() କୁହାଯାଏ ସ୍ୱାମୀ ଯେଉଁଠି ଥାଆନ୍ତୁ , ସ୍ତ୍ରୀ ସ୍ୱାମୀଙ୍କ ଉପରେ ସବୁବେଳେ ନଜର ରଖିଥାଏ । କହିବାକୁ ଗଲେ ସ୍ତ୍ରୀ ଠାରୁ ଅତ୍ୟନ୍ତ ବ୍ୟତିଗତ ସୁରକ୍ଷା କର୍ମୀ ଦୁନିଆରେ ଆଉ କେହି ହୋଇନପାରେ । ଏଥିପାଇଁ ବେଳେବେଳେ ସ୍ୱାମୀ ସିନା ଚିନ୍ତାରେ ପଡ଼େ , ହେଲେ ସ୍ତ୍ରୀ ସ୍ୱାମୀର ସୁରକ୍ଷା କବଚ ହୋଇ ସବୁବେଳେ ରହିବାକୁ ଭଲପାଏ । କାରଣ ସେ ପା ସାତ ଜନ୍ମର ସାଥି । ତା ପାଇଁ ତ ଦୁନିଆର ସବୁ ସମ୍ପର୍କକୁ ପଛରେ ପକାଇ ସ୍ୱାମୀ ହାତ ଧରି ଚାଲିଆସେ ଏକ ଦୁନିଆକୁ । ଆରେ ହଠାତ କାହିକିଁ ଏ ସ୍ୱାମୀ ଓ ସ୍ତ୍ରୀ ଚର୍ଚ୍ଚା । ପୁଣି ଏହି କରୋନା ସମୟରେ ଏତେ କଣ ଆବଶ୍ୟକ ପଡ଼ିଲା । ଲକଡ଼ାନରେ ଦିନ ରାତି ଘରେ ରହି ରହି ସ୍ୱାମୀ ଓ ସ୍ତ୍ରୀ ଭିତରେ ସମ୍ପର୍କ ଯେ କେତେବେଳେ କଣ ତାହା କହିବା ମୁସକିଲ । କେବଳ ଅନୁଭବ କରିବା କଥା ।
ଆରେ ଛାଡ଼ନ୍ତୁ କରୋନା ମହାମାରୀରେ ବାହାର ଦାୟିତ୍ୱ ସରକାର ନେଇଥିବା ବେଳେ ଘରର ଦାୟିତ୍ୱ ସ୍ତ୍ରୀ ହାତରେ ଦେଇଛନ୍ତି ସରକାର । ସଂକ୍ରମଣ ଚେନ ରୋକିବାରେ ସ୍ତ୍ରୀଙ୍କ ଭୂମିକା ବହୁତ ଏକଥା ସରକାର ଅନୁଭବ କରିଛନ୍ତି । ଯାହା ଏବେ ଘରେ ସ୍ତ୍ରୀକୁ ଅଧିକ ଶକ୍ତିଶାଳୀ କରିଛି ତାର କ୍ଷମତା । ସ୍ୱାମୀ ଯଦି ଭୁଲରେ ଘର ପାଖ କବାଟ ଖୋଲି ଗେଟ ଖୋଲିବାକୁ ଗଲା । ସ୍ତ୍ରୀ ଘର ଭିତରୁ ରଡ଼ି ଛାଡ଼ୁଛି ଏଇଟି ଏ ମାସ୍କ କଣ କେଉଁ ମ୍ୟୁଜିୟମରେ ରହିବ । କାହିକିଁ କିଣାହୋଇ ଆସିଛି । ଯେମିତି ନ୍ୟୁଜରେ ଫଟାଫଟ ଖବର ୫ଟି ମିନିଟରେ ୧୦୦ରୁ ଅଧିକ ଖବର ଆଙ୍କର ପଢିଦିଏ । ଠିକ ସେହି ଜୋସରେ ସ୍ୱାମୀଙ୍କୁ କହିଚାଲିଛି ସ୍ତ୍ରୀ । ବିଚରା ସ୍ୱାମୀ କଣ କରିବ । ଜୀବନ ବଂଚାଇବ ଠାରୁ ଭୟଙ୍କର ସ୍ତ୍ରୀର ଗାଳିରୁ ବଂଚିବା ପାଇଁ ପୁଣି ଘର ଭିତରକୁ ପଳାଇଆସେ । ଯେମିତି ସେହି କିଛି ସମୟ ଅଦୃଶ୍ୟ ଭୂତାଣୁକୁ ସ୍ତ୍ରୀର ଗାଳି ଭିତରେ ଦେଖିଦିଏ ସ୍ୱାମୀ । ଏମିତି ବି ଗଲାଥର ଲକ ଡ଼ାଉନରେ ସ୍ୱାମୀ ରୋଷେଇ କରିବା, ଘର ପୋଛିବା, ବାସନ ମାଜିବା, ସ୍ତ୍ରୀର ମୁଣ୍ଡ ବିନ୍ଧିଲେ ଚିପିଦେବା ସହ ବେଳେବେଳେ ମସାଜ ବି କରିଥିଲା । ଆଉ ଏତେସବୁ ନିୟମ ଭିତରେ ଦ୍ୱିତୀୟ ଲହରୀରେ ତାହା ଅଭ୍ୟାସରେ ପଡ଼ିଯାଇଥିଲେ ମଧ୍ୟ ଘର ଭିତରେ ମାସ୍କ ପିନ୍ଧିବା ଅଭ୍ୟାସ କିନ୍ତୁ କରିପାରିନାହିଁ । କେନ୍ଦ୍ର ଓ ରାଜ୍ୟ ସରକାରଙ୍କ ଠାରୁ ଆରମ୍ଭ କରି ବରିଷ୍ଠ ଡ଼ାକ୍ତର ଓ ବୈଜ୍ଞାନିକମାନେ କହୁଛନ୍ତି ଏଥର କରୋନା ବାୟୁରେ ବ୍ୟାପୁଛି । ତେଣୁ ଡ଼ବଲ ମାସ୍କ ପିନ୍ଧିବା ବାଧ୍ୟତା ମୂଳକ । ଏହାସହ ଘର ଭିତରେ ବି ମାସ୍କ ପିନ୍ଧିବାକୁ ଡ଼ାକ୍ତ୍ର ପରାମର୍ଶ ଦେଉଛନ୍ତି । ହେଲେ ଲକଡ଼ାଉନରେ ସ୍ତ୍ରୀ ପାଖରେ ୨୪ ଘଣ୍ଟା ଲକ ହୋଇଥିବା ସ୍ୱାମୀ ଯେ କଣ ଏତେ ନିୟମକୁ ମନେ ରଖିପାରୁଛି । ପୁରୁଷ ମନ ତ , ସବୁବେଳେ ଚଳଞ୍ଚଳ । ଏମିତି କେତେ କଣ । ଆଉ ଏସବୁ କଥା ଭିତରେ ଘର ଭିତରେ ଭଡାଟିଆଙ୍କ ସହ ଗପୁଗପୁ ପଡ଼େଶୀ ଘରର ବାବୁ ଜଣଙ୍କ ସ୍କୃଟି ଆସି ଗେଟ ପାଖରେ ଲାଗିଲା । ଗାଡ଼ିରେ ଥିବା ବାବୁ ଜଣକ କହିଲେ ଦାସବାବୁ ପାନ ଦୋକନା କଣ ଗୋଟେ ବି ଖୋଲାନାହିଁ । ଏକଥା ଶୁଣି ଦାସବାବୁ ଗେଟ ଖୋଲି ଟିକେ ପଡ଼ୋଶୀ ବାବୁଙ୍କୁ ଠିକଣା କହିବାକୁ ଗଲା ବେଳକୁ ଘର ଭିତରୁ ଶୁଭିଲା ମାସ୍କ ଘରେ ଅଛି କାହିକିଁ । ଏ କଥା କାଳେ ଦାସବାବୁଙ୍କକ ସ୍ତ୍ରୀ କହୁଥିଲେ ବୋଲି ଭଡ଼ାଟିଆ ମହାପାତ୍ରାବାବୁ ମତେ ସେଦିନ କହୁଥିଲେ । ସବୁ ଶୁଣି ମୁଁ କହିଲି ଜାଣିଲେ ମହାପାତ୍ର ବାବୁ ଏବେ ପା ସବୁଘରେ ଏମିତି ମାସ୍କ-ସ୍ତ୍ରୀ ଓ ମିଠାଗାଳି ଶୁଭୁଛି l ଏଥିପାଇଁ ତ ଜଣେ ଯୁବ ସାହିତ୍ୟିକ କହୁଥିଲେ ମାସ୍କ ପିନ୍ଧିଲେ ଡବଲ ଫାଇଦା ଜୀବନ ରହିବ ଓ ସ୍ତ୍ରୀର ଗାଳିରୁ ରକ୍ଷା ମିଳିବ l
