() ବିଶ୍ଵର ସବଠାରୁ ଲୋକପ୍ରିୟ 20-20 ଟୁର୍ଣ୍ଣାମେଣ୍ଟର ଇଣ୍ଡିଆନ ପ୍ରୀମିୟର ଲିଗ୍ (IPL) ର ୧୬ତମ ମ୍ୟାଚ୍ ଆଜିଠାରୁ ଆରମ୍ଭ ହେଉଛି। ୫୯ ଦିନର ଏହି ଯାତ୍ରାରେ ୭୪ଟି ମ୍ୟାଚ୍ ଖେଳାଯିବ। ଗତଥରର ବିଜେତା ଗୁଜୁରାଟ ଟାଇଟନ୍ ଓ ୪ଥ ଥର ଆଇପିଏଲ ଟ୍ରୋଫି ନିଜ ହାତକୁ ନେଇଥିବା ଚେନ୍ନାଇ ସୁପର କିଙ୍ଗ(CSK) ମଧ୍ୟରେ ଅନୁଷ୍ଠିତ ହେବାକୁ ଯାଉଛି। ଆଜିର ଏହି ଉଦଘାଟନୀ ମ୍ୟାଚ୍ ଅହମ୍ମଦାବାଦର ନରେନ୍ଦ୍ରମୋଦି ଷ୍ଟାଡିୟମରେ ଖେଳାଯିବ। ୧୦ଟି ଦଳ ଓ ୧୨ଟି ସହରରେ ଆଇପିଏଲ ଖେଳାଯିବ। ପ୍ରତି ଦଳ ୧୪ଟି ମ୍ୟାଚ୍ ଖେଳିବେ। ପ୍ରତିଥର ପରି ଏଥର ମଧ୍ୟ ପ୍ରତିଟି ଦଳ ଘରୋଇ ଓ ବାହାରେ ମ୍ୟାଚ୍ ଖେଳିବେ। ମହେନ୍ଦ୍ର ସିଂ ଧୋନୀ ଙ୍କ ନେତୃତ୍ବରେ ଟିମ୍ CSK ପଞ୍ଚମଥର ଟ୍ରଫି ଜିତିବା ଲକ୍ଷ୍ୟରେ ପଡ଼ିଆକୁ ଓହ୍ଲାଇବ। ଗୁଜୁରାଟ ବିପକ୍ଷ ମ୍ୟାଚରେ ବିଜୟ ସହ ଅଭିଯାନ ଆରମ୍ଭ କରିବାକୁ ଲକ୍ଷ୍ୟ ରଖିଛି CSK। ୪୨ ବର୍ଷୀୟ ଧୋନୀ ପ୍ରାୟ ଶେଷ ଆଇପିଏଲ ମ୍ୟାଚ୍ ଖେଳିବାକୁ ଯାଉଥିବା ବେଳେ ଦଳ ବିଜୟର ଟୀକା ପିନ୍ଧେଇବା ପାଇଁ ଚେଷ୍ଟା କରିବେ। ଅନ୍ୟପକ୍ଷରେ ପାଣ୍ଡ୍ୟା ଟାଇଟଲ ବଜାୟ ରଖିବାକୁ ଉଦ୍ୟମ କରିବେ। ପ୍ରଥମଥର ପାଇଁ ଇମ୍ପାକ୍ଟ ଖେଳାଳୀ ନିୟମ ଓ ୧୧ଟି ଭାଷା ରେ ଦେଖିବାକୁ ମିଳିବ ଆଇପିଏଲ ମ୍ୟାଚ୍ । ସେହି ୧୧ଟି ଭାଷା ମଧ୍ୟରେ ଓଡ଼ିଆ ଭାଷାରେ ଦେଖିବାକୁ ମିଳିବ ଏହି ବର୍ଷର ଆଇପିଏଲ ମ୍ୟାଚ୍। ଓଡ଼ିଆରେ ଆଇପିଏଲ ଦେଖିବକୁ ଚାହିଁ ରହିଛନ୍ତି କ୍ରିକେଟପ୍ରେମୀ। ଏହି ଗ୍ରୀଷ୍ମଋତୁରେ ଚୌକ, ଛକାର ବର୍ଷା ହେବାକୁ ଯାଉଛି।
