ଭୁବନେଶ୍ୱର : ଚାଷୀମାନେ ଓଡ଼ିଶାର ସମ୍ମାନ ବଢାଇଛନ୍ତି । ଚାଷୀମାନେ ହେଉଛନ୍ତି ଓଡ଼ିଶା ବିକାଶର ସାରଥି । ସେମାନେ ଦେଶର ଶକ୍ତି । ଅର୍ଥନୀତିର ଶକ୍ତି ବି । ଚାଷୀର ଉନ୍ନତି ହିଁ ଦେଶର ଗୌରବ ଓ ସ୍ୱାଭିମାନ ବଢାଇଥାଏ । ତେଣୁ ମୁଁ ଚାହୁଛି ଆମ ରାଜ୍ୟର ଚାଷୀ ସମ୍ମାନର ସହ ବଞ୍ଚୁ ।
ନୂଆ ଟେକ୍ନୋଲୋଜି ପ୍ରୟୋଗ କୀି କୃଷି କ୍ଷେତ୍ରରେ ଆଗେଇ ଚାଲୁ ମୁଁ ଚାହୁଛି ଚାଷୀ ପରିବାର ସବୁବେଳେ ଖୁସିରେ ରହୁ । କାରଣ ଚାଷୀର ବିକାଶକୁ ସରକାର ସବୁବେଳେ ଫୋକସ କରିଛନ୍ତି । ଜନତା ମଇଦାନରେ କୃଷି ଓଡ଼ିଶାକୁ ଉଦଘାଟନ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଚାଷୀଙ୍କ ପାଇଁ ତାଙ୍କ ମନର କଥାକୁ ଏପରି ଅଭିଭାଷଣରେ କହିଛନ୍ତି । ଏହି କୃଷି ଓଡ଼ିଶା ୨୪ ତାରିଖ ପର୍ଯ୍ୟନ୍ତ ଚାଲିବ । ।୧୧୨ ଟି ସଂସ୍ଥା ପ୍ରଦର୍ଶନୀରେ ସାମିଲ ହୋଇଛନ୍ତି । ଜନତା ମୈନାରେ ଖୋଲିଛି ୨୨୮ ଟି ଷ୍ଟଲ । ପ୍ରତିଦିନ ରାଜ୍ୟର ବିଭିନ୍ନ ଜିଲ୍ଲାରୁ କୃଷକ ଭାଇ-ଭଉଣୀମାନେ ମେଳା ପରିଦର୍ଶନ କରିବାକୁ ଆସିବା ପାଇଁ ବ୍ୟବସ୍ଥା କରାଯାଇଛି । ଉଦଯାପନୀ ଉତ୍ସବରେ ରାଜ୍ୟପାଳ ପ୍ରଫେସର ଗଣେଶୀ ଲାଲ୍ ମୁଖ୍ୟ ଅତିଥି ଭାବେ ଯୋଗ ଦେବାର କାର୍ୟ୍ୟାକ୍ରମ ରହିଛି ।
