()ଦ୍ବିତୀୟଥର ପାଇଁ ଓଡ଼ିଶା ମାଟିରେ ଆରମ୍ଭ ହୋଇଛି ବିଶ୍ବକପ ହକିର ମହାସମର । ବିଶ୍ବକପ ହକିରେ ସାମିଲ ହେବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସବୁ ରାଜ୍ୟର ମୁଖ୍ୟମନ୍ତ୍ରୀ ମାନଙ୍କୁ ନିମନ୍ତ୍ରଣ କରିଥିଲେ । ମୁଖ୍ୟମନ୍ତ୍ରୀଙ୍କ ନିମନ୍ତ୍ରଣକୁ ରକ୍ଷା କରି ଅନ୍ୟ ରାଜ୍ୟର ମୁଖ୍ୟମନ୍ତ୍ରୀ ଓ ମନ୍ତ୍ରୀ ପରିଷଦର ସଦସ୍ୟ ମାନେ ଓଡ଼ିଶା ଆସିଛନ୍ତି l ବିଶ୍ଵକପ୍ ହକି ଆରମ୍ଭ ଦିନ ନିମନ୍ତ୍ରଣକୁ ଗ୍ରହଣ କରି ସିକିମ ମୁଖ୍ୟମନ୍ତ୍ରୀ ଓଡ଼ିଶାରେ ବିଶ୍ବକପ ହକି ଖେଳ ଦେଖି ଖେଳାଳି ଉତ୍ସାହିତ କରିବା ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପ୍ରଶଂସା କରିଥିଲେ l 
ଏହାସହ ଦେଶର ବୃହତର ବିର୍ସାମୁଣ୍ଡା ହକି ଷ୍ଟାଡ଼ିୟମରେ ସିକିମ ମୁଖ୍ୟମନ୍ତ୍ରୀ ଖେଳ ଦେଖି ନବୀନଙ୍କ ଉଦ୍ୟମ କୁ ବି ଭୂ ପ୍ରଶଂସା କରିଥିଲେ। ଏହି କ୍ରମରେ ଏବେ ଓଡିଶାକୁ ଛୁଟୁଛି ଅନ୍ୟ ରାଜ୍ୟର ମୁଖ୍ୟମନ୍ତ୍ରୀ ଓ ମନ୍ତ୍ରୀଗଣ ସୁଅ l ଦ୍ବିତୀୟଥର ପାଇଁ ବିଶ୍ବକପ ହକି ଆୟୋଜନ କରି ଓଡ଼ିଶା ପୁରା ବିଶ୍ବରେ ସ୍ବତନ୍ତ୍ର ପରିଚୟ ସୃଷ୍ଟି କରିବା ସହ ଦେଶର ଗୌରବ ବୃଦ୍ଧି କରିଛି । କ୍ରୀଡ଼ାର ଏହି ମହାକୁମ୍ଭରେ ଦେଶର ସବୁ ସାମିଲ ମୁଖ୍ୟମନ୍ତ୍ରୀମାନଙ୍କୁ ସାମିଲ ହେବା ପାଇଁ ନିମନ୍ତ୍ରଣ କରିଥିଲା ଓଡ଼ିଶା । 
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିଦ୍ଦେଶର ରାଜ୍ୟମନ୍ତ୍ରୀ ମଣ୍ଡଳର ସମସ୍ୟମାନେ ବିଭିନ୍ନ ରାଜ୍ୟ ଗସ୍ତ କରି ମୁଖ୍ୟମନ୍ତ୍ରୀମାନଙ୍କୁ ଭେଟି ନିମନ୍ତ୍ରଣ କରିଥିଲେ । ସିକିମ ମୁଖ୍ୟମନ୍ତ୍ର ପ୍ରିମ ସିଂ ତମଙ୍ଗ ପରେ ତାମିଲନାଡୁର ମନ୍ତ୍ରୀ ଓଡ଼ିଶା ବିଶ୍ବକପ ହକିରେ ସାମିଲ ହୋଇଛନ୍ତି । ଆଜି ସେ ଭୁବନେଶ୍ବରରେ ପହଞ୍ଚିବା ମାତ୍ରେ ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ (ବବି) ତାଙ୍କୁ ଭବ୍ୟ ସ୍ଵାଗତ କରିଥିଲେ l ତାମିଲନାଡୁର କ୍ରୀଡ଼ା ମନ୍ତ୍ରୀ ଉଦୟାନିଧି ଷ୍ଟାଲିନ, ତାମିଲନାଡୁର ସିଏମ ଏମ.କେ ଷ୍ଟାଲିନଙ୍କ ପୁଅ l ଭୁବନେଶ୍ୱରରେ ହକି ୱାର୍ଲ୍ଡକପ 2023 ଦେଖିବା ପାଇଁ ପହଞ୍ଚିଛନ୍ତି। ସଂଘୀୟ ବ୍ୟବସ୍ଥାକୁ ଅଧିକ ଦୃଢ କରିବା ପାଇଁ ମୁଖ୍ୟମନ୍ତ୍ରୀ ଏପରି ନିମନ୍ତ୍ରଣ ସଭିଁଙ୍କ ଆକୃଷ୍ଟ କରିବା ସହ ହକି ପ୍ରତି ଭଲ ପାଇବା ପ୍ରତିପାଦନ କରିଛି ।
ଦ୍ବିତୀୟଥର ହକି ବିଶ୍ବ ଆୟୋଜନ ଓଡ଼ିଶାରେ ଆଣିଛି କ୍ରୀଡ଼ାର ମାହୋଲ । ଭୁବନେଶ୍ବର ଓ ରାଉଲକେଲାରେ ହକି ଫିଭର୍ ଜାରୀ ରହିଛି l ପର୍ଯ୍ୟାୟ କ୍ରମେ ଏହି ମ୍ୟାଚ ଦେଖିବା ପାଇଁ ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀ ଓ ମନ୍ତ୍ରୀମାନେ ସାମିଲ ହେବାର କାର୍ଯ୍ୟକ୍ରମ ରହିଛି । କଟକରେ ଅନୁଷ୍ଠିତ ଉଦଘାଟନ ଉତ୍ସବରେ କେନ୍ଦ୍ର କ୍ରୀଡ଼ା ମନ୍ତ୍ରୀ ସାମିଲ ହୋଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନେତୃ୍ତ୍ବରେ ଓଡ଼ିଶା ଦ୍ବିତୀୟ ଥର ପାଇଁ ଆୟୋଜନ କରୁଥିବାରୁ ଭୁପ୍ରଶଂସା କରିଥିଲେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ବରେ ହକିର ଅନ୍ତୁଡ଼ିଶାଳ ସୁନ୍ଦରଗଡ଼ର ରାଉଲକେଲାରେ ବିଶ୍ବର ବୃହତ ବିର୍ସା ମୁଣ୍ଡା ହକି ଷ୍ଟାଡ଼ିୟମ କରି ପୁରା ଓଡ଼ିଶା ବିଶ୍ବର ଗୌରବ ଅର୍ଜନ କରିଛି । ବିଶ୍ବକପ ହକି ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପାଖରୁ ପ୍ରଶଂସାର ସୁଆ ଛୁଟୁଛି । ଯାହା ପ୍ରତ୍ୟେକ ଓଡିଆଙ୍କ ପାଇଁ ଗର୍ବର କଥା ।
