ପୁରୀ: ମହାପ୍ରଭୁ ଜଗନ୍ନାଥଙ୍କ ଦେହ ଖରାପ ।ସ୍ନାନ ମଣ୍ଡପରେ ୧୦୮ ଗରା ସୁବାସିତ ଜଳ ଗାଧେଇଲା ପରେ ମହାପ୍ରଭୁଙ୍କୁ ଜ୍ଜ୍ୱର ହୋଇଛି। ସେଥିପାଇଁ ତ ସେ ଏବେ ଅନସରରେ । ଆଜି କି ପାଞ୍ଚ ଦିନ ହୋଇଗଲାଣି।
ଜଗତର ନାଥ ଜଗନ୍ନାଥଙ୍କ ଜ୍ଜ୍ଵର ଉପସମ ପାଇଁ ଲାଗିପଡିଛନ୍ତି ସେବାୟତମାନେ । ଅଣସର ଘରେ ଠାକୁରଙ୍କର ଚାଲିଛି ଗୁପ୍ତ ନୀତି।ଆଜି ମହାପ୍ରଭୁଙ୍କ ଶ୍ରୀଅଙ୍ଗଫିଟା ନୀତି କରାଯିବ। ଯାହାକୁ କି ଦଇତାପତି ସେବାୟତ ନୀତି ସମ୍ପାଦନ କରିବେ । ଏହାସହ ଆସନ୍ତା କାଲି ଫୁଲୁରି ତେଲ ଲାଗି ନୀତି କରାଯିବ। ଅନ୍ୟପଟେ ରଥଯାତ୍ରା ଆଉ ଅଳ୍ପ ଦିନ ଥିବାରୁ ରଥ ଖଳା ବେଶ ଚଳଚଞ୍ଚଳ ହୋଇଉଠିଛି।ତିନି ରଥର ମ୍ରୁଖ୍ୟ ବିଶ୍ୱକର୍ମା ମହାରଣା ସେବକ ମହାରଣା ସାଥିଙ୍କୁ ନେଇ କାମ ଜୋରସୋରରେ ଜାରି ରଖିଛନ୍ତି । ରୂପକାର ସେବାକମାନେ ବି ସେମାନଙ୍କ କାମ ଜାରି ରଖିଛନ୍ତି । ଏହାସହ କୁମ୍ଭାରମାନେ ଦୋଳବେଦି ନିକଟରେ ଶାଳରେ ଓଝା ସେବକମାନେ ଜୋକିଆ କଣ୍ଟା ତିଆରି କାମ ଜାରି ରଖିଛନ୍ତି ।ହେଲେ କରୋନା କଟକଣା ମଧ୍ୟରେ ରଥଯାତ୍ରାରେ ଭକ୍ତଙ୍କୁ ବଡ଼ ଦାଣ୍ଡ ମନା ହେବାର ଆଶଙ୍କା ମଧ୍ୟ ରହିଛି।
