() ଆସ ସଭିଁଏ ଟିକେ ରଙ୍ଗୀନ ହୋଇଯିବା ..❤️
ହୋଲି ସେବେ, ଆଉ ଏବେ …
ଦେହରେ ରଙ୍ଗ ଲାଗିଲା ପୂର୍ବରୁ ମଣ୍ଟୁର ମନ ରଙ୍ଗୀନ ହୋଇଯାଇଛି । ଏବର୍ଷ ହୋଲିକୁ ବଡ଼ ଆନନ୍ଦରେ ପାଳିବା ଲାଗି ସବୁ ପ୍ରକାର ମୋଉକାକୁ ହାତଛଡ଼ା କରିବାକୁ ଚାହିନାହିଁ ମଣ୍ଟୁ । ରଙ୍ଗର ପର୍ବ ଏବର୍ଷ ନଆରା ଭାବେ ପାଳନ କରିବା ପାଇଁ ସବୁ ଯୋଜନା କରିଥାଏ । ସାଧାରଣତ ହୋଲି ପୂର୍ବରୁ ସମସ୍ତଙ୍କ ଘରେ ଓ ବାହାରେ ରହୁଥିବା ଯୁବକ ଓ ଯୁବତୀମାନେ ପୁରୁଣା ଡ୍ରେସ ଖୋଜାଖୋଜି କରନ୍ତି । ହୋଲି ଖେଳିସାରିବା ପରେ ସେ ଡ୍ରେସର ଅବସ୍ଥା କଣ ହୋଇଥାଏ ତାହା ଅଳ୍ପ ବହୁତ ସମସ୍ତଙ୍କୁ ଜଣା । ସାଙ୍ଗମାନେ ଦେହରେ ରଙ୍ଗ ଲଗାନ୍ତୁ କି ନାହିଁ ପିନ୍ଧିଥିବା ଡ୍ରେସ ଚରିବା ଗୋଟେ ବଡ଼ ନିୟମ । ସେ ପିଲା ହୁଅନ୍ତୁ କି ବୁଢା । ଯେମିତି ନିଜ ସାଙ୍ଗସାଥୀମେଳରେ ହୋଲି ପାଇଁ ଏ ନିୟମ ସମାନ । କାରଣ ଏଥିରେ ଥାଏ ଆନନ୍ଦ । ତେଣୁ ପୁରୁଣା ଡ୍ରେସ ଖଣ୍ଡେ ପିନ୍ଧି ରଙ୍ଗ ଖେଳିଲେ ଚିନ୍ତା ନାହିଁ । କାରଣ ସବୁ କଣ ଧନୀ ଘର ପିଲା ନା ସିନେମା ଅଭିନେତା ଯେ ଧଳା ରଙ୍ଗର ଟାଉଜର ,ଶାଢୀ ଓ ଡ୍ରେସ ପିନ୍ଧି ରଙ୍ଗ ଖେଳିବା । ସେ ରଙ୍ଗ ଖେଳ କେବଳ ଅବିରରେ । କେବଳ ଲୋକ ଦେଖାଣିଆ ଭାବେ ଖେଳାଯାଏ । ହେଲେ ମଣ୍ଟୁର ହୋଲି ତ ପୁରା ଦେଶୀ । ସେଥିରେ ଲୋକ ଦେଖାଣିଆ ମନଭାବ ନଥାଏ କି ସ୍ବାର୍ଥ ନାହିଁ । ସେ ଆତ୍ମୀୟତାର ସହ ରଙ୍ଗ ଖେଳେ । ଛଳନା କଣ ସେ ବୁଝେନା । ଏମିତି ମନଭାବ ନେଇ ରଙ୍ଗ ଖେଳିଲେ ଦେହରେ ରଙ୍ଗ ଲାଗିଲା ପୂର୍ବରୁ ମନ ଆପେଆପେ ରଙ୍ଗୀନ ହୋଇଯାଏ । ଆରେ ମଣ୍ଟୁ କଥା ଛାଡ । ମୁଖ୍ୟ କଥା ହେଲା ମଣ୍ଟୁର ରଙ୍ଗଖେଳ ପ୍ରତି ଆଗ୍ରହ ଦେଖି ତା ଜେଜେ କହୁଥାଏ ଆରେ ମିନା ମା ତୁ ଜାଣୁ ଆଜିକାଲି କଣ ଆଉ ସେ ରଙ୍ଗଖେଳ ହୋଲି ଅଛି ।
ରଙ୍ଗର ପର୍ବ ହୋଲି, ଗୋଟିଏ ଦିନ ବର୍ଷବର୍ଷର ସମ୍ପକ ଯୋଡୁଥିଲା । ମନରେ ଯେତେ ରାଗରୁଷା ଥିଲେ ତାହା ରଙ୍ଗ ଧୋଇଗଲା ପରି ଧୋଇହୋଇଯାଉଥିଲା । ରଙ୍ଗ ଖେଳରେ ଥିଲା ଆତ୍ମୀୟତା ପ୍ରେମ, ଭଲପାଇବା, ସେହ୍ନ ଓ ସମ୍ପର୍କ । ହେଲେ ସମୟ ବଦଳିବା ସହ ବଦଳିଗଲା ସବୁକିଛି । ଏବେ ରଙ୍ଗ ଖେଳମାନେ ସ୍ବାର୍ଥ, ଛଳନା ଓ ଆଶା । ସମ୍ପର୍କ ଯୋଡିବା ପାଇଁ ନୁହେଁ , ବଂର ଶ୍ରତ୍ରୁତା ଆଣୁଛି ରଙ୍ଗର ପର୍ବ ହୋଲି । ହୋଲି ଦିନର ବର୍ଷ ବର୍ଷର ସମ୍ପର୍କ ଭାଙ୍ଗିଯାଉଛି ତ ସାହିସାହିରେ ରଙ୍ଗ ଆନନ୍ଦ ଭିତରେ ରକ୍ତର ଛିଟା ପଡ଼ୁଛି । ଲାଗୁଛି ଯେମିତି ରଙ୍ଗର ପର୍ବ ହୋଲି ଯୁଗ ଅନୁସାରେ ତାର ରୂପ ନେଇକି ଆସୁଛି । ରଙ୍ଗର ପର୍ବ ହୋଲି ଆନ୍ଦନ ନୁହେଁ, ଦୁଃଖ ଦେଉଛି । ରଙ୍ଗରେ ମନ ରଙ୍ଗୀନ ହେବ କଣ ସବୁଦିନ ପାଇଁ ମନର ରଙ୍ଗକୁ ଫିକା କରିଦେଉଛି । ହେଲେ ତାହାରି ଭିତରେ କିନ୍ତୁ ଆମ ପରମ୍ପରା ବଞ୍ଚି ରହିଛି । ପ୍ରକୃତି ପରି ଆମ ସଂସ୍କୃତି ଓ ପରାମ୍ପରା ଜମାରୁ ସମୟ ଅନୁସାରେ ବଦଳେନାହିଁ । ମନର ସବୁ ଭାବନା , ସବୁ ରାଗ, ସବୁ ସ୍ବାର୍ଥକୁ ଓ ଅହଂକାରକୁ ରଙ୍ଗ ମାଧ୍ୟମରେ ଲୁଚାଇଦେଇ ତାକୁ ଧୋଇଦେବା । ତାହାଲେ ସିନା ଆଉ ମଣ୍ଟୁର ଜେଜେ କହିବେନି ଯେ ସେବର ହୋଲି ଆଉ ଏବେର ହୋଲି କଥା । ଆରେ ହୋଲି ତ ହୋଲି …ଆସ ସଭିଏଁ ମିଶି ଟିକେ ରଙ୍ଗୀନ ହୋଇଯିବା
