() ଭଗବାନ, ଇଶ୍ୱର, ଠାକୁର । ସବୁ ଶବ୍ଦର ଅର୍ଥ ସମାନ । ପୁରାଣରେ କୁହାଯାଇଛି ଭଗବାନ ସବୁଠି ଅଛନ୍ତି । ପ୍ରତ୍ୟେକ ମଣିଷ ଶରୀରରେ ଅଛନ୍ତି । ଆମ ଚାରିପାଖରେ ଅଛନ୍ତି । ତାହାର ଅନେକ ପ୍ରମାଣ ବହୁବାର ପ୍ରମାଣିତ ହୋଇଛି । ସେ ଭକ୍ତ ପ୍ରହ୍ଲାଦ ଉଦାହାଣ ହେଉ ଅବା ଦାଶିଆ ବାଉରୀ । ଭଗବାନ ସବୁବେଳେ ସବୁ ସମୟରେ ଆମ ପାଖରେ ଓ ଆମ ସହ ଥାଆନ୍ତି । ଭକ୍ତି ବଳରେ ଭଗବାନ ମିଳନ୍ତି, ବିନା ଭକ୍ତିରେ ବି ଆପଣଙ୍କୁ ଭଗବନା ଦେଖାଦଅନ୍ତି ଓ ସେବା କରନ୍ତି ।
ସଭ୍ୟତା ପରେ ସଭ୍ୟତା ଆସୁଛି ।ଆଉ ଏବେ ଆମେ ଆଧୁନିକ ବା ବୈଜ୍ଞାନିକ ଯୁଗରେ ପହଞ୍ଚିଛନ୍ତି । ବିଜ୍ଞାନର ଜ୍ଞାନ କୌଶଳ ଏତେ ଆଗକୁ ଗଲାଣୀ ଯେ ଆମେ ଚନ୍ଦ୍ର ପୃଷ୍ଠରେ ପହଞ୍ଜି ଗଲେଣୀ । ବହୁ କ୍ଷେତ୍ରରେ ଆମେ ସବୁଦିନ ଆଗେଇ ଚାଲିଛନ୍ତି । ହେଲେ ବିଜ୍ଞାନ ଯେତେ ଆଗେଇ ଥିଲେ ମଧ୍ୟ ଜୀବନ ଟିଏ କାହାକୁ ଦେଇ ପାରୁନାହିଁ । ଏହା କେବଳ ଭଗବାନଙ୍କ ଦାନ । ତାହା ଧରାପୃଷ୍ଠରେ ଜନ୍ମ ନେଇଥିବା ପ୍ରତ୍ୟେକ ଜୀବ ପାଇଁ ବରଦାନ । ଯିଏ ସୃଷ୍ଟି , ସେ ସ୍ରଷ୍ଟା ପୁଣି ସେ ସଂହାରକର୍ତ୍ତା । ଦିନରାତି ଭିତରେ ଜୀବନ ଚାଲିଛି । ସମୟରେ ହେଲେ ସଭିଁଏ ନିଜର ଅଭିନୟ ଛାଡ଼ି ଏ ଦୁନିଆରୁ ଯାଇ ଶୂନ୍ୟରେ ମିଶିଯିବେ।
ବେଳେବେଳେ ଆମେ ଏକ ବଡ଼ ପ୍ରଶ୍ନର ସାମ୍ନା କରନ୍ତି । ତାହା ହେଲା ଭଗବାନଙ୍କୁ ଦେଖିଛ । ଅଧିକାଂଶ କୁହନ୍ତି ନା ଦେଖିନି କେବଳ ଅନୂଭବ କରିଛି । କିଛି ଲୋକ କୁହନ୍ତି ହଁ ମୁଁ ଦେଖିଛି । ହେଲେ ପ୍ରତ୍ୟେକ ଦିନ ଆମେ ଭଗବାନଙ୍କ ସହ ଭେଟଭାଟ ହୁଅନ୍ତି ତାଙ୍କ ସହ କଥା ହୁଅନ୍ତି ତାହା ପୁଣି ଭିନ୍ନଭିନ୍ନ ରୂପରେ । ସେକଥା କିନ୍ତୁ ଖୁବ କମ ଲୋକ କୁହନ୍ତି । ସିଧାସିଧା କହିବାକୁ ଗଲେ ଯିଏ ଆମକୁ ଜନ୍ମ ଦେଇଛି ସେ ଭଗବନା ଓ ଯିଏ ଜୀବନ ନେଉଛି ସେ ବି ଭଗବାନ । ତାହାର ଇଚ୍ଛାରେ ଆମ ଜୀବନ ରଥ ଚାଲିଛି ।
ଏକଥା ତ ସମସ୍ତଙ୍କୁ ଜଣା । ଏଥିରେ ନୂଆକଥା କଣ । ହଁ , ନୂଆ କଥା ହେଉଛି ଯିଏ ମରଣ ମୁହଁରୁ ଆମକୁ ଉଦ୍ଧାର କରି ନୂଆ ଜୀବନ ଦିଏ ସେ ବି ଭଗବନା । ଏ ଦୁନିଆ ଓ ସଂସାର ତାକୁ ଦ୍ୱିତୀୟ ଭଗବାନ ବୋଲି ଆଖ୍ୟା ଦେଇଛି ।
ମହାମାରୀ ସମୟ । ଏକ ଅଦୃଶ୍ୟ ଶକ୍ତି ଆମ ଚାରିପଟେ ବୁଲୁଛି । କେତେବେଳେ କାହାକୁ ବି ଗ୍ରାସ କରୁଛି । ଅକାରଣେ ଚାଲିଯାଉଛି ଲକ୍ଷ ଲକ୍ଷ ଜୀବନ । ଏହି ଅଦୃଶ୍ୟ ଶକ୍ତି ଦୁନିଆକୁ ହଲଚଲ କରିଦେଇଛି । ସବୁଥିରେ ଆଣିଛି ପରିବର୍ତ୍ତନ । ଭଗବନ ଭକ୍ତ ଭିତରେ ଛିଡ଼ା କରିଛି ପାଚେରୀ । ସବୁ ଯେମିତି ନିରୁପାୟ ହୋଇ ଯାଇଛନ୍ତି । ଆଉ ଠିକ ଏହି ସମୟରେ ଦ୍ୱିତୀୟ ଭଗବାନ ରୂପରେ ଏହି ଅଦୃଶ୍ୟ ଶକ୍ତି କବଳରୁ ଆମ ଜୀବନକୁ ବଞ୍ଚାଉଛନ୍ତି ଡ଼ାକ୍ତର, ନର୍ସ ଓ ମେଡ଼ିକାଲ କର୍ମଚାରୀମାନେ । ନିଜ ଜୀବନକୁ ବିପଦ ମୁହଁକୁ ଠେଲି ଦେଇ ପ୍ରତ୍ୟେକ ଦିନ ଲକ୍ଷଲକ୍ଷ ଲୋକଙ୍କ ଜୀବନକୁ ମୃତ୍ୟୁମୁଖରୁ ଟାଣିଆଣି ନୂଆ ଜୀବନ ଦେଉଛନ୍ତି । ସବୁଦିନ ଆମେ ଅତି ପାଖରୁ ଏହି ଦ୍ୱିତୀୟ ଭଗବାନଙ୍କୁ ଦେଖୁଛନ୍ତି । ଅନୁଭବ ନୁହେଁ, ସିଧାସଳଖ ଆଲୋଚନା କରୁଛନ୍ତି । ସେ ସିନା ଜୀବନ ଦେଇ ପାରନ୍ତିନି ହେଲେ ଅନେକ ସମୟରେ ଆମକୁ ମୃତ୍ୟୁମୁଖରୁ ଟାଣିଆଣନ୍ତି ।
ଜୟ ଜଗନ୍ନାଥ
