- Advertisement -
( )ଓଡ଼ିଶାର ଯେପରି ମହାବିଷୁବ ସଂକ୍ରାନ୍ତି,ଠିକି ସେହିପରି ମକର ସଂକ୍ରାନ୍ତି ହେଉଛି ଦକ୍ଷିଣ ଭାରତର ମୁଖ୍ୟପର୍ବ।ଏହି ଦିନ ଦକ୍ଷିଣ ଭାରତର ପ୍ରତ୍ୟେକ ପରିବାର ଲୋକେ ଏହି ଉତ୍ସବକୁ ବେଶ ଆନନ୍ଦ ଉଲ୍ଲାସରେ ପାଳନ କରନ୍ତି।ପୁରାଣରେ ଲେଖା ଅଛି ଏହିଦିନ ଠାରୁ ସୂର୍ଯ୍ୟଙ୍କର ଉତ୍ତରାୟଣ ଗତି ହୁଏ ଓ ଏହି ଦିନଠାରୁ ଶୁଭଦିନ ଆରମ୍ଭ ହୁଏ ବୋଲି କୁହାଯାଏ।ଏହି ଦିନ ଠାରୁ ସୂର୍ଯ୍ୟଙ୍କର ତେଜ ପ୍ରଖର ହୋଇଥାଏ ତେଣୁ କୁହାଯାଏ ମକର ସଂକ୍ରାନ୍ତି ଠାରୁ ଦିନ ବଡ଼ ହୁଏ ଓ ରାତି ଛୋଟ ହୁଏ।ସକଳଶକ୍ତି ର ଆଧାର ସୂର୍ଯ୍ୟଙ୍କୁ ଏ ସଂକ୍ରାନ୍ତିରେ ସମସ୍ତ ହିନ୍ଦୁମାନେ ପୂଜାର୍ଚ୍ଚନା କରିଥାନ୍ତି।ଏହି ଦିନ ଲୋକେ ନିଜ ଘରେ ଗୃହର ସମସ୍ତ ଦୋଷ ଶାନ୍ତ କରିବା ପାଇଁ ହୋମ ମଧ୍ୟ କରନ୍ତି।ଆମ ଓଡ଼ିଆ ଘରେ ଏହି ଦିନ ଅରୁଆ ଚାଉଳ, ନୂଆ ଗୁଡ, ଛେନା, ନଡିଆ, କଦଳୀ, ଘିଅ, ଦୁଗ୍ଧ ଇତ୍ୟାଦି ମିଶାଇ ସୁମିଷ୍ଟ ଭୋଗ ପ୍ରସ୍ତୁତ କରି ଦେବାଦେବୀଙ୍କ ପାଖରେ ଅର୍ପଣ କରାଯାଏ।ଏହି ଭୋଗକୁ ମକର ଚାଉଳ ବୋଲି କୁହାଯାଏ।
