() ଫିଲ୍ମସିଟିର ମାହୋଲ l ବିଶ୍ବସ୍ତରୀୟ ଷ୍ଟେଜ, ଝିଲମିଲ ଆଲୋକରେ ଆଲୋକିତ ପୁରା ପରିବେଶ l ପ୍ରତ୍ୟେକ ଦିନ ୫୦ ହଜାରରୁ ଅଧିକ ଦର୍ଶକ ଉପସ୍ଥିତ l ସଂଜ ନଇଁଲେ ନାଚଗୀତରେ ଦୁଲୁକୁଥିଲା ଯାଜପୁର ସହର ବୈତରଣୀ ନଦୀ ପଠା l 
ଉଭୟ ବଲିଉଡ ଓ ଓଲିଉଡ କଳାକାର ୬ ଦିନ ଧରି ଦର୍ଶକଙ୍କୁ ନିଜର ଜଲୱା ଦେଖାଇ ମତୁଆଲା କରିଥିଲେ l ଯିଏ ଆସିଲା ମହୋତ୍ସବ, ସେ କହିଲା ଆୟୋଜନ ବିଶ୍ଵସ୍ତରୀୟ l ବଲିଉଡ୍ର ଜଣକ ପରେ ନାମୀଦାମୀ କଣ୍ଠଶିଳ୍ପୀ ଷ୍ଟେଜ ଦେଖି ଆଚର୍ଯ୍ୟ ପ୍ରକାଶ କରୁଥିଲେ । 
କାରଣ ଆଗରୁ ରାଜ୍ୟରେ ଏମିତି ଆୟୋଜନ କୌଣସି ଜିଲ୍ଲା ମହୋତ୍ସବରେ ଦେଖିବାକୁ ମିଳିନଥିଲା । ଓଡ଼ିଶାରେ ଏପରି ଭବ୍ୟ ଆୟୋଜନ ଓ ସ୍ଵାଗତକୁ ସବୁ ମହଲରେ ଭୂୟସୀ ପ୍ରଶଂସା କରିଛନ୍ତି ଆସିଥିବା ରାଜ୍ୟ ବାହାରର ଅତିଥୀ l
୬ ଦିନ ଧରି ପୁରା ସୋସିଆଲ ମିଡ଼ିଆରେ ଛାଇ ଯାଇଥିଲା ଯାଜପୁର ଜିଲ୍ଲା ମହୋତ୍ସବ ଝଲକ l ପୁରା ଓଡିଶା କାହିଁକି ଦେଶରେ ଯାଜପୁର ମହୋତ୍ସବ ଏବେ ବ୍ରାଣ୍ଡ ସାଜିଛି l ଐତିହ୍ୟ, ସଂସ୍କୃତିର ସହରର ଏହି ଭବ୍ୟ ଆୟୋଜନ ଏବେ ସଭିଙ୍କ ମୁହଁରେ ଚର୍ଚ୍ଚା ପାଲଟିଛି l 
ଫେବୃଆରୀ ୮ ତାରିଖରୁ ୧୩ ତାରିଖ, ୬ ଦିନ ଧରି ଯାଜପୁର ଜିଲ୍ଲା ମହୋତ୍ସବ ବେଶ୍ ଜମିଥିଲା l ସୋମବାର ଉଦଯାପିତ ହୋଇଛି ଯଯାତୀ ୨୦୨୩ l ସବୁ ଦିଗରୁ ଉତ୍ସବକୁ ମନୋରମ କରିବାକୁ ଜିଲ୍ଲା ପ୍ରଶାସନ ପକ୍ଷରୁ ସହରବାସୀଙ୍କ ସହଯୋଗ ଲୋଢ଼lଯାଇଥିଲା । ଯାଜପୁର ସହରବାସୀ ମଧ୍ୟ ସହଯୋଗ କରିଥଲେ l
ବଲିଉଡ କଣ୍ଠଶିଳ୍ପୀ ସୁନିଧି ଚୌହାନ, ଜାଭେଦ ଅଲ୍ଲୀ, ଆୟୁସମାନ ଖୁରାନା, ଶ୍ରେୟା ଘୋଷାଲ, ସାରିକା ସିଂହଙ୍କ ପରି ପ୍ରମୁଖ ବଲିଉଡ୍ କଳାକାର ବିରାଟ ଷ୍ଟେଜ ଓ ହଜାର ହଜାର ଦର୍ଶକ ଦେଖି ମତୁଆଲା ହୋଇଥିଲେ l 
ସଭିଙ୍କ ମୁହଁରେ ଗୋଟାଏ କଥା ଯାଜପୁରରେ ବିଶ୍ଵସ୍ତରୀୟ ପ୍ରୋଗ୍ରାମରେ ସାମିଲ ହୋଇ ସେମାନେ ବହୁତ ଖୁସି l ଲାଗୁଥିଲା ଯେମିତି ଯାଜପୁର ୬ଦିନ ପୁରା ବଲିଉଡ୍ ଜଗତ ପାଇଁ ନିଜର ଶ୍ରେଷ୍ଠ କଳା ପ୍ରଦର୍ଶନର ସ୍ଥାନ ପାଲଟିଛି l 
ଆଉ ଏ ସବୁ ସମ୍ଭବ ହୋଇପାରିଛି ନୂତନ ଯାଜପୁର ବିନ୍ଧାଣୀ ଜନପ୍ରିୟ ବିଧାୟକ ତଥା ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ (ବବି)ଙ୍କ ବଡ ଉଦ୍ୟମ ପାଇଁ l
ମହୋତ୍ସବରେ ଯାଜପୁର ଜିଲ୍ଲାବାସି ନୁହେଁ, ପୁରା ଓଡ଼ିଶାରୁ ଲୋକମାନେ ସାମିଲ ହୋଇଥିଲେ l ପ୍ରତ୍ୟେକ ଦିନ ସଂଧ୍ୟାରେ ଗୋଟିଏ ସ୍ଥାନରେ ଏକାଠି ହୋଇଥିଲେ ସାଧାରଣ ଲୋକ, ବିଶିଷ୍ଟ ବ୍ୟକ୍ତି ବିଶେଷ ଓ ରାଜନେତା, ପ୍ରଶାସକ, ସାମ୍ବାଦିକ, କବି, ଲେଖକ, ବିଭିନ୍ନ କ୍ଷେତ୍ରରେ ପାରଦର୍ଶିତା ହାସଲ କରିଥିବା ବ୍ୟକ୍ତି ବିଶେଷ ମାନେ l 
ଅସମ୍ଭାଳ ଭିଡ଼କୁ ଜିଲ୍ଲା ପୋଲିସ ପ୍ରଶାସନ ନିୟନ୍ତ୍ରଣ କରିବାରେ ନାକେଦମ୍ ହୋଇଥିଲା l ଯାଜପୁରର ସମସ୍ତ ନିର୍ବାଚିତ ପ୍ରତିନିଧି ପ୍ରତ୍ୟେକ ଦିନ ସଂଧ୍ୟାରେ ଲୋକଂକ ସହ ରହି କାର୍ଯ୍ୟକ୍ରମକୁ ସଫଳ କରିଥିଲେ l 
ପ୍ରଣବ ପ୍ରକାଶ ଦାସ (ବବି )ସବୁ ଦିନ ଉପସ୍ଥିତ ରହି ପୁରା କାର୍ଯ୍ୟକ୍ରମର ତଦାରଖ କରିଥିଲେ l ଜିଲ୍ଲା ମହୋତ୍ସବ ଯଯାତିକୁ ଉଦଘାଟନ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯାଜପୁର ଜିଲ୍ଲା ଓଡ଼ିଶାର ୧ ନମ୍ବର ଜିଲ୍ଲା ହେବ ବୋଲି କହିଛନ୍ତି l ପ୍ରଣବ ପ୍ରକାଶ, ନବୀନଙ୍କ ଦିଗ ଦର୍ଶନରେ ଯାଜପୁର ଛବିକୁ ପୁରା ବଦଳାଇ ଦେଇଛି l ପୁରା ଦେଶକୁ ଯାଜପୁର ବିକାଶର ବାଟ ଦେଖାଇଛି l
