() ଦେଶରେ ହଠାତ ଲକଡାଉନ ଘୋଷଣା ପରେ ଲୋକେ ନାହିଁନଥିବା ଅସୁବିଧାର ସମ୍ମୁଖୀନ ହୋଇଛନ୍ତିି । ଗାଁ ଠୁ ସହର ସବୁଠି ଲୋକେ ଫସି ରହିଥିବାରୁ ଏହାକୁ ନେଇ ଦୁଃଖ ପ୍ରକାଶ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆଜି ମନ କି ବାତ କାର୍ଯ୍ୟକ୍ରମରେ କରୋନା ଭୂତାଣୁ ସମ୍ପର୍କରେ ଅନେକ ଗୁରୁତ୍ୱପୂର୍ଣ୍ଣ ବିଷୟ ଆଲୋଚନା କରିବା ବେଳେ ମୋଦି ଦେଶବାସୀଙ୍କୁ କରୋନା ସହ ଯୁଦ୍ଧ କରିବାକୁ କହିଛନ୍ତି ।
ସରା ଦେଶରେ କରୋନା ସଂକ୍ରମଣକୁ ନଜରରେ ରଖି ସରକାର ହଠାତ ଗୁରୁତ୍ୱପୂର୍ଣ୍ଣ ନିଷ୍ପତି ନେଇଥିବାରୁ ସାଧାରଣ ଲୋକେ ବିଭିନ୍ନ ସମସ୍ୟାରେ ପଡିଛନ୍ତି । ଏହି ସମୟରେ ମୋଦି କହିଛନ୍ତି ଯେ ଆପଣ ମାନେ ସମସ୍ତେ ଜାଣିଛନ୍ତି କରୋନା ସହ ଲଢିବାକୁ ଏହା ଏକ ବଡ ପଦକ୍ଷେପ । ଯାହା ଗ୍ରହଣ କରିବା ଜରୁରୀ ଥିଲା । ନେଇଥିବା ନିଷ୍ପତି ପାଇଁ ଆପଣମାନେ ମୋ ଉପରେ ରାଗିଥିବେ ନିଶ୍ଚୟ । ଅନ୍ୟ କୌଣସି ଉପାୟ ନଥିବାରୁ ଏଭଳି ପଦକ୍ଷେପ ନେବା ଜରୁରୀ ଥିଲା । ଏଥିପାଇଁ ଆପଣମାନେ ମୋତେ କ୍ଷମା କରିଦେବେ ।
ଲକଡାଉନର ଉଦ୍ଦେଶ୍ୟ ଆପଣମାନଙ୍କୁ ସଂକ୍ରମଣରୁ ବଞ୍ଚାଇବା। ଏଣୁ ଆପଣମାନଙ୍କୁ ନିଜକୁ ବଞ୍ଚାଇବା ସହ ପରିବାରକୁ ବଞ୍ଚାଇଇବାକୁ ହେବ। ମୁଁ ବି ଜାଣେ ଯେ କେହି ବି ଆଇନ୍ ଭାଙ୍ଗିବାକୁ ଚାହାନ୍ତିନାହିଁ। ହେଲେ କେତେଜଣ ଏହି ଆଇନର ପାଳନ କରିପାରୁ ନାହାନ୍ତି। ଦୁନିଆରେ ସବୁଠାରୁ ବଡ଼ ସୁଖ ହେଉଛି ଆମ ସ୍ୱାସ୍ଥ୍ୟ। ଏଭଳି ସ୍ଥଳେ ନିୟମ ଭାଙ୍ଗୁଥିବା ଲୋକାମେନେ ସେମାନେ ନିଜ ଜୀବନ ସହ ଖେଳୁଛନ୍ତି ବୋଲି ମୋଦି କହିଛନ୍ତି।
