ପୁରୀ: ସବୁ ଅସମ୍ଭବ ତାହା ପାଖରେ ସମ୍ଭବ । କାରଣ ସେ ମଣିଷ ଦେବାତା । ସବୁବେଳେ ଭକ୍ତର ଇଚ୍ଛା ସେ ପୂରଣ କରେ । ଭକ୍ତ ପାଇଁ ତାହା ଦ୍ୱାରା ସବୁଦିନ ଖୋଲା ରହିଛି ଓ ରହିବ । ଏଥିରେ କେହି ବି ପ୍ରତିବନ୍ଧନ ସାଜିପାରିବେ ନାହିଁ । ଜଗତନିୟନ୍ତାଙ୍କ କିମିଅା ଅାଗରେ ସବୁ ମାୟା ଫେଲ । କାରଣ କରି କରାଉ ଥାଏ ମୁହିଁ, ମୋ ବିନା ଅନ୍ୟ ଗତି ନାହିଁ । ଏକଥା ଅାଜି ପ୍ରମାଣିତ ହୋଇଛି । ଜଗା ଯାତ୍ରାର ଦାୟିତ୍ୱ ନିଜେ ଜଗା ନେଇଛି । ସୁବ ନିୟମ କାନୁନ ତା ଅାଗରେ ଫେଲ ମାରିଛି ।
ଅନୁମତି ମିଳିଗଲା, ଏଥର ଅନୁଶାସନରେ ପରୀକ୍ଷା । ଭକ୍ତ ଭାବାବେଗ ସିନା ସୁପ୍ରିମକୋର୍ଟ ଅନୁମତି ଦେଲେ ,ଏବେ ରଥଯାତ୍ରା କିପରି ଶୃଙ୍ଖଳିତ ହୋଇପାରିବ ତାହା ଏବେ ରାଜ୍ୟ ସରକାରଙ୍କ ପାଇଁ ବଡ଼ ଚ୍ୟାଲେଂଜ । କାରଣ ହାତରେ ଅାଉ ୨୪ ଘଣ୍ଟା ବି ନାହିଁ । ସବୁଠାରୁ ବଡ଼ ଚ୍ୟାଲେଂଜ ହେବ କିପରି ଭିଡ଼କୁ ନିୟନ୍ତ୍ରଣ କରାଯିବ । କାରଣ ରଥଯାତ୍ରାରେ ଯେଉଁ ଭିଡ଼ି ହେବ ତାହା ହିଁ ସରକାରଙ୍କ ମୁଣ୍ଡ ବ୍ୟଥାର କାରଣ । ଅବଶ୍ୟ କାର୍ଫୁ ଭିତରେ ଘୋଷଯାତ୍ରା କରିବା ପାଇଁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି । ଏହାକୁ କିପରି କଣ୍ଟ୍ରାଲ କରାଯିବ ପୋଲିସ ଡ଼ିଜି ନିଜେ ପୁରୀରେ କ୍ୟାମ୍ପ କରି ସୁରକ୍ଷା ବ୍ୟବସ୍ଥାର ତଦାରଖ କରିବେ । ଏହାସହ ପୁରା ସରକାରୀ କଳ ଏବେ ରଥଯାତ୍ରାକୁ ନେଇ ତତ୍ପରତା ପ୍ରକାଶ ପାଇଛି । ମୁଖ୍ୟମନ୍ତ୍ରୀ ନିଜେ ରଥଯାତ୍ରାର ଟିକନିକ ସମୀକ୍ଷା କରିଛନ୍ତି । ଭିଡ଼ିଓ କନଫେରେନ୍ସି ଜରିଅାରେ ରଥଯାତ୍ରା କିପରି ସୁରୁଖୁରୁରେ ହୋଇପାରିବ ତାହାର ଘନଘନ ସମୀକ୍ଷା କରିଛନ୍ତୁ ମୁଖ୍ୟମନ୍ତ୍ରୀ । ଅାଜି ରାତି ୯ଟାରେ ପରେ ପୁରା ପୁରୀରେ କର୍ଫ୍ୟୁ ଜାରୀ କରାଯାଇଛି । ରଥ,ପଥ , ଜଗନ୍ନାଥ ସବୁ ପ୍ରସ୍ତୁତ ଅଛନ୍ତି,ଏବେ କେବଳ ଅପେକ୍ଷା ମହାପ୍ରଭୃଙ୍କର ରଥାରୁଢକୁ ।
