ଶୀତକୁ ବିଦାୟ । ଋତୁରାଜ ବସନ୍ତ ସ୍ୱାଗତ । ସବୁଠି ନୂଆ ଉତ୍ସାହର ମାହୋଲ । ଆଉ ଏହି ଆନନ୍ଦକୁ ସାଙ୍ଗରେ ନେଇକିି ଆସେ ହୋଲି । ହୋଲି ହେଉଛି ଖୁସି, ଆନନ୍ଦ,ଭାଇଚାର, ଭାବନା ଓ ପ୍ରେମର ପର୍ବ । ବହୁ ପୁରାତନ କାଳରୁ ରଙ୍ଗ ଓ ପ୍ରେମର ବଡ଼ ସଂଯୋଗ ପର୍ବ ହୋଲିକୁ ଆମେ ପାଳନ କରିଆସୁଛୁ । ଭଗବାନଙ୍କ ଠାରୁ ମାନସସମାଜ ସର୍ଭିଏ ହୋଲିର ରଙ୍ଗରେ ରଙ୍ଗିନ ହୁଅନ୍ତି । ଖାସ ସେଥିପାଇଁ ଦୋଳପୂର୍ଣମୀ ଘରେ ଘରେ ଭରିଦିଏ ଆନନ୍ଦ । ସବୁ କିଛି ଭୂଲି ରଙ୍ଗିନ ହେବାକୁ ସଭିଁଏ ଆଗଭର ହୁଅନ୍ତି ଏହି ଦିନ ।
ଲାଲ,ଗୋଲାପି, ନୀଳ, ଶାଗୁଆ , ହଳଦିଆ, କଳା କାହିଁ କେତେ ରଙ୍ଗ । ଆଉ ଏହି ସବୁ ରଙ୍ଗ ମହଲ ଓ ଗ ୁରୁତ୍ୱ ହୋଲିରେ ଜଣାପଡ଼େ । ରଙ୍ଗ ଦେହରେ ଲାଗିଲେ କିଛିି ସମୟ ପାଇଁ ବଦଳିଯାଏ ଚେହେରା । ହେଲେ ରଙ୍ଗ ଯଦି ମନରେ ଲାଗିବ ତେବେ ପୁରା ଜୀବନ ବଦଳିଯାଏ । ଯେମିତି ଆକାଶରେ ଇନ୍ଦ୍ରଧନୁ, କାଳ ବାଦଳ , ନୀଳ ବାଦଲ, ଧଳା ବାଦଲର ଚାଦର ଆସିଥାଏ । ଠିକ ସେହିପରି ଜୀବନରେ ଅନେକ ସମୟରେ ଆମ ମନରେ ଏପରି ରଙ୍ଗିନ ରଙ୍ଗର ବାଦଲ ଚାଲେ । ଆଉ ଏହି ଚଲା ଦୁଃଖ ଯେମିତି ଅପସରି ଯାଏ ଓ ମନରେ ଭରିଦିଏ କେବଳ ଖୁସି ଆଉ ଖୁସି । ଦୁନିଆ ବଦଳୁଛି, ପ୍ରକୃତି ଓ ପରିବେଶ ବି ବଦଳୁଚି । ଆଜି ଏହି ରଙ୍ଗିନ ପର୍ବରେ ବି ରୋକ ଲାୁଗଛି । ହେଲେ ବିନା ରଙ୍ଗରେ ଏହି ପର୍ବ ଯେ ଆପେଆପେ ମନକୁ ରଙ୍ଗିନ କରାଏ ତାହା ଅଳ୍ପ ବହୁତ ସଭିଁଏ ଅନୁଭବ କରିନ୍ତି ଦୋଳ ପର୍ବରେ । କାହିର୍କି କେଜେଣା ହୋଲି ସଭିଁଙ୍କ ଭିତରେ ଟିକେ ହଲଚଲ ଆଣିଦିଏ । ଏହି ପର୍ବରେ ବିନା ରଙ୍ଗନରେ ରଙ୍ଗିନ ହୁଏ ମନ, ବିନା ଗୀତରେ ଝୁମିଉଠେ ମନ, ବିନା ନିଶାରେ ନିଶାଚଡ଼ି ଯାଏ ଶଶୀରରେ । ଆଉ ବିନା ପ୍ରେମରେ ହୃଦୟରେ ଗଢିଉଠେ ପ୍ରେମର ଘର । ଯେମିତି ଏସବୁ ସାଙ୍ଗରେ ନେଇକି ଆସିଥାଏ ରଙ୍ଗର ପର୍ବ ହୋଲି । ଶଦ୍ଧ ବିନା ଯେମିତି ମନର ଭାବନାକୁ ଆଖି ବୁଝିଥାଏ, ଠିକ ସେହିପରି ରଙ୍ଗ ବିନାରେ ବି ଦୁନିଆ ରଙ୍ଗିନ ହୋଇଯାଏ ହୋଲି ପର୍ବରେ । ଆନନ୍ଦ, ମହଲ ଓ ଅନେକ ସମ୍ଭାବନାକୁ ନେଇ ଏହି ପର୍ବ ପାଳନ କରାଯାଏ । ଗାଁ ଠୁ ସହର ଯାଏ ସବୁଠି ଖେଳିଯାଏ ଆନନ୍ଦର ମାହୋଲ । ହେଲେ ହୋଲି କିନ୍ତୁ ଆଜି ଫଗୁନରେ ଆସିଛି, ଅନେକ ଫଗୁ ନେଇ । ଆକାଶରେ ରଙ୍ଗ ଲାଗିଛି ଓ ମନରେ ବି । ହେଲେ କିଛିଟା ପ୍ରତିବନ୍ଧକ ଏହାକୁ ଅଟକାଇାକୁ ଚାହୁଛି ଆଜି । କିନ୍ତୁ ରଙ୍ଗ ପ୍ରେମ, ଖୁସିର ଏହି ସୁନାମୀକୁ କିଏ କଣ କେବେ ରୋକି ପାରିଛି ନା ରୋକିବ । ତେଣୁ ସବୁକିଛି ଭୂଲି ଚାଲ ନିଜର ନିଜ ଇଚ୍ଛାରେ ରଙ୍ଗିନ ହେବା ଓ ଦୁନିଆକୁ ନୁଆରୂପରେ ନିଜ ମନର ରଙ୍ଗରେ ସଜେଇ…….
