() ସମସ୍ତେ ଖୁସି ବାଣ୍ଟି ପାରନ୍ତିନି l କାରଣ ଖୁସି ବାଣ୍ଟିବା ହୃଦୟବାନ ବ୍ୟକ୍ତିର ପରିଚୟ ଦିଏ l ଯିଏ ଯେତେ ହୃଦୟବାନ ବ୍ୟକ୍ତି ସେ ସେତେ ଖୁସି l ଆଜିର ସ୍ବାର୍ଥପର ଦୁନିଆରେ ଖୁସି ଯେମିତି ଏକ କେବଳ ଶବ୍ଦ ଟିଏ l ଖୁସି ହେବାକୁ ଧନୀ କି ଗରିବର ପରିଚୟ ଦରକାର ନାହିଁ l କେବଳ ହୃଦୟ ଟା ନିର୍ମଳ ଦରକାର l ପ୍ରତ୍ୟେକ ମଣିଷ ନିଜେ ଖୁସି ରହିଲେ ଅନ୍ୟକୁ ଖୁସି ଦେଇପାରିବ ନାହିଁ l ଏହା ଆପଣ ଜୀବନରେ ଅନେକ ଘଟଣାକୁ ଦେଖିଲେ କି ବିଚାର କଲେ ଜାଣିପାରିବେ l ସହର ହେଉ କି ଗାଁ l ସବୁଠୁ ଓ ସବୁ ସମୟରେ ଜଣେ ବ୍ୟକ୍ତି ଅନ୍ୟକୁ ଖୁସି ବାଣ୍ଟି ପାରିବ l ଏଥିପାଇଁ ମାନସିକତାର ପରିବର୍ତ୍ତନ ଓ ଦୃଷ୍ଟିଭଙ୍ଗୀ ଟିକେ ସ୍ଵତନ୍ତ୍ର ହେବାର ଆବଶ୍ୟକ ରହିଛି l ଯାହା ଏକ ସୁସ୍ଥ ସମାଜ ଗଠନ କରିବା ବେଶ ସହାୟକ l ହଠାତ୍ ରାଜଧାନୀ ରାଜ ରାସ୍ତାରେ ଜଣେ ଅଜଣା ବ୍ୟକ୍ତି ସକାଳୁ ଦୋକାନରେ ଧୂପ ଦେଉଥିବା ଏକ ଛୋଟିଆ ଫଳ ଦୋକାନୀ ପାଖକୁ ଯାଇ କହିଲା ବାବୁ ମତେ ଭାରୀ ଭୋକ କରୁଛି,ଫଳ ଗୋଟେ ଦିଅନ୍ତୁ ଖାଇବି l 3ଦିନ ହେବ କିଛି ଖାଇନାହି l ବାଶ ଏତିକି ଶୁଣି ଦୋକାନୀ କିଛି ଚିନ୍ତା ନକରି ଫଳଟିଏ ଖାଇବାକୁ ଦେଇଥିଲା ସେ ଭୋକିଲା ଲୋକକୁ l ଫଳ ଖାଇଲା ପରେ ଲୋକଟି ଆତ୍ମା ଖୁସି ଓ ଦୋକାନୀ ବି ଫଳ ଟିଏ ଦେଇ ଗୋଟେ ଲୋକର ମନ୍ ଖୁସି କରିପାରୁଥିବାରୁ ସେ ଭାରୀ ଖୁସି l ଅନ୍ୟ ଗୋଟେ ସ୍ଥାନରେ ଦେଖାଗଲା ଯେ ଜଣେ ଅତି ପ୍ରଭାବଶାଳୀ ବ୍ୟକ୍ତି ଗୋଟେ ଦୋକାନରେ ଖାଉଥିବା ସମୟରେ ଜଣେ ଭିକାରୀ କିଛି ଖାଇବାକୁ ମାଗିଲା l ହେଲେ ବ୍ୟକ୍ତି ଜଣକ ନଜାଣିଲା ପରି ଖାଇସାରି ନିଜ ଦାମୀ ଗାଡ଼ିରେ ବସି ପଳେଇଲା l ହୁଏତ ଧନୀ ଲୋକଟି ବେଶ ଖୁସିରେ ଜୀବନ କଟାଉଛି l ହେଲେ ଖୁସି କିନ୍ତୁ ବାଣ୍ଟି ପାରିବ ତା ପକ୍ଷରେ ସମ୍ଭବ ନୁହେଁ l ଦୁନିଆରେ ସବୁ ଜିନିଷ ସମସ୍ତଙ୍କୁ ମିଳିବ ନାହିଁ l ହେଲେ ଜଣେ ନିଜେ ଚାହିଁଲେ ସବୁ କଷ୍ଟକୁ ସହି ଖୁସିରେ ରହିବା ସହ ଅନ୍ୟକୁ ଖୁସି ବାଣ୍ଟି ପାରିବ l ଜୀବନର ପ୍ରେମ, ବିଶ୍ୱାସ , ଭରଷା ଭିତରେ ସମୁଦ୍ର ପରି ଭରି ରହିଛି ଖୁସି l ତେଣୁ କିଛି ଚିନ୍ତା ନକରି, କିଛି ସ୍ବାର୍ଥ ନଥାଇ ନିଜେ ଖୁସିରେ ରହିବା ଓ ଅନ୍ୟକୁ ଖୁସି ବାଣ୍ଟିବା l ତାହାଲେ ଏ ଜୀବନ ସରସ ଓ ସୁନ୍ଦର ହୋଇପାରିବ l ଖୁସି ହେବା ଓ ବାଣ୍ଟିବା ଭିତରେ ଗର୍ବ, ଅହଙ୍କାର ସହ ପାଇବା ଓ ହରାଇବାର ସମ୍ଭାବନା ଯେ କୁଆଡେ ଆପେ ଆପେ ଲୁଚିଯିବ ଆମ ଜୀବନ ଯାତ୍ରାରେ ଭିତରେ ତାହା କେବଳ ନିଜେ ଅନୁଭବ କରି ପାରିବ ଖୁସିରେ ଥିବା ବ୍ୟକ୍ତି ଜଣକ l
