈତିକ ଜୀବନରେ ମଧ୍ୟ ପ୍ରତିଫଳିତ କରିଛନ୍ତି । ହିଂସା ନୁହେଁ, ଅହିଂସା ମାଧ୍ୟମରେ ସବୁକିଛି ହାସଲ କରିବ ହେବ ତାହା ତାଙ୍କ ନିର୍ବାଚନୀ ମଣ୍ଡଳୀରେ ଏକ ରାଜନୈତିକ ଘଟଣାକୁ ନେଇ ତାଙ୍କୁ ଷଡ଼ଯନ୍ତ୍ରରେ ଫସାଇବାକୁ ବିରୋଧୀ ଚାହୁଥିଲେ ମଧ୍ୟ ସେ କିନ୍ତୁ ବିଚଳିତ କି ବ୍ୟସ୍ତ ହୋଇନଥିଲେ । ବରଂ ଯେଉଁ ବାର୍ତ୍ତିା ସେ ସମାଜକୁ ଦେଉଛନ୍ତି ତାହାକୁ ଅକ୍ଷର ଅକ୍ଷର ପାଳନ କରିବ ନିଜ କାମ କରିଚାଲିଲେ । ଫଳରେ ବିରୋଧୀ ଏଥିରେ ବିଫଳ ହେଲେ ।
ଆଜି ଗାନ୍ଧୀଙ୍କ ଓଡ଼ିଶା ଗସ୍ତକୁ ଶହେବର୍ଷ ପୂର୍ତ୍ତି ପାଳନ କରି ଓଡ଼ିଶାରେ ବିଭିନ୍ନ କାର୍ଯ୍ୟକ୍ରମ ହାତକୁ ନିଆଯାଇଛି । ବିଧାନସଭାରେ ଅହିଂସାର ଶବ୍ଦ ସମ୍ବିଧାନର ମୁଖବନ୍ଧରେ ସ୍ଥାନିତ କରାଯିବା ପାଇଁ ସ୍ୱତନ୍ତ୍ର ସଂକଳ୍ପ ଅଣାଯାଇ ପାରିତ କରାଯିବ ।
ତେବେ ଗାନ୍ଧୀଙ୍କ ନୀତି ଓ ଆଦର୍ଶରୁ ବହେଳା ସାଜି ମନ୍ତ୍ରୀ ଅରୁଣ ସାହୁ ଆଜି ପୂରା ଓଡ଼ିଶାରେ ସବୁ ରାଜନେତାଙ୍କୁ ଠାରୁ କିଚି ଭିନ୍ନ କରି ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି ଯୁବମାନସଙ୍କ ମନରେ । ମନ୍ତ୍ରୀଙ୍କ ଏପରି ଚେଷ୍ଟା ଆଜି ଚାରିଆଡ଼େ ଚର୍ଚ୍ଚାର ବିଷୟ ।
