() ଗ୍ରୀନ ହେଉଛି ଯାଜପୁର। ସ୍ୱପ୍ନ ଗୋଟିଏ ଲକ୍ଷ୍ୟ, କୋଟିଏ ଗଛ। ଯାହାକୁ ଚରିତାର୍ଥ କରିବା ପାଇଁ ଯାଜପୁର ବିଧାୟକ ତଥା ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ (ବବି ) ଦୁଇ ବର୍ଷ ତଳୁ ନିଜ ନିର୍ବାଚନ ମଣ୍ଡଳୀରେ ଉଦ୍ୟମ ଆରମ୍ଭ କରିଦେଇଥିଲେ । ଯାହାର ଫଳ ସ୍ୱରୂପ ଏବେ ପ୍ରତି ପଂଚାୟତ ସବୁଜିମାରେ ଭରି ଗଲାଣି । ଆଉ ଦୁଇ ବର୍ଷ ତଳର ମିଶନ ବୃକ୍ଷ ରୋପଣକୁ ଆଜି ବୁଲି ଦେଖିଛନ୍ତି ପ୍ରଣବ । ଗଛର ଯତ୍ନ ନେବା ସହ ଆଗକୁ ଏହି ଅଭିଯାନ ଜରିଆରେ ବ୍ୟାପକ ବୃକ୍ଷ ରୋପଣ କରିବାକୁ ସେ ଅପିଲ କରିଛନ୍ତି l
ସୁସ୍ଥ ଏବଂ ସବୁଜ ହେବ ଯାଜପୁର । ଏହି ଲକ୍ଷ ନେଇ ଦୁଇ ବର୍ଷେ ତଳେ ଯାଜପୁର ବିଧାୟକ ପ୍ରଣବ ପ୍ରକାଶ ଦାସ (ବବି ) ନିଜ ନିବାର୍ଚନୀ ମଣ୍ଡଳୀରେ ଆରମ୍ଭ କରିଥିଲେ ସବୁଜ ଅଭିଯାନ । ଜିଲ୍ଲା ପ୍ରଶାସନ ଓ ଅଶୋକ ଦାସ ଫାଉଣେ୍ଡସନ ପକ୍ଷରୁ ବିଭିନ୍ନ ପଂଚାୟତରେ ଏହି ଅଭିଯାନ ଅାରମ୍ଭ କରାଯାଇଥିଲା । ଯାହା ଏବେ ବାସ୍ତବ ରୂପ ନେଇଛି । ଏହି ଅଭିଯାନ ପୁରା ଜିଲ୍ଲାରେ ସବୁଜ ବିପ୍ଲବ ଭାବେ ପରିଣତ ହୋଇଛି । ବିଭିନ୍ନ ପଂଚାୟତ କରାଯାଇଥିବା ବୃକ୍ଷରୋପଣ ଏବେ ନୂଆ ପରିଚୟ ଦେଇଛି ଯାଜପୁରକୁ l ସବୁଜମୟ ହୋଇଛି ଯାଜପୁରର ବିଭିନ୍ନ ପଂଚାୟତ । ଏହାସହ ଗ୍ରୀନ ଯାଜପୁର ଅଭିଯାନ ସଫଳ ହୋଇଛି । ଗଛ ବଂଚିଲେ ଆମେ ବଂଚିବା କଥାକୁ ଯେମିତି ଯାଜପୁରବାସୀ ପୁରା ବୁଝିଯାଇଛନ୍ତି । ଯଦି ଉଦାହରଣ ସ୍ୱରୂପ ଯାଜପୁର ନିବାର୍ଚନ ମଣ୍ଡଳୀର ନାଥସାହି ପଂଚାୟତକୁ ନିଅାଯାଏ ତେବେ ଏହାର ସୌନ୍ଦର୍ଯ୍ୟକୁ ଦୁଇ ଗୁଣିତ କରିଛି ବର୍ଷେ ତଳେ ଲଗାଯାଇଥିବା ଗଛଗୁଡ଼ିକ । ବିଧାୟକଙ୍କ ଅାହ୍ୱାନରେ ଏବେ ସ୍ୱତ୍ୱ ପ୍ରବୃତ ଭାବେ ଯାଜପୁର ଯୁବପୀଢି, ବରିଷ୍ଠ ନାଗରିକ ଓ ପ୍ରତ୍ୟେକ ଘରୁ ଜଣେ ଜଣେ ଲୋକ ନିଜ ବଗିଚାରେ ଓ ନିଜ ଗାଁରେ ଥିବା ଖାଲି ଜାଗାରେ ଗଛ ଲଗାଇଛନ୍ତି । ଜିଲ୍ଲା ପ୍ରଶାସନର ମିଳିତ ସହଯୋଗରେ ଏହି ଗଛ ଲଗାଯିବା କାମ ଜୋରଦାର ହୋଇଛି । କେବଳ ଯାଜପୁର ନିବାର୍ଚନୀ ମଣ୍ଡଳୀ ନୁହେଁ, ଏବେ ଜିଲ୍ଲାର ପ୍ରତ୍ୟେକ ନିବାର୍ଚନୀ ମଣ୍ଡଳୀରେ ବୃକ୍ଷରୋପଣ ଅଭିଯାନ ଜୋରଦାର ଚାଲିଛି । ପ୍ରଣବ ଯେଉଁ ଲକ୍ଷ ନେଇ ଅଭିଯାନ ଅାରମ୍ଭ କରିଥିଲେ ତାହା ଏବେ ପୁରା ଜିଲ୍ଲାବାସୀଙ୍କ ପାଇଁ ଅାଦର୍ଶ ହୋଇଛି । ଯାଜପୁରରୁ ଏହି ସବୁଜ ବିପ୍ଲବ ସାରା ଓଡ଼ିଶା ପାଇଁ ଏବେ ଉଦାହରଣ ସାଜିଛ । ବିଭିନ୍ନ ଓୗଷଧବୃକ୍ଷ, ଅାମ୍ବ,ପଣସ, ପିଜୁଳି, ବିଭିନ୍ନ ରକମର ଗଛ ଲଗାଯାଇଛି । ବର୍ଷା ଋତୁରେ ବ୍ୟାପକ ଗଛ ଲଗାଇବା ପାଇଁ ସରକାର ଯୋଜନା କରିଛନ୍ତି l ତିନି କୋଟି ଲୋକଙ୍କୁ ମାଗଣାରେ ଚାରା ରାଜ୍ୟ ସରକାର ଯୋଗାଇ ଦେବେ l ଯାଜପୁରବାସୀ ମଧ୍ୟ୍ ଏହି ଅଭିଯାନରେ ସାମିଲ ହେବାକୁ ଲୋକଙ୍କୁ ବୁଝାଇବାର ଦାୟିତ୍ୱ ଅଶୋକ ଦାସ ଫାଉଣ୍ଡେସନ ନେବ ବୋଲି ସଦସ୍ୟମାନେ କହିଥିଲେ l ନଥାସାହି ପଂଚାୟତରେ 7ଏକର ଜଙ୍ଗଲ ଆଜି ସବୁଜମୟ ହୋଇଛି l ଆଜି ଯାଜପୁରର ପୂର୍ବତନ ପୌରାଧ୍ୟକ୍ଷ ଶ୍ରୀଯୁକ୍ତ ଭବ ପ୍ରସାଦ ଦାସ (ଲଲ) ଓ ଯାଜପୁର ବିଡିଓ ସୌରଭ ଚକ୍ରବର୍ତ୍ତୀ,ନାଥସାହି ସରପଞ୍ଚ ଙ୍କ ସହ ଜଙ୍ଗଲ ପରିଦର୍ଶନ ସହିତ ଜଙ୍ଗଲରେ ଲାଗିଥିବା ଗଛ ଗୁଡିକର ତଦାରଖ କରିଥିଲେ ପ୍ରଣବ ।
ପ୍ରଣବଙ୍କ ଉଦ୍ୟମ ଓ ଭିଜନ ପାଇଁ ଗ୍ରୀନ ଯାଜପୁର ଅଭିଯାନ ଏବେ ମିଶନ ମୋଡ଼ରେ ପରିଣତ ହୋଇଛି l
