()ବିଜେଡ଼ି ନିର୍ବାଚନ ପାଇଁ ସବୁୁବେଳେ ପ୍ରସ୍ତୁତ । ଏକଥା ଦଳର ଶୀର୍ଷ ନେତୃତ୍ୱ ଠାରୁ ଆରମ୍ଭ କରି ତୃଣମୂଳସ୍ତର କର୍ମୀ ମୁହଁରୁ ଶୁୂଣିବାକୁ ମିଳେ । ନେତା ବା କର୍ମୀ କେବଳ ଦମ୍ଭକ୍ତି ପ୍ରକାଶ କରିନ୍ତିନି ବଂର ତାହା ବାସ୍ତବତା । କାରଣ ପାରମ୍ପରିକ ରାଜନୀତି ବିଶ୍ୱାସ ନକରି ଦଳ ସବୁବେଳେ ଓ ସବୁ ସମୟରେ ନିଜକୁ ପ୍ରସ୍ତୁତ କରିଥାଏ । ସଂଗଠନକୁ ଚଳଞ୍ଚଳକ କରିବା ସହ ଲୋକଙ୍କ ସେବାକୁ ଅଧିକ ଗୁରୁତ୍ୱ ଦେଇଥାଏ । ଆଉ ତାହା ଭିତରେ ନିର୍ବାଚନ ଆସେ ଆଉ ଯାଏ । ରାଜ୍ୟବାସୀ ମଧ୍ୟ ଦଳକୁ ସବୁବେଳେ ଆର୍ଶୀବାଦ କରି ଗୋଟିଏ ପରେ ଗୋଟିଏ ନିର୍ବାଚନରେ ବିଜୟର ଟିକା ପିନ୍ଧାନ୍ତି ।
ସବୁଠାରୁ ବଡ଼ କଥା ହେଉଛି ଦଳରେ ସବୁବେଳେ ନୂତନ ପୀଢିକୁ ସୁଯୋଗ ଦିଆଯାଏ । ଦଳ ଆଗକୁ ବଢ଼େ, ନେତା ବି ଆଗକୁ ଯାଆନ୍ତି । ଯେବେଠାରୁ ପ୍ରଥମ ଥର ଲାଗି ବିଜେଡ଼ି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଜେଡ଼ିରେ ପ୍ରଥମଥର ଲାଗି ସାଂଗଠନିକ ସମ୍ପାଦକ ପଦ ସୃଷ୍ଟି କରି ଏହାର ଗୁରୁ ଦାୟିତ୍ୱ ନିଜର ଅତି ବିଶ୍ୱସ୍ତ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ(ବବି) ହାତରେ ନ୍ୟସ୍ତ କରିଛନ୍ତି । ସେବେଠାରୁ ବିଜେଡ଼ି ସଂଗଠନ ଅଧିକ ମଜବୁତ ହେବା ସହ ଦଳୀୟ କର୍ମୀ ଓ ନେତାଏ ଉତ୍ସାହିତ ହୋଇଛନ୍ତି । ନବୀନଙ୍କ ପରି କଥା ନୁହେଁ, କାମରେ ବିଶ୍ୱାସ ରଖୁଥିବା ପ୍ରଣବ ବରିଷ୍ଠ ଓ କନିଷ୍ଠଙ୍କୁ ସାଙ୍ଗରେ ଧରି ତୃଣମୂଳସ୍ତରରେ ଦଳର ସଂଗଠନକୁ ଅଧିକ ମଜବୁତ କରିବା ସହ ମୁଖ୍ୟମନ୍ତ୍ରୀ ଜନସେବା ଲକ୍ଷକୁ ଗ୍ରାଉଣ୍ଡରେ ଅଧିକ ତ୍ୱରାନୀତ କରିଛନ୍ତି । ପଦ, ପଦବୀ କି ବିଳାଶପୂର୍ଣ୍ଣ ଜୀବନଶୈଳୀ ନୁହେଁ ବଂର ଲୋକଙ୍କ ସେବା କରିବା ଲାଗି ବିଜେଡ଼ିର ନେତା ଓ କର୍ମୀ ସବୁବେଳେ ତତତ୍ପର ହେବାକୁ ସେ ଆହ୍ୱାନ ଦିଅନ୍ତି । 
ଯେଉଁଥି ପାଇଁ ରାଜଧାନୀରେ ବସି ରାଜନୀତି ରିମୋଟ ଚିପିବା ବଦଳରେ ସେ ନିଜେ ଗ୍ରାଉଣ୍ଡକୁ ଯାଇ ନେତା ଓ କର୍ମୀଙ୍କ ସୁଖ ଦୁଃଖର ସାଥୀ ହୁଅନ୍ତି । ଅଧିକାଶ ସମୟ ଗ୍ରାଉଣ୍ଡକୁ ଯାଇ ବବି କାମ କରିବାକୁ ପସନ୍ଦ କରନ୍ତି । ରାଜଧାନୀରେ ରହି ନେତାଙ୍କୁ ନିର୍ଦ୍ଧେଶ ଦେବା ନୁହେଁ, ସମଗ୍ର ରାଜ୍ୟରେ ବିଭିନ୍ନ ଜିଲ୍ଲାକୁ ଗସ୍ତ କରି ସଂଗଠନକୁ ଅଧିକ ମଜବୁତ କରିବାରେ ଲାଗିଛନ୍ତି ସେ । କେବଳ ସଂଗଠନ ନୂହେଁ, ଗାଁକୁ ଯାଇ ଲୋକଙ୍କ ସୁଖ ଦୁଃଖ ବୁଝିବା ସହ ପଂଚାୟତରେ ରାତି ମଧ୍ୟ କଟାଉଛନ୍ତି । ଘନଘନ ବିଭିନ୍ନି ଜିଲ୍ଲାକୁ ତୋଫାନି ଗସ୍ତ କରି ଦଳୀୟ ନେତା, କର୍ମୀ ଓ ସାଧାରଣ ଲୋକଙ୍କ ସହ ବବି ଆଲୋଚନା ମଧ୍ୟ କରୁଛନ୍ତି । ଏହାସହ ରାଜ୍ୟ ସରକାରଙ୍କ ବିଭିନ୍ନି ଯୋଜନାର ଲୋକମାନେ କିପରି ଅଧିକ ଫାଇଦା ପାଇପାରିବେ ସେନେଇ ବିଜେଡ଼ି ବିଧାୟକ, ସାଂସଦ ,ମନ୍ତ୍ରୀ, ନେତା, ଓ ର୍କମୀଙ୍କ ଗୁରୁମନ୍ତ୍ର ଦେଉଛନ୍ତି ।
ଦଳର ସାଂଗଠନିକ ସମ୍ପାଦକ ଦଳ ପ୍ରତି ଏପରି ଉତ୍ସଗୀକୃତ l ସେବା ଏବେ ଦଳର ବରିଷ୍ଠ ଓ ଯୁବନେତାଙ୍କୁ ଉତ୍ସାହିତ କରିଛି । ପ୍ରଣବଙ୍କ ପରି ବିଜେଡ଼ିର ବରିଷ୍ଠ ଓ କନିଷ୍ଠ ନେତାମାନେ ଯାହାକୁ ଯେଉଁ ଦାୟିତ୍ୱ ଦିଆଯାଇଛି ସେମାନେ ସେ କାର୍ଯ୍ୟରେ ଏବେ ଲାଗିଛନ୍ତି । ଜିଲ୍ଲା ଗସ୍ତ କରି ସଂଗଠନ ବୁଝିବା ସହ କର୍ମୀ ଓ ନେତାଙ୍କ ଗ୍ରହଣରେ ରହିବାକୁ ପସନ୍ଦ କରୁଛନ୍ତି ସଭିଁଏ । ବିଜେଡ଼ିର ଏପରି ସାଂଗଠନିକ କାର୍ଯ୍ୟକଳାପ ଦେଖ ବିରୋଧୀ କ୍ୟାମ୍ପରୁ ନେତାଏ ଏବେ ବିଜେଡ଼ି ମୁହାଁ ହୋଇଛନ୍ତି । ସେ କୋରାପୁଟ, ନବରଙ୍ଗପୁର ହେଉ ଅବା ଯାଜପୁର, ମୟୁରଭଞ୍ଜ, ଭଦ୍ରକ, କେନ୍ଦ୍ରପଡ଼ା, କେନ୍ଦୁଝର , କଟକ,ଖୋର୍ଦ୍ଧା କି ଅନୁଗୁଳ , ତାଳଚେର, ସମ୍ବଲପୁର କି ରାୟଗଡ଼ା ଅବା ମାଲକାନାଗରି । ସବୁଠି ବିରୋଧୀ ଦଳର ନେତା ଓ କର୍ମୀ ବିଜେଡ଼ିରେ ସାମିଲ ହେଉଛନ୍ତି । ବିଶ୍ୱାସ ବିଜେଡ଼ିରେ ହିଁ ରହି ଲୋକଙ୍କ ସେବା କରିହେବ ଓ ରାଜନୀତିରେ ଆଗକୁ ଯାଇହେବ ।
ଆଗକୁ ପଂଚାୟତ ଓ ପୌର ନିର୍ବାଚନ ଆସୁଛି । ଏହାର ଢେର ପୂର୍ବରୁ ତୃଣମୂଳସ୍ତରରେ ବିଜେଡ଼ି ସଂଗଠନ ଯେପରି ଅଧିକ ଶକ୍ତିଶାଳୀ ହେବା ସହ ଚଳଚଞ୍ଚଳ ହୋଇଛି ତାହା ବିରୋଧୀଙ୍କ ମନରେ ଛନକା ପଶାଇଛି ।
