ଯାଜପୁର : ଲମ୍ବା ଭିଜନ । ସ୍ୱପ୍ନ ସାକାର ହେବ ଓ ଚିତ୍ର ବି ବଦଳିବ । ପରିଶ୍ରମ ଓ ଇଚ୍ଛାଶକ୍ତି ବଳରେ ସବୁ ସ୍ୱପ୍ନକୁ ବାସ୍ତବ ରୂପ ଦିଆଯିବ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନୂତନ ଓଡ଼ିଶାର ଗଠନ ଦିଗରେ ଚାଲିବ ବିକାଶମୂଳକ କାର୍ଯ୍ୟକ୍ରମ । ଯାହାର ଉଦାହରଣ ସାଜିଲାଣି ଯାଜପୁର ଜିଲ୍ଲା । ନୂତନ ଯାଜପୁର ଗଠନର ବିନ୍ଧାଣୀ ବିଜେଡ଼ି ସଂଗଠନ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ (ବବି) ପୁରା ଜିଲ୍ଲାର ଉନ୍ନୟନମୂଳକ କାର୍ଯ୍ୟକ୍ରମ ପାଇଁ ଅଣ୍ଟା ଭିଡ଼ିଛନ୍ତି । ଯାଜପୁର ନିର୍ବାଚନୀ ମଣ୍ଡଳୀକୁ ନିଜର କର୍ମଭୂମି କରିଥିବା ପ୍ରଣବ ଏବେ ନିଜର ପିତାଙ୍କ କର୍ମଭୂମି କରୋଇ ନିର୍ବାଚନମଣ୍ଡଳୀର ବିକାଶର ସେନାପତି ସାଜିଛନ୍ତି । ଯାଜପୁରର ମୁରବୀ ତଥା ସାଲିସବୀହିନ ସମ୍ରାଟ ସ୍ୱର୍ଗତ ଅଶୋକ ଦାସ କରୋଇ ନିର୍ବାଚନୀ ମଣ୍ଡଳୀକୁ ନେଇ ଯେଉଁ ସ୍ୱପ୍ନ ଦେଖିଛନ୍ତି ତାକୁ ପୂରଣ କରିବା ପାଇଁ ପ୍ରଣବ ଜୋରଦାର କାମ ଆରମ୍ଭ କରିଛନ୍ତି । କରୋଇର ବର୍ତ୍ତମାନ ବିଧାୟକ ,ପୂର୍ବତନ ବିଧାୟକ ଓ କରୋଇବାସୀଙ୍କ ସହ ଆଲୋଚନା କରି ବିଭିନ୍ନ ଉନ୍ନୟନ କାମକୁ ଆଗେଇ ନେବା ପାଇଁ ସବୁ ପ୍ରକାର ଉଦ୍ୟମ ଆରମ୍ଭ କରିଛନ୍ତି । ସେହି ଅନୁସାରେ କାମ ମଧ୍ୟ ଆରମ୍ଭ ହୋଇ ଗଲାଣି । ଯାଜପୁରର ବିକାଶପୁରୁଷ ପ୍ରଣବଙ୍କ ଉଦ୍ୟମରେ ଯାଜପୁର ବ୍ୟାସନଗା ଏବଂ ପାଣିକୋଇଲି ଅଂଚଳରେ ଜିଲ୍ଲା ଖଣିଜ ପାଣ୍ଠି(ଡ଼ିଏମଏଫ)ରୁ ଅର୍ଥ ଖର୍ଚ୍ଚ ହେବ । ଏନେଇ ରାଜ୍ୟ ସରକାରଙ୍କ ଅନୁମତି ମିଳିଛି । ଫଳରେ ବ୍ୟାସନଗର ଓ କରୋଇ ପାଇଁ ନିକଟରେ ପ୍ରଣବ ଯେଉଁ ବିକାଶର ବ୍ଲୁପ୍ରିଣ୍ଟ ଆଙ୍କିଥିଲେ ସେ କାମ ଯୁ୍ଦ୍ଧକାଳିନ ଭିତ୍ତିରେ ଆରମ୍ଭ ହେବ । ବିଶେଷକରି ବ୍ୟାସନଗର ଷ୍ଟାଡ଼ିୟମ, ବ୍ୟାସ ସରୋବର, ସନ୍ତରା ସଂକୃତି ଭବନ, ଟାଉନହଲ , ଷ୍ଟାଡ଼ିୟମ ଉନ୍ନୟନ୍ନ ମୂଳକ କାର୍ଯ୍ୟକ୍ରମରେ ଅର୍ଥ ଖର୍ଚ୍ଚ ହେବ । ଜିଲ୍ଲା ଖଣିଜ ପାଣ୍ଠି ବ୍ୟାସନଗର ଓ ପାଣିକୋଇଲ ପାଇଁ ଖର୍ଚ୍ଚ ହେବା ନେଇ ଅନୁମତି ମିଳିବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ବିଜେଡ଼ି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କୁ ଧନ୍ୟବାଦ ଦେଇଛନ୍ତି ଜିଲ୍ଲାର ନିର୍ବାଚିତ ପ୍ରତିନିଧି, ପୂର୍ବତନ ବିଧାୟକ ଓ ବିଶିଷ୍ଟ ବ୍ୟକ୍ତିମାନେ । କରୋଇ ନିର୍ବାଚନୀ ମଣ୍ଡଳୀକୁ ସାରା ଓଡ଼ିଶାରେ ଏକ ସ୍ୱତନ୍ତ୍ର ପରିଚୟ ଦେଇଥିବା ପୂର୍ବତନ ବିଧାୟକ ସ୍ୱର୍ଗତ ଅଶୋକ ଦାସ ଅଧୁରା ସ୍ୱପ୍ନକୁ ଏବେ ବାସ୍ତବରୂପ ଦେଉଛନ୍ତି ଅଶୋକ ନନ୍ଦନ ବବି ।
