() ଆସନ୍ତା ୨୦ ତାରିଖରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମାଲକାନାଗରି ଗସ୍ତରେ ଯିବେ । ମୁଖ୍ୟମନ୍ତ୍ରୀଙ୍କ ସହ ୮ଜଣ ମନ୍ତ୍ରୀ ବି ଯିବେ । ଦ୍ୱିତୀୟ ଲହର ସରିସରି ଆସୁଥିବା ବେଳେ ସ୍ୱାସ୍ଥ୍ୟ କ୍ଷେତ୍ରରେ ବୈପ୍ଲବିକ ନିଷ୍ପତି ନେଇଛନ୍ତି ନବୀନ । ଦେଶର ପ୍ରଥମରାଜ୍ୟ ଭାବେ ଓଡ଼ିଶା ୯୫ଲକ୍ଷ ପରିବାର ଓ ସାଢେ ୩ଟି କୋଟି ଓଡ଼ିଆଙ୍କୁ ଡ଼ିଜିଟାଲ ହେଲଥ କାର୍ଡ଼ ଦେବେ । ସ୍ୱାଧୀନତା ଦିବସରେ ମୁଖ୍ୟମନ୍ତ୍ରୀ ଏହି ଘୋଷଣା କରି ସ୍ୱାସ୍ଥ୍ୟ କ୍ଷେତ୍ରରେ ଓଡ଼ିଶା ଇତିହାସ ରଚିଛନ୍ତି । ସୁଖି ଓଡ଼ିଶା ଓ ସୁସ୍ଥ ଓଡ଼ିଶାର ନାରା କେବଳ ନାରା ନୁହେଁ, ବଂର ପ୍ରତ୍ୟେକ ଓଡ଼ିଆ ଏଥିରେ ଯୋଡ଼ି ହୋଇଛନ୍ତିି ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ମାଧ୍ୟମରେ । ଯାହାର ଶୁଭାରମ୍ଭ ମାଲକାନାଗିରି ଜିଲ୍ଳାରୁ ଆରମ୍ଭ କରିବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗ୍ରାଉଣ୍ଡକୁ ଓହ୍ଲାଇଛନ୍ତି । ନିଜେ ଲୋକଙ୍କୁ ଏହି କାର୍ଡ଼ ବଣ୍ଟନ କରିବେ ।
ଯେତେବେଳେ ବି ମୁଖ୍ୟମନ୍ତ୍ରୀ ଯେ କୌଣସି ନୂଆ ଯୋଜନା ଘୋଷଣା କରିନ୍ତି ତାହାକୁ ଗ୍ରାଉଣ୍ଡରେ ଶତ ପ୍ରତିଶତ ସଫଳ କରିବା ପାଇଁ ପ୍ରଶାସନ ଦଳ ସହ ଦଳର ଯୁବ ନେତା ତଥା ବିଜେଡ଼ି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ(ବବି)ଙ୍କ ଉପରେ ଆସ୍ଥା ପ୍ରକଟ କରନ୍ତି । ସରକାରଙ୍କ ଯୋଜନା ଲୋକଙ୍କ ପାଖରେ ସଫଳତାର ସହ ପହଞ୍ଚାିବା ପାଇଁ ପ୍ରଣବ ସାଜନ୍ତି ନବୀନଙ୍କ ସେନାପତିି । ଦଳୀୟ ବିଧାୟକ, ମନ୍ତ୍ରୀ, ସାଂସଦ, ଓ କର୍ମୀଙ୍କ ଏହି କାମରେ ଭଲ ଭାବରେ ଲଗାନ୍ତି ସେ । ଲୋକଙ୍କ ପାଇଁ ନବୀନ କରୁଥିବା ଯୋଜନାର ସୁଫଳ ମଧ୍ୟ ଲୋକେ ପାଆନ୍ତି ।
ନବୀନ ଗସ୍ତର ୨ଦିନ ପୂର୍ବରୁ ପ୍ରଣବ ମାଲକାନାଗିରି ଗସ୍ତ କରି ଦଳୀୟ କର୍ମୀ ଓ ନେତାଙ୍କ ସହ ଆଲୋଚନା କରିଛନ୍ତି । ମୁଖ୍ୟମନ୍ତ୍ରୀଙ୍କ କାର୍ଯ୍ୟକ୍ରମକୁ ସଫଳ କରିବା ପାଇଁ ସମସ୍ତ କର୍ମୀ ଓ ନେତାଙ୍କ ପରାମର୍ଶ ନେବା ସହ ଦାୟିତ୍ୱ ବଣ୍ଟନ କରିଛନ୍ତି । ଏହି କାର୍ଯ୍ୟକ୍ରମକୁ ସଫଳ କରିବା ପାଇଁ ୮ଜଣ ମନ୍ତ୍ରୀ ମାଲକାନାଗିରିର ବିଭିନ୍ନ ବ୍ଲକ, ପଂଚାୟତକୁ ଯାଇ ସ୍ମାଟ କାର୍ଡ଼ ବଣ୍ଟନ କରିବେ । ଏହି ମନ୍ତ୍ରୀମାନେ ହେଉଛନ୍ତି ଡ଼.ଅରୁଣ ସାହୁ, ନବ ଦାସ.ସମୀର ଦାସ, ତୁଷାରକାନ୍ତି ବେହେରା, ଜଗନ୍ନାଥ ସାରକା,ପଦ୍ମିନ ଦିଆନ, ପଦ୍ମନାଭ ବେହେରା, ବିକ୍ରମ କେଶରୀ ଆରୁଖ, । ସେହିପରି ବିଜେଡ଼ି ସାଂସଦ ରମେଶ ମାଝୀ, ବିଧାୟକ ପୂର୍ଣ୍ଣଚନ୍ଦ୍ର ବାକା, ବିଜେଡ଼ି ନେତା ଇଶ୍ୱର ପାଣୀଗ୍ରାହୀ, ବିଧାୟକ ଚନ୍ଦ୍ର ସାରଥୀ ବେହେରା, ନୃସିଂହ ଚରଣ ମହାନ୍ତି,ଗୋପାଳ ପଣ୍ଡା, ପ୍ରଭାକର ପ୍ରଧାନ ସହ ଦଳୀୟ କର୍ମୀଙ୍କ ସହ ପ୍ରଣବ ଆଲୋଚନା କରିଛନ୍ତି । ଏହାସହ ସଭାସ୍ଥଳ ଓ ବିଭିନ୍ନ ପଂଚାୟତାରେ କାର୍ଯ୍ୟକ୍ରମ ଉପରେ ତଦାରଖ କରିଛନ୍ତି ସେ ।
