ଯାଜପୁର : ଯାଜପୁର ପ୍ରେସ କ୍ଲବର ନବବର୍ଷ ବନ୍ଧୁ ମିଳନ କାର୍ଯ୍ୟକ୍ରମ ଯାଜପୁର ବରାହ ମନ୍ଦିର ନିକଟସ୍ଥ ବୈତରଣୀ ନଦୀ କୂଳରେ ଅନୁଷ୍ଠିତ ହୋଇଯାଇଅଛି । ଏହି ବନ୍ଧୁମିଳନରେ ମୁଖ୍ୟ ଅତିଥି ଭାବେ ଯାଜପୁର ପୌର ପରିଷଦର ପୂର୍ବତନ ଅଧକ୍ଷ ଭବ ପ୍ରସାଦ ଦାସ ଯୋଗ ଦେଇ ସାମ୍ବାଦିକ ମାନଙ୍କ ସହ କିଛି ସମୟ କଟାଇଥିଲେ ।
ଯାଜପୁର ବିଧାୟକ ତଥା ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ ନୂଆ ଯାଜପୁର ଗଠନ ପାଇଁ ଯେଉଁ ସଂଜଳ୍ପ ନେଇଛନ୍ତି , ସେଥିରେ ସାମ୍ବାଦିକ ମାନଙ୍କର ଭୂମିକା ବହୁ ଗୁରୁତ୍ୱପୂର୍ଣ୍ଣ ବୋଲି ଭବ ପ୍ରସାଦ କହିଥିଲେ । 
ଏହାସହ ପ୍ରେସକ୍ଲବ ପାଇଁ ଏକ ଗୃହ ଯୋଗାଇ ଦେବାକୁ ମଧ୍ୟ ଭବ ପ୍ରସାଦ ଗୁରୁତ୍ୱ ଦେଇଥିଲେ। ଏହି ବନ୍ଧୁ ମିଳନ କାର୍ଯ୍ୟକ୍ରମରେ ଅନ୍ୟ ଅତିଥି ଭାବେ ଯାଜପୁର ଥାନାର ଭାରପ୍ରାପ୍ତ ଥାନା ଅଧିକାରୀ ମାନସ ରଞ୍ଜନ ଚକ୍ର , ଅଧ୍ୟାପକ ବଟକୃଷ୍ଣ ତ୍ରିପାଠୀ , ବରିଷ୍ଠ ସାମ୍ବାଦିକ ଆନନ୍ଦ ସାହୁ , ପ୍ରେସ କ୍ଲବର ସଭାପତି ରାଜୀବ ମହାନ୍ତି ,କାର୍ୟ୍ଯକାରୀ ସଭାପତି ଆଦିତ୍ୟ ମେକାପ , ସାଧାରଣ ସମ୍ପାଦକ ଅରୁଣ ରାଉତରାୟ , ଉପସଭାପତି ବିରଜା ପାଣି ଓ ଦିଲ୍ଲୀପ ଦାସ , କୋଷାଦକ୍ଷ ନିରଞ୍ଜନ ପଣ୍ଡା , ସଂଗଠନ ସମ୍ପାଦକ ତପନ ମହାନ୍ତି, ଯୁବ ସାମ୍ବାଦିକ ଚିନ୍ମୟ ମହାପାତ୍ର ପ୍ରମୁଖ ଯୋଗଦେଇଥିଲେ l
