ଭୁବନେଶ୍ୱର : ସାଢେ ଚାରିକୋଟି ଓଡ଼ିଆ ମୋ ପରିବାର । ରାଜନୀତି ନୁହେଁ, ସେମାନଙ୍କୁ ସେବା ଯୋଗାଇବା ପାଇଁ ବିଜେଡ଼ି କାମ କରୁଛି । ଏକଥା ବିଜେଡ଼ି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସବୁବେଳେ ନିଜ ଅଭିଭାଷଣରେ କହନ୍ତି । କଥା କମ କାମରେ ବିଶ୍ୱାସ ରଖୁଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ପୁଣିଥରେ ଦେଶ ପାଇଁ ରୋଲ ମଡ଼େଲ ସାଜିଛନ୍ତି । ଦେଶରେ ଯେତେବେଳେ କରୋନାର ଦ୍ରୃତ ସଂକ୍ରମଣ ହେଉଛି , ସେତେବେଳେ ବହୁ ଜାତୀୟ ଦଳ ଓ ଆଂଚଳିକ ଦଳ ଲୋକଙ୍କ ଜୀବନକୁ ବାଜିରେ ଲଗାଇ ନିର୍ବାଚନୀ ପ୍ରଚାର,ଶୋଭାଯାତ୍ରା ଓ ବୈଠକ କରୁଛନ୍ତି । ଖୋଲାଖୋଲି ଭାବରେ ସରାକର କରିଥିବା କୋଭିଡ଼ ନିୟମକୁ ଉଲଘଂନ କରୁଛନ୍ତି । ହେଲେ ଲୋକଙ୍କ ନେତା ଭାବେ ଓଡ଼ିଶାରେ ଲମ୍ବା ସମୟ ଧରି ଶାସନ ଡ଼ୋରୀ ଧରିଥିବା ବିଜେଡ଼ି ସୁପ୍ରିମ ନବୀନ ପଟ୍ଟନାୟକ କିନ୍ତୁ ଏଥିରେ ବ୍ୟତିକ୍ରମ । ରାଜ୍ୟରେ କରୋନାର ସଂକ୍ରମଣ ବଢିବାରେ ଲାଗିଛି। ସ୍ଥିତି ଦିନକୁ ଦିନ ସଙ୍ଗୀନ ହେବାରେ ଲାଗିଛି। ତେବେ ଏହାକୁ ନଜରରେ ରଖି ପିପିଲି ଉପନିର୍ବାଚନ ପାଇଁ ବିଜେଡି କରିବନି ରାଲି ଓ କ୍ୟାମ୍ପେନ । ଏନେଇ ଟ୍ୱିଟ କରି ସୂଚନା ଦେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କରୋନା ମହାମାରୀ ପାଇଁ ଏଭଳି ନିଷ୍ପତ୍ତି ନେଇଛନ୍ତି ନବୀନ ପଟ୍ଟନାୟକ । ଏହାର ମୁକାବିଲା ପାଇଁ ସାରା ରାଜ୍ୟରେ ନାଇଟ୍ କର୍ଫ୍ୟୁ ଲଗାଯାଇଛି। ଭୋଟ୍ ପାଇଁ ଲୋକଙ୍କ ଜୀବନକୁ ବିପଦରେ ପକାଯିବନି ବୋଲି ଟ୍ଵିଟ୍ କରି ସୂଚନା ଦେଲେ ବିଜେଡି ସୁପ୍ରିମୋ ନବୀନ ପଟ୍ଟନାୟକ।ନବୀନ ପଟ୍ଟନାୟକ ଟ୍ୱିଟ କରି ଲେଖିଛନ୍ତି, ପ୍ରତ୍ୟେକ ଜୀବନ ମୂଲ୍ୟବାନ ଏବଂ ମୁଁ ସର୍ବଦା ଓଡିଶାର ଲୋକଙ୍କୁ ମୋର ପରିବାର ସଦସ୍ୟ ଭାବରେ ବିବେଚନା କରେ । ଦେଶରେ କରୋନା ସଂକ୍ରମଣ ବୃଦ୍ଧି କରୁଛି ତେଣୁ ଏଭଳି ଅତ୍ୟନ୍ତ ଗମ୍ଭୀର ପରିସ୍ଥିତିରେ ପିପିଲି ଉପନିର୍ବାଚନ ପାଇଁ କୌଣସି ସାଧାରଣ ସମାବେଶ କିମ୍ବା ରାଲି ସଭା ନକରିବାକୁ ନିଷ୍ପତ୍ତି ନେଇଛି ବିଜେଡି। କିନ୍ତୁ ମୁ୍ଖ୍ୟମନ୍ତ୍ରୀଙ୍କକ ଏହି ନିଷ୍ପତିକୁ ଏବେ ସାରା ଦେଶରୁ ପ୍ରଶଂସାର ଶୁଅ ଛୁଟୁଛି । ସୋସିଆଲ ମିଡ଼ିଆରେ ନବୀନ ସୋମବାର ଅପରାହ୍ନରୁ ରାଜନୀତିର ଏକ ନମ୍ବର ହିରୋ ସାଜିଛନ୍ତି । ସବୁଠାରୁ ବଡ଼ କଥା ହେଉଛି ପ୍ରଥମଥର ପାଇଁ ବିଜେଡ଼ି କୌଣସି ନିର୍ବାଚନରେ ପ୍ରଚାର କରିବ ନାହିଁ । ଜୀବନ ଆଗ, ରାଜନୀତି ପଛ ନାରା ଦେଇ ବିନା ପ୍ରଚାରରେ ଲୋକଙ୍କ ହୃଦୟ ଯେ ନବୀନ ଏବେ ଠାରୁ ଜିତି ସାରିଲେରି ତାହା ଏବେ ପିପିଲି ଠାରୁ ଆରମ୍ଭ କରି ଦେଶସାରା ଚର୍ଚ୍ଚା ।
