() ଲୋକଙ୍କ ଭଲ ମନ୍ଦରେ ସବୁବେଳେ ପାହାଡ ଭଳି ଛିଡ଼ା ହୁଅନ୍ତି ବିଜେଡ଼ି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ (ବବି ଦାସ ) । ସବୁବେଳେ ସମସ୍ୟା ଜାଣିବା ମାତ୍ରେ ପ୍ରଣବ କାଳ ବିଳମ୍ବ ନକରି ସେଠାରେ ପହଞ୍ଚିଯାଆନ୍ତି । ଲଗାଣ ବର୍ଷା ଓ ବନ୍ୟାରେ ଯେମିତି କାହାର ଅସୁବିଧା ନହେବ ସେ ଦିଗରେ ସବୁବେଳେ ସଜାଗ । କାରଣ ସେ ନେତା ନୁହେଁ, ନିଜକୁ ତୃଣମୂଳ ସ୍ତରର କର୍ମୀ ଭାବି ସବୁବେଳେ କାମ କରନ୍ତି । ଲଗାଣ ବର୍ଷା ଓ ରାଜ୍ୟରେ ସୃଷ୍ଟି ହୋଇଥିବା ବନ୍ୟା ପରିସ୍ଥିତିରେ ପ୍ରଣବ ପୁଣି ଥରେ ତାହା ପ୍ରମାଣିତ କରିଛନ୍ତି ।
ବନ୍ୟା ଯୋଗୁଁ ବୈତରଣୀ ନଦୀର ଶାଖା ନଦୀ କାଣୀରେ ବନ୍ୟା ଆସି ଯାଜପୁର ନିର୍ବାଚନୀ ମଣ୍ଡଳରେ ବିଭିନ୍ନ ପଂଚାୟତ ଜଳମଗ୍ନ ହୋଇଛି । କାଣୀ ନଦୀର ବନ୍ୟା ଯୋଗୁଁ ବ୍ରହ୍ମଚାରୀ ପାଟଣା ନିକଟରେ ୧୦୦ ଫୁଟର ଘାଇ ସୃଷ୍ଟି ହେଲା । ଘାଇ ସୃଷ୍ଟି ହେଉ ହେଉ ଘଟଣା ସ୍ଥଳରେ ପହଞ୍ଚି ପ୍ରଣବ ସ୍ଥିତିର ଅନୁଧ୍ୟାନ କରିବା ସହ ଲୋକଙ୍କ ମନରେ ଶକ୍ତି ଓ ସାହସ ଦେଇଥିଲେ । ପାଣି ଟିକେ କମିବା ମାତ୍ରେ ଯୁଦ୍ଧକାଳୀନ ଭିତ୍ତିରେ ଆରମ୍ଭ ହୋଇଗଲା ଘାଇ ମରାମତି କାମ । ନିଜେ ଗ୍ରାଉଣ୍ଡରେ ରହି ପ୍ରଣବ ଘାଇ ମରାମତି କାମର ତଦାରଖ କଲେ । 
ସେହିପରି ବନ୍ୟା ଦ୍ବାରା ପ୍ରଭାବିତ ହୋଇଥିବା ଲୋକଙ୍କୁ ସୁରକ୍ଷତ ସ୍ଥାନକୁ ଆଣିବା ସହ ଲୋକେ କିପରି ସମସ୍ୟାରେ ନରହିବେ ସେ ଦିଗରେ ସବୁ ପଦକ୍ଷେପ ନେଲେ । ପୁରା ପ୍ରଶାସନ କଳକୁ ଚଳଞ୍ଚଳର କରିବା ସହ ଯୁଦ୍ଧକାଳୀନ ଭିତ୍ତିରେ ଦଳୀୟ କର୍ମୀମାନଙ୍କୁ ଡ଼ାକି ୨୪ ଘଣ୍ଟା ଲୋକଙ୍କ ପାଇଁ କାମ କରିବା ଆହ୍ବାନ ଦେଲେ । ନିଜେ ଦିନରାତି ଏକ କରି ଲୋକଙ୍କ ସେବାରେ ଲାଗିପଡ଼ିଲେ । ବୈତରଣୀ ନଦୀରେ ଜଳସ୍ତର କମିବା ମାତ୍ରେ ସିଧାସଳଖ କେଉଁଠି ପାଣିରେ ପଶି ତ କେଉଁଠି ବାଇକ ଓ ଚାଲିଚାଲି ଲୋକଙ୍କ ସମସ୍ୟା ବୁଝିବା ସହ ଏହାର ସମାଧାନ ବାଟ କାଢିଥିଲେ । 
ବିପଦ ସମୟରେ ଘର ଘର ଦୁଆର ମୁହଁରେ ବିଧାୟକଙ୍କୁ ପାଇଁ ଲୋକଙ୍କ ସାହସ ଶହେ ପ୍ରତିଶତ ବଢିଯାଇଥିଲା । ବନ୍ୟାରେ ସୃଷ୍ଟି ହୋଇଥିବା ସମସ୍ୟା ମିଳିତ ସମାଧାନ କରିବାକୁ ସମସ୍ତେ ଲାଗିପଡ଼ିଲେ ।
କେବଳ ଯାଜପୁର କାହିକିଁ , ବନ୍ୟାରେ ପ୍ରଭାବିତ ହୋଇଥିବା ପଡ଼ୋଶୀ ଜିଲ୍ଲାକୁ ଘନଘନ ଗସ୍ତ କରି ଲୋକଙ୍କ ସମସ୍ୟା ବୁଝି ଏହାର ସମାଧାନର ବାଟ କାଢିଛନ୍ତି ବିଜେଡ଼ି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ । ପ୍ରତିବର୍ଷ ବନ୍ୟା ଓ ବତ୍ୟା ଆସୁଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ବରେ ଏହାକୁ ସଫଳତାର ସହ ମୁକାବିଲା କରୁଛି ଓଡ଼ିଶା । ଗ୍ରାଉଣ୍ଡରେ ଲୋକଙ୍କ ସହ ରହି ଲୋକଙ୍କ ସୁଖ ଦୁଃଖର ସାଥୀ ହେବାକୁ ମୁଖ୍ୟମନ୍ତ୍ରୀ ଦେଇଥିବା ନାରା କେବଳ ନାରା ନୁହଁ ବଂର କାର୍ଯ୍ୟରେ ମଧ୍ୟ ପ୍ରତିପାଦିତ କରି ହେଉଛି ବୋଲି ସେ ଦର୍ଶାଇ ଅଛନ୍ତି।
ବନ୍ୟା ପ୍ରଭାବିତ ୧୦ଟି ଜିଲ୍ଳାରେ ବିଜେଡ଼ି ବିଧାୟକ, ସାଂସଦ, ମନ୍ତ୍ରୀ ଓ କର୍ମୀମାନେ ଯେପରି ଲୋକଙ୍କ ସମସ୍ୟା ସମୟରେ ସାରଥି ହୋଇଛନ୍ତି । କାରଣ ସାଢେ ଚାରିକୋଟି ଓଡ଼ିଶାବାସୀ ବିଜେଡ଼ିର ପରିବାର । ନିର୍ବାଚନ ସମୟରେ ପ୍ରଚାର ପ୍ରସାର ପାଇଁ ନୁହେଁ, ବଂର ଓଡ଼ିଶାବାସୀଙ୍କ ବଳ ସାଜିଥିବା ବିଜେଡ଼ି ସବୁବେଳେ ରାଜ୍ୟବାସୀଙ୍କ ସହ ଅଛି ରହିବ ବୋଲି ଦଳୀୟ ନେତାଏ କହିଛନ୍ତି । ସେଥିପାଇଁ ଶାସକ ଓ ବିରୋଧୀ ଶିବିର ର ନେତା କହୁଛନ୍ତି ସମସ୍ୟା ଯେଉଁଠି ପ୍ରଣବ ସେଇଠି l
