ନୂଆଦିଲ୍ଲୀ: ଆଇପିଏଲ-୧୩ ର ଟ୍ରଫି ଜିତିଲା ମୁମ୍ବାଇ ଇଣ୍ଡିଆନ୍ସ । ଦିଲ୍ଲୀ କ୍ୟାପିଟାଲ୍ସକୁ ୫ ଓ୍ବିକେଟରେ ହରାଇ ରୋହିତଙ୍କ ମୁମ୍ବାଇ ଇଣ୍ଡିଆନ୍ସ ପଞ୍ଚମ ଥର ଆଇପିଏଲ ଟାଇଟଲ ଜିତିଛି। ଅନ୍ୟପଟେ ଦିଲ୍ଲୀ କ୍ୟାପିଟାଲ୍ସ ପ୍ରଥମ ଥର ଆଇପିଏଲ ଫାଇନାଲରେ ପହଞ୍ଚିଥିଲା। ମାତ୍ର ଚଳିତ ସିଜନରେ ଆଇପିଏଲ ଟ୍ରଫି ଜିତିପାରି ନାହିଁ। ତେବେ ଟସ ଜିତି ଦିଲ୍ଲୀ ପ୍ରଥମେ ବ୍ୟାଟିଂ କରିଥିଲା । ସୀମିତ ୨୦ ଓଭରରେ ଦଳ ୭ ଓ୍ବିକେଟ ହରାଇ ୧୫୬ ରନ କରିଥିଲା। ଜବାବରେ ରୋହିତଙ୍କ ପଲଟନ ୮ଟି ବଲ ବାକିଥାଇ ମ୍ୟାଚ କୁ ଜିତିନେଇଛି। ଏହି ବିଜୟ ସହ ମୁମ୍ବାଇ ୫ ଟି IPL ଟ୍ରଫି ର ମାଲିକ ହୋଇଛି। କରୋନା କଟକଣା ମଧ୍ୟରେ ୟୁଏଇରେ ଡ୍ରିମ-୧୧ ଇଣ୍ଡିଆନ ପ୍ରିମିୟର ଲିଗ୍ ସରିଛି। ତେବେ ୫୩ ଦିନ ଧରି ଚାଲିଥିବା ଏହି ଟୁନାର୍ମେଣ୍ଟର ଆଜି ଅନ୍ତିମ ଦିନ ଥିଲା। ଡିଫେଣ୍ଡିଂ ଚାମ୍ପିଅନ୍ ମୁମ୍ବାଇ ଇଣ୍ଡିଆନ୍ସ (ରୋହିତ ଶର୍ମାଙ୍କ ଅଧିନାୟକତ୍ବରେ ମୁମ୍ବାଇ ୪ ଥର ଆଇପିଏଲର ଟ୍ରଫି କବଜା କରିଥିଲା। ୨୦୧୩,୨୦୧୫,୨୦୧୭ ଓ ୧୦୧୯ ରେ ମୁମ୍ବାଇ ଆଇପିଏଲ ଟ୍ରଫି ହାତେଇଛି। ତେବେ ଆଜି ଆଇପିଏଲ ଟାଇଟଲ ନିଜ ନାମରେ କରି ମୁମ୍ବାଇ ପଞ୍ଚମ ଥର ଆଇପିଏଲ ଚମ୍ପିୟାନ ହୋଇଛି। ଏହି ହାର ସହ ଦିଲ୍ଲୀ ସହିତ ଏକ ରେକର୍ଡ ତିଆରି କରିଛି।
