ଐତିହ୍ଯ ଓ ସଂସ୍କ୍ରୁତିର ସହରରେ ଝଲସିବ I LOVE ❤ JAJPURର କଟେଡ୍
* ଆଧୁନିକତାର ରଂଗରେ ସଜେଇ ହେଲାଣି ଭାବର ସହର
* ରୂପ ଲାବଣ୍ଯରେ ବିଭୋର ସହରବାସୀ, ଆନମନା କରୁଛି କୁସୁମା
ଯାଜପୁର : ମେଟ୍ରୋ ନୁହେଁ କି ସ୍ମାର୍ଟ ସିଟି ନୁହେଁ । ଐତିହ ସଂସ୍କୃତିର ସହର ଯାଜପୁର । ଭାଇଚାରା ଭାବ ପ୍ରବଣତାର ସଙ୍ଗମ ସ୍ଥଳୀ। ଗଲା ୧୫ ବର୍ଷ ଭିତରେ ନୂଆ ରୂପରେ ସଜେଇ ହୋଇଛି ସମ୍ପୂର୍ଣ୍ଣ ସହର । ଯିଏ ଥରେ ଯାଜପୁର ଆସିଛି ସେ ଜାଣିଛି ତାର ରୂପ ଲାବଣ୍ୟ ବିଷୟରେ। ନୂଆ ଯାଜପୁର ଗଢିବା ପାଇଁ ବିଧାୟକ ପ୍ରଣବ ପ୍ରକାଶ ଦାସ ଯାଜପୁରର ବିକାଶ ରଥକୁ ଏକ ନୂଆ ଦିଗ ଦେଇଛନ୍ତି । ଯାହା ଅନ୍ୟ ଜିଲ୍ଲା ପାଇଁ ଆଜି ଉଦାହରଣ ସାଜିଛି । ଯାଜପୁରିଆଙ୍କ ପାଇଁ ଓ ସହରକୁ ଆସୁଥିବା ପର୍ଯ୍ୟଟକଙ୍କ ପାଇଁ ନୂଆ ସେଲ୍ଫି ପଏଣ୍ଟ ପାଲଟିଛି କୁସୁମା । ଆଉ ଏହା ପାଖରେ ଏବେ ନୂଆ ସେଲ୍ଫି ପଏଣ୍ଟ ପାଲଟିବ I LOVE ଯାଜପୁର କଟେଡ଼ । ସହରର ଛାତି ଉପରେ ପାନ ପତ୍ରର I love ଯାଜପୁର ଲେଖା ହେବ। ଏ ପାନ ପତ୍ରକୁ ଦେଖିଲେ ସେଲ୍ଫି ପ୍ରେମୀ କେମିତିବା ନିଜକୁ ସେଲ୍ଫି ନେବାରୁ ଦୁରେଇ ରଖିବେ । ଆସନ୍ତାକାଲି ରବିବାର ଯାଜପୁର ବିଧାୟକ ଏହି କଟେଡ଼କୁ ସର୍ବସାଧାରଣ ପାଇଁ ଲୋକାର୍ପଣ କରିବେ । କେବଳ ସେତିକି ନୁହେଁ ଯାଜପୁରର ପ୍ରବେଶ ପଥରେ ମେକ୍ ଇନ ଇଣ୍ଡିଆ ଢାଞ୍ଚାରେ ନିର୍ମିତ ଦୂତମାନ ହରିଣ ସହରର ଶୋଭା ବର୍ଦ୍ଧନ କରିବ । ପୂର୍ବରୁ ସହରର କାନ୍ଥ ବାଡ଼ରେ ଐତିହ ସଂକୃତି ଓ ପରମ୍ପରାର ଗାଥା ଚିତ୍ରିତ ହୋଇଛି । ଆଉ ଆସନ୍ତାକାଲି ଲୋକାର୍ପିତ ଅପେକ୍ଷାରେ ରହିଥିବା ସେଲ୍ଫି ପଏଣ୍ଟ ଓ ମେକ୍ ଇନ ଇଣ୍ଡିଆର ଦୂତଗାମୀ ହରିଣ ସହରର ଶୋଭାକୁ ଦୁଇ ଗୁଣିତ କରିବ।
