ଭୁବନେଶ୍ୱର : ଜଗତ ଯଦି ତାହା ଦ୍ୱାରା ପରିଚାଳିତ । ତାହାର ବିନା ନିର୍ଦ୍ଦେଶରେ ଯଦି ପତ୍ରଟିଏ ବି ହଲେ ନାହିଁ । ତେବେ ରଥଯାତ୍ରା ବନ୍ଦ କରିବାକୁ କିଏ ବା ସାହସ କରିବ ? ରଥଯାତ୍ରା ବନ୍ଦ କରିବା ସୁପ୍ରିମକୋର୍ଟଙ୍କ ନିର୍ଦ୍ଦେଶ ନୁହେଁ, ବଂର ଏହା ଜଗାର ରାୟ । ଯାହା ରାୟଦେବା ବେଳେ ବିଚାରପତି ଯେଉଁ କେଇପଦ କହିଛନ୍ତି ,ତାହାକୁ ଚିନ୍ତା କଲେ ହୁଏତ ଏପରି ଭାବନା ମନକୁ ଅାସୁଛି ।
ଏହା ବିଶ୍ୱାସ ନ ହେଲେ ବି ସତ । କାରଣ ରଥ,ପଥ, ଭକ୍ତ ସବୁ ରେଡ଼ି ଥିବା ବେଳେ ଜଗା ରଥଯାତ୍ରା ପାଇଁ ରାଜି ହେଲା ନାହିଁ । କାରଣ ସେ ସଦାସର୍ବଦା ଶ୍ରଦ୍ଧାଳୁଙ୍କ ମଙ୍ଗଳ କରେ । ଯେମିତି ସବୁ ବୈଠକ ଓ ସବୁ ପ୍ରସ୍ତୁତିରେ ତାର ଏଥର ନାଁ । ସେ ରାଗିଛି ନା ଭକ୍ତର ମଙ୍ଗଳ ପାଇଁ ଏସବୁ କରୁଛି ତାହା ଜଗତନିୟନ୍ତାଙ୍କୁ ଜଣା । ବିନା ଭକ୍ତରେ ପ୍ରଥମ ଥର ଲାଗି ମହାପ୍ରଭୁ ସ୍ନାନ ମଣ୍ଡପରେ ବିଜେ କଲେ ।ସ୍ନାନ ମଧ୍ୟ କଲେ । ହେଲେ ବିନା ଭକ୍ତରେ ରଥରେ ବିଜେ କରିବାକୁ କିନ୍ତୁ ରାଜି ନୁହେଁ ଜଗତର ନାଥ ଜଗନ୍ନାଥ। ଯିଏ ଗହଳି ଚଳହି କରି ରଥରେ ବିଜେ କରେ । ସମସ୍ତଙ୍କୁ ଦେଖିଲା ପରେ ଗୁଣ୍ଡିଚା ମନ୍ଦିର ଅଭିମୁଖ୍ୟ ଯାଏ । ସେ କଣ କେବେ ବିନା ଭକ୍ତରେ ଯିବ ? ଭକ୍ତର ଦେବତା ସିଏ । ଅନେକ ନଜିର ଅଛି ଯେ ଭକ୍ତ ବଡ଼ଦାଣ୍ଡକୁ ଅାସିଲା ପରେ ଯାଇ ନନ୍ଦିଘୋଷ ଗଡ଼େ । ବହୁ ସମୟରେ ନନ୍ଦିଘୋଷ ରଥ ଅଟକିଯାଏ ଭକ୍ତଙ୍କ ପାଇଁ । ଅାଜି ଯେତେବେଳେ କରୋନା ମହାମାରୀ ସମୟରେ ଭକ୍ତ ଘରେ ଅଟକି ରହିଛି ସଂକ୍ରମଣ ଭୟରେ ସେତେବେଳେ ତାର ଭଗବାନ କିପରି ରଥରେ ବି ଯିବେ ଯେ। ଆଉ କାହା ପାଇଁ ବା ଏ ରଥବିଜେ କରିବେ ସେ। ବର୍ଷକୁ ତ ଥରେ ଭକ୍ତକୁ ଦର୍ଶନ ଦେବା ପାଇଁ ମହାବାହୁ ମନ୍ଦିର ଛାଡ଼ି ଛାଡ଼ିଅାସନ୍ତି ବଡ଼ ଦାଣ୍ଡକୁ । ୯ ଦିନର ନିଳାଖେଳା କରି ପୁଣି ଭାଇ ଓ ଉଉଣୀକୁ ସାଙ୍ଗରେ ନେଇ ରତ୍ନବେଦୀକୁ ଫେରିଯାଆନ୍ତି । ହେଲେ ୨୦୨୦ବର୍ଷର ରଥଯାତ୍ରରେ କିନ୍ତୁ ଏଥିରେ ଏଯାଏ ବ୍ରେକ୍ ଲାଗିଛି । ରଥଯାତ୍ରା ହେବା କି ନାହିଁ ତାହାକୁ ନେଇ ଏବେ ବି ଦ୍ୱନ୍ଦ । ସୁପ୍ରିମକୋଟ ନିର୍ଦ୍ଦେଶ ଦେଲେ ଯେ ଏଥର ରଥଯାତ୍ରା ହେବ ନାହିଁ । କରୋନା ମହାମାରୀକୁ ଦୃଷ୍ଟିରେ ରଖି ରଥଯାତ୍ରା ଉପରେ ରୋକ ଲଗାଯାଇଛି । କୋର୍ଟ ନିର୍ଦ୍ଦେଶ ଅାସିବା ପରେ ରଥଯାତ୍ରା ନେଇ ବିକଳ୍ପ ପନ୍ଥାକଣ ଅଛି ତାହାକୁ ନେଇ ବିଚାର ବିମର୍ଷ ଚାଲିଛି । ସେବାୟତ , ମନ୍ଦିର ପରିଚାଳନା କମିଟି, ଜଗତଗୁରୁ ଶଙ୍କରାଚାର୍ଯ୍ୟ, ଶ୍ରୀମନ୍ଦିର ପ୍ରଶାସନ ମଧ୍ୟ ଅାଲୋଚନା ଜାରୀ ରହିଛି । ଏହାରି ଭିତରେ ରଥଯାତ୍ରା ପାଇଁ ରିଭୁ୍ୟ ପିଟିସନ ମଧ୍ୟ ସୁପ୍ରିମକୋର୍ଟରେ ଦାୟର ହୋଇଛି । ଅାଶାସଂଚାର ହୋଇଛି ପୁଣି ରଥଯାତ୍ରାକୁ ନେଇ କୋର୍ଟରୁ କିଛି ନୂଅା ସନ୍ଦେଶ ଅାସିବ ବୋଲି। ରଥଯାତ୍ରା ବନ୍ଦ ନିଷ୍ପତି ଅାସିବା ପରେ ଭକ୍ତଙ୍କ ମନରେ ଦୁଃଖ । କଣ ଜଗା ରଥଯାତ୍ରାକୁ କିଏ ଅଟକାଇ ପାରିବ । ସେ ସାହସ କଣ କାହାର ଅଛି । ଗଜପତି ମହାରାଜ କହିଛନ୍ତି ଯେ ଅାମେ ବିନା ଭକ୍ତରେ ରଥଯାତ୍ରା କରିବା ପାଇଁ ପ୍ରସ୍ତାବ ଦେଇଥିଲୁ ,ହେଲେ ଏହାକୁ ସରକାର ବୋଧେ ଠିକ ସେ ବୁଝି ପାରିଲେ ନାହିଁ । ମଙ୍ଗଳବାର ମହାପ୍ରଭୃଙ୍କ ଶ୍ରୀଗୁଣ୍ଡିଜା ଯାତ୍ରା , ସୋମବାର ନବଯୌବନ ଦର୍ଶନ । ଯେହତୁ ଏଥର ୩୦ ତାରିଖ ପର୍ଯ୍ୟନ୍ତ ମନ୍ଦିର ପ୍ରବେଶ ଉପରେ କଟକଣା ଜାରୀ କରାଯାଇଛି । ତେଣୁ ନବଯୌବନ ଦର୍ଶନ ବି ଭକ୍ତ କରିପାରିବେ ନାହିଁ । କେବଳ ସେବାୟତମାନେ ନବ ଯୌବନ ଦର୍ଶନ କରିବେ । ରଥଯାତ୍ରା ହେବ କି ନାହିଁ ତାହା ମହାପ୍ରଭୃଙ୍କୁ ଜଣା । ହେଲେ ଏଯାଏ ଯାହା ସବୁ ଘଟିଛି ତାହା ଜଗାର ନିର୍ଦ୍ଦେଶରେ ଘଟୁଛି ଏକଥା କେବଳ ଜଣେ ଭକ୍ତ ହିଁ ଅନୁଭବ କରିପାରିବ । ତେଣୁ ସୁପ୍ରିମକୋର୍ଟ ଯେଉଁ ରାୟ ଦେଇଛନ୍ତି ତାହା ତାହାରୀ ରାୟ ବୋଲି ଭାବିବା ଦରକାର । ହେଲେ ମହାପ୍ରଭୁଙ୍କ ପାଖରେ ଭକ୍ତଙ୍କ ଏମିତି ପ୍ରାର୍ଥନା ହେ ପ୍ରଭୁ ଏତେ କପଟ ଅାଉ କରେନା । ଟିକେ ଦର୍ଶନ ଦେ ପ୍ରଭୁ ।
ସବୁ କ୍ଷମା କର , ଅାମର ଭୂଲ ପାଇଁ ଅାଉ ଅଭିମାନ କରନାହିଁ ମହାବାହୁ।
ଏ ଜଗତକୁ ଉଦ୍ଧାର କର ।
ଜୟ ଜଗନ୍ନାଥ …
