ଯାଜପୁର : ଯାଜପୁରର ବରିଷ୍ଠ ନାଗରିକ ମାନଙ୍କ ପାଇଁ ଖୁସି ଖବର l ବରିଷ୍ଠ ନାଗରିକ ମାନଙ୍କ ଆମୋଦପ୍ରମୋଦ ପାଇଁ ଯାଜପୁର ସହରରେ ଖୋଲିଛି ବରିଷ୍ଠ ନାଗରିକ ପ୍ରକୋଷ୍ଠ l ବହୁ କାରଣରୁ ଅନେକ ସମସ୍ୟା ଯନ୍ତ୍ରଣା ପାଉଥିବା ବରିଷ୍ଠ ନାଗରିକମାନଙ୍କ ମୁହଁରେ ହସ ଫୁଟାଇବା ପାଇଁ ଏହି ପ୍ରକୋଷ୍ଠ ବେଶ ସହାୟକ ହେବ l ଗୋଟେ ସ୍ଥାନରେ ଏକାଠି ହୋଇ ସେମାନେ ପରସ୍ପର ସହ ଭାବର ଆଦାନପ୍ରଦାନ କରିବେ l ଏହା ସହ ଏମାନଂକୁ ସବୁ ପ୍ରକାର ସୁବିଧା ସୁଯୋଗ ଯୋଗାଇ ଦେବାକୁ ଏଠାରେ ବ୍ୟବସ୍ଥା କରାଯିବ l ଶନିବାର ଆଲୋକର ପର୍ବ ଦୀପାବଳି ଉପଲକ୍ଷେ ଯାଜପୁର ପୌରପାଳିକାର ଅଂଚଳରେ ବିଜେଡି ସଂଗଠନ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସଙ୍କ ଦ୍ଵାରା ବରିଷ୍ଠ ନାଗରିକ ମାନଙ୍କ ପାଇଁ ଯାଜପୁର ଜିଲ୍ଲାପାଳଙ୍କ କାର୍ଯ୍ୟଳୟ ନିକଟରେ ଏକ ବରିଷ୍ଟ ନାଗରିକ ଏବଂ ଅବସରର ପ୍ରାପ୍ତ ନାଗରିକ ମାନଙ୍କ ପାଇଁ ସୂଚନା ସେବା କେନ୍ଦ୍ର ଉଦଘାଟନ କରିଛନ୍ତି । ବିଭିନ୍ନ ସମୟରେ ଅସୁବିଧାରେ ଥିବା ବରିଷ୍ଠ ନାଗରିକମାନେ ଏହି କେନ୍ଦ୍ର ବେଶ ସହାୟକ ହେବା ସହ ସେମାନଙ୍କ ମୁହଁରେ ହସ ଫୁଟାଇବ l ଗୁରୁଜନ ମାନଂଙ୍କ ସୁବିଧା ଅସୁବିଧା ବୁଝିବା ପ୍ରତ୍ୟେକ ନାଗରିକଙ୍କ କର୍ତ୍ତବ୍ୟ ବୋଲି ପ୍ରଣବ ଏହି ଅବସରରେ ନିଜ ଭାଷଣରେ କହିଥିଲେ l ବେଶ କିଛି ସମୟ ବରିଷ୍ଠ ନାଗରିକ ମାନଙ୍କ ସହ ଗପସପ ହୋଇଥିଲେ ପ୍ରଣବ l ଏହି କାର୍ଯ୍ୟକ୍ରମରେ ଯାଜପୁର ପୌର ପରିଷଦର ପୂର୍ବତନ ଅଧକ୍ଷ ଭଵ ପ୍ରସାଦ ଦାସ, ପୂର୍ବତନ କାଉସିଲର ସନ୍ତୋଷ ମଲ୍ଲିକ ପ୍ରମୁଖ ଉପସ୍ଥିତ ଥିଲେ l କେବଳ ସେତିକି ନୁହେଁ ଯାଜପୁରର ପୌରାଞ୍ଚଳର ସଦାବ୍ରତ ମଠ, ବେଲମ ପୁର ଠାରେ ଏହି ଗୋଷ୍ଠୀ କେନ୍ଦ୍ର ମାନ ଉଦ୍ଘାଟିତ କରିଥିଲେ ବିଧାୟକ l
