- Advertisement -
ଯାଜପୁର : ସୋମବାର ଯାଜପୁର ମୁନିସିପାଲଟିରେ ଜଣେ କରୋନା ରୋଗୀ ଚିହ୍ନଟ ହୋଇଛି । ଏହାପରେ ଯାଜପୁର ସହରରେ ସ୍ୱଚ୍ଚତା କାର୍ଯ୍ୟକ୍ରମକୁ ଗୁରୁତ୍ୱ ଦିଆଯାଇଛି । ସମ୍ପୂର୍ଣ୍ଣ ସହରକୁ ସାନିଟାଇଜ କରାଯାଉଛି । ଯାହା କି ମୁନିସିପାଲଟି କାର୍ଯ୍ୟାଳୟ ଠାରୁ ଆରମ୍ଭ କରାଯାଇଛି । ପୂର୍ବତନ ପୌରାଧକ୍ଷ ଭଵ ପ୍ରସାଦ ଦାସ ଏହି କାର୍ଯ୍ୟକ୍ରମକୁ ତଦାରଖ କରୁଛନ୍ତି । ଏହାସହ କିଛି ପୂର୍ବତନ କାଉନସିଲର ମଧ୍ୟ ଏଥିରେ ସହଯୋଗ କରୁଛନ୍ତି । ବର୍ତ୍ତମାନ ଯାଜପୁରରେ କରୋନା ଆକ୍ରାନ୍ତ ସଂଖ୍ୟା ବୃଦ୍ଧି ପାଇବାରେ ଲାଗିଛି। ଏବେ ଜିଲ୍ଲାରେ ୬୩ ରେ ପହଂଚିଲାଣି କରୋନା ରୋଗୀଙ୍କ ସଂଖ୍ୟା । ଏଣୁ ଜିଲ୍ଲା ପ୍ରଶାସନ ଯୁଦ୍ଧକାଳୀନ ଭିତ୍ତିରେ ପଦକ୍ଷେପ ନେଇ କରୋନାକୁ ହରାଇବା ପାଇଁ ଲାଗିପଡିଛି। ଯୁବନେତା ଭଵ ପ୍ରସାଦ ଦାସ ଲୋକଙ୍କୁ ସଚେତନ କରାଇବା ସହ ସ୍ୱଚ୍ଚତାକୁ କିପରି ଗୁରୁତ୍ୱ ଦିଆଯିବ ତା ଉପରେ ବିଶେଷ ଦୃଷ୍ଟି ଦେଇଛନ୍ତି।
