( ) ସାଂସଦ ଅପରାଜିତାଙ୍କ ଇଙ୍ଗିତରେ ବସ୍ତି ମହିଳାଙ୍କୁ ଆକ୍ରମଣ ଓ ଅସଦାଚରଣ ଘୋର ନିନ୍ଦନୀୟ: ଅନନ୍ତ ନାରାୟଣ ଜେନା
ନିଜେ ଲୁଚିଲେ, ଗୁଣ୍ଡା ବାହିନୀ ଲଗାଇ ଢେଲାମାଡ଼ କଲେ
ଆକ୍ରମଣକାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ହେଉ
ଗୁରୁବାର ସନ୍ଧ୍ୟାରେ ରାଜଧାନୀର ଆଚାର୍ଯ୍ୟ ବିହାର ନିକଟରେ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀଙ୍କୁ ନିଜ ଅଞ୍ଚଳର ସମସ୍ୟା ଏବଂ ବିକାଶ କାର୍ଯ୍ୟ ସଂପର୍କରେ ପ୍ରଶ୍ନ ପଚାରିବାକୁ ଯାଇଥିବା ସ୍ଥାନୀୟ ବସ୍ତିର ମହିଳାମାନଙ୍କୁ ସାଂସଦ ତାଙ୍କର ନିଜସ୍ଵ ଗୁଣ୍ଡା ବାହିନୀ ଲଗାଇ ଯେଉଁଭଳି ଭାବେ ଅସଦାବରଣ ଓ ମରଣାନ୍ତକ ଆକ୍ରମଣ କଲେ, ତାହାକୁ ମୁଁ ଦୃଢ ନିନ୍ଦା କରୁଛି।
ସାଂସଦ ଅପରାଜିତାଙ୍କୁ ମୋର ପ୍ରଶ୍ନ ହେଲା-
ନିଜ ନିର୍ବାଚନ ମଣ୍ଡଳୀର ଲୋକଙ୍କ ସହ ମିଶିବା ପାଇଁ ଏବଂ ଲୋକଙ୍କୁ ସାମ୍ନା କରିବାକୁ ସେ ଏତେ ଡରୁଛନ୍ତି କାହିଁକି?ସବୁବେଳେ ଅପରାଜିତାଙ୍କ ପାଖେ ପାଖେ ରହୁଥିବା ଏଇ ଜିମ୍ ବାପି କିଏ ? ୧୫ ରୁ ଅଧିକ ସଂଗିନ ଆପାରାଧିକ ମାମଲା ଥିବା ଜିମ୍ ବାପି ବିଜେପିର ପ୍ରାଥମିକ ସଦସ୍ୟ ନା ଗୁଣ୍ଡା ବାହିନୀର ସର୍ଦ୍ଦାର ?ସାଂସଦଙ୍କ ଏହି ଗୁଣ୍ଡା ବାହିନୀ ଖାଲି ସାଧାରଣ ଜନତାଙ୍କୁ ଟାର୍ଗେଟ କରୁନାହାନ୍ତି, ୨ ମାସ ଭିତରେ ତାଙ୍କ ନିଜ ଦଳର ୨ଜଣ କର୍ମୀଙ୍କୁ ମଧ୍ୟ ଆକ୍ରମଣ କରିଛନ୍ତି । ଏ ନେଇ ଗୁଣ୍ଡା ବାହିନୀ ନାଁରେ ୨ଟି ମାମଲା ବି ରୁଜୁ ହୋଇଛି ନା ନାହିଁ? ଏମିତି ହେଉଛି ସେମାନଙ୍କ ଚରିତ୍ର ।ଜଣେ ନିର୍ବାଚିତ ସାଂସଦ ଯଦି ଜନତାଙ୍କ ବିରୋଧର ସମ୍ମୁଖୀନ ହେଉଛନ୍ତି, ତେବେ ପୁଲିସର ସୁରକ୍ଷା ନ ନେଇ ଏକ ନିଜସ୍ଵ ସୁରକ୍ଷା ବାହିନୀ ଧରି ବୁଲୁଛନ୍ତି କାହିଁକି?ମୋ ଜାଣିବାରେ ଆଜି ପର୍ଯ୍ୟନ୍ତ ଓଡ଼ିଶାର କୌଣସି ଦଳର କୌଣସି ନେତା ଏଭଳି ନିଜସ୍ଵ ଗୁଣ୍ଡା ବାହିନୀ ସୃଷ୍ଟି କରି ଲୋକଙ୍କୁ ଭୟଭୀତ କରିବା ବା ଆକ୍ରମଣ କରିବାର ପନ୍ଥା ଆପଣାଇ ନାହାନ୍ତି। ଏପରିକି ତାଙ୍କ ଦଳର ଅନେକ ବରିଷ୍ଠ ନେତା ଭୁବନେଶ୍ଵର ଆସୁଛନ୍ତି, ମାତ୍ର ସେମାନଙ୍କ ମଧ୍ୟରୁ କେହି ଏପରି ନିଜସ୍ଵ ସୁରକ୍ଷା ବାହିନୀ ଧରି ବୁଲୁଛନ୍ତି କି?
ଅପରାଜିତା କଣ ଶାନ୍ତିପ୍ରିୟ ରାଜ୍ୟ ଆମ ଓଡ଼ିଶାକୁ ବିହାର ଭଳି କରିବାକୁ ଚେଷ୍ଟା କରୁଛନ୍ତି?
ଓଡ଼ିଶାକୁ ବିହାର କରିବାକୁ ଅପଚେଷ୍ଟା କରୁଥିବା ଅପରାଜିତାଙ୍କୁ ଆଗାମୀ ଦିନରେ ଜନତା ଉଚିତ ଜବାବ ଦେବେ।ଏହି ପରିପ୍ରେକ୍ଷୀରେ ଆମେ ବସ୍ତିର ଅସହାୟ ଓ ନିରୀହ ମହିଳାଙ୍କ ଉପରେ ବର୍ବରୋଚିତ ଆକ୍ରମଣ ଓ ଅସଦାରଣ କରିଥିବା ଅସାମାଜିକ ତତ୍ତ୍ଵଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ଦାବି କରୁଛୁ।
