ଯାଜପୁର : ବରୁଆଁ ସେଣ୍ଟ ଜାଭିୟର ସ୍କୁଲରେ ଗୁରୁ ଦିବସ ପାଳିତ ହୋଇଯାଇଛି l ଏଥର ଗୁରୁ ଦିବସ ସବୁ ବର୍ଷ ଅପେକ୍ଷା ଟିକେ ନିଆରା l ଗୁରୁ ଦିବସରେ ଛାତ୍ରଛାତ୍ରୀ ବିନା ପାଳନ କରାଯାଇଥିଲା l କାରଣ ଶିକ୍ଷକ ମାନେ ଜ୍ଞାନ ଓ ବୃଦ୍ଧିର ପ୍ରତିରୂପ ହୋଇଥାନ୍ତି । ଯିଏକି ଛାତ୍ରଛାତ୍ରୀଙ୍କୁ ଜାଗ୍ରତ କରିବା ସହ ଶିକ୍ଷା ଦ୍ୱାରା ଜୀବନ ଅତିବାହିତ କରିବାର ସଠିକ୍ ରାସ୍ତା ଦେଖାଇଥାନ୍ତି । ତେଣୁ ଆଜିର ଦିନରେ ପ୍ରତ୍ୟେକ ବ୍ୟକ୍ତି ଗୁରୁଙ୍କ ଅବଦାନକୁ ମନେ ପକାଇବା ଦରକାର l କାରଣ ଗୁରୁ ହେଉଛନ୍ତି ଆମର ବିଦ୍ୟା, ବୁଦ୍ଧି, ଜ୍ଞାନ, କୌଶଳ ଓ ଆତ୍ମବିଶ୍ୱାସର ପ୍ରତୀକ l ତାଙ୍କର ଉଚିତ ମାର୍ଗଦର୍ଶକ ଏକ ସୁସ୍ଥ ସମାଜ ଗଠନ କରିବାରେ ବେଶ ସହାୟକ ହୋଇଛି l ତେଣୁ ପ୍ରତ୍ୟେକ ଛାତ୍ରୀଛାତ୍ରଙ୍କର ପରମ କର୍ତବ୍ୟ ହୋଇଥାଏ ଯେ ଶିକ୍ଷକଙ୍କ ଏହି ଅମୂଲ୍ୟ ଯୋଗଦାନ ପାଇଁ ବର୍ଷରେ ଗୋଟିଏ ଦିନ ହେଉ ପଛେ ତାଙ୍କୁ ଧନ୍ୟବାନ ନିଶ୍ଚିତ ଭାବେ ଜଣାଇବା ଉଚିତ ବୋଲି ସେଣ୍ଟ ଜାଭିୟର ସ୍କୁଲରେ ନିର୍ଦେଶକ ଧ୍ରୁବ କୁମାର ମହାପାତ୍ର କହିଛନ୍ତି l ପ୍ରତ୍ୟେକ ଦିନ ଆମେ ଗୁରୁବ୍ରହ୍ମା, ଗୁରୁର ବିଷ୍ଣୁ, ଗୁରୁର ଦେବା, ମହେଶ୍ୱର, ଗୁରୁ ସାକ୍ଷାତ ପରମବ୍ରହ୍ମ ତସମେସ୍ରୀ ଗୁରୁବେ ନମଃ ସ୍କୁଲ ପ୍ରତ୍ୟେକ ଦିନ ବୋଲନ୍ତି l ତେଣୁ ଗୁରୁମାନେ ମଧ୍ୟ ସମାଜ ପ୍ରତି ଥିବା ସେମାନଙ୍କ କର୍ତ୍ତବ୍ୟ ପାଳନ କରିବା ଉଚିତ l
ସେପ୍ଟେମ୍ବର ୫ରେ ଗୁରୁ ଦିବସ ପାଳନ କରାଯାଏ । ଏହି ଦିନଟି ହେଉଛି ଡକ୍ଟର ସର୍ବପଲ୍ଲୀ ରାଧାକ୍ରୀଷ୍ଣନଙ୍କ ଜନ୍ମତିଥି । ରାଧାକ୍ରୀଷ୍ଣନ ପୁରା ଦୁନିଆକୁ ଗୋଟିଏ ସ୍କୁଲ ଭାବରେ ଦେଖୁଥିଲେ । ଛାତ୍ରଛାତ୍ରୀଙ୍କୁ ପାଠ ପଢାଇବା ବେଳେ ସେ ପାଠ ଅପେକ୍ଷା ଛାତ୍ରଙ୍କ ବୌଦ୍ଧିକ ବିକାଶକୁ ଅଧିକ ଗୁରୁତ୍ୱ ଦେଉଥିଲେ । ତେଣୁ ଆଜିର ଦିନରେ ଆମେ ସମସ୍ତେ ଏନେଇ ସଂକଳ୍ପ କରିବା ଉଚିତ ବୋଲି ସ୍କୁଲର ସଭାପତି ହିମାଂଶୁ ଶେଖର ମହାପାତ୍ର କହିଛନ୍ତି l ସେହିପରି ଏସକେ ଅବଦୁଲ ଜଲିଲ, ଖାଁଜେ ଅବଦୁଲ ସହିଦ, ଏସକେ ସମଶେର, ବୈକୁଣ୍ଠ ବିଶ୍ୱାଳ, ପ୍ରମୁଖ ଅତିଥି ଭାବେ ଯୋଗ ଦେଇ ଗୁରୁ ଦିବସ ପାଳନ ଉପରେ ନିଜର ମତ ରଖିଥିଲେ l ଶେଷରେ ସ୍କୁଲର ଅଧକ୍ଷ ହିଂମାଶୁ କୁମାର ପଣ୍ଡା କହିଥିଲେ ଯେ ୧୯୬୨ ମସିହାରେ ଦେଶରେ ଶିକ୍ଷକ ଦିବସ ପାଳନ କରାଯାଉଛି l କରୋନା ମହାମାରୀ ଯୋଗୁଁ ଏଥର ସେଣ୍ଟ ଜାଭିୟର ସ୍କୁଲରେ ଶିକ୍ଷକ ଓ ଛାତ୍ରଛାତ୍ରୀଙ୍କ ମଧ୍ୟରେ ଗୁରୁ ଦିବସର ଭେଟଘାଟ ହୋଇପାରି ନାହିଁ l ହେଲେ ପ୍ରତ୍ୟେକ ଛାତ୍ରଛାତ୍ରୀଙ୍କ ଉଚିତ ଶିକ୍ଷା ଦେବା ସହ ଆମ ସ୍କୁଲର ଛାତ୍ରଛାତ୍ରୀ ସମାଜ ଗଠନରେ ପ୍ରମୁଖ ଭୂମିକା ନେବେ ଏଥିରେ ସନ୍ଦେହ ନାହିଁ ବୋଲି ସେ କହିଥିଲେ l
