() ଯାଜପୁର ପ୍ରତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର ସ୍ଵତନ୍ତ୍ର ଭଲ ପାଇବା ରହିଛି l ସ୍ନେହ, ପ୍ରେମ ଶ୍ରଦ୍ଧା ଅଜାଡ଼ି ଦେଇଛନ୍ତି ମୁଖ୍ୟମନ୍ତ୍ରୀ l ତାଙ୍କ ଦିଗ ଦର୍ଶନରେ ଯାଜପୁରର ବିକାଶ ରଥ ଆଗେଇ ଚାଲିଛି l 
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପାଖରେ ଯାଜପୁର ଜିଲ୍ଲାବାସୀ ୠଣି l ଆଗାମୀ ଶହେ ବର୍ଷ ଯାଏ ତାଙ୍କୁ ମା ବିରଜା ଓ ଓଡ଼ିଶାବାସୀ ଆଶିର୍ବାଦ କରନ୍ତୁ ଓ ସେ ରାଜ୍ୟର ବିକାଶ ପାଇଁ ଏପରି କାମ କରି ଚାଲନ୍ତୁ l 
ଯାଜପୁର ଜିଲ୍ଲା ମହୋତ୍ସବ ଯଯାତି ୨୦୨୩ ଉଦଘାଟନ ସଭାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସାମିଲ ହୋଇ ଯାଜପୁର ଓଡ଼ିଶାର ୧ନମ୍ବର ଜିଲ୍ଲା ହେବ ବୋଲି କହିବା ପରେ ପ୍ରଣବ ପ୍ରକାଶ ଭାବପ୍ରବଣ ହୋଇଯାଇଥିଲେ l ଓଡ଼ିଶାର ବରପୁତ୍ର ବିଜୁ ପଟ୍ଟନାୟକ ଯାଜପୁରକୁ ନେଇ ଯେଉଁ ସ୍ଵପ୍ନ ଦେଖିଥିଲେ ତାହାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସାକାର କରିଛନ୍ତି ତାହା ନିଜ ଭାଷଣରେ କହିଥିଲେ ପ୍ରଣବ l ଯାଜପୁରର କଳିଙ୍ଗ ନଗର ଆଜି ପୁରା ବିଶ୍ଵର ଷ୍ଟିଲ ହବ ସାଜିଛି l ଷ୍ଟିଲ କନକ୍ଲେବ ମଧ୍ୟ ଆୟୋଜନ କରାଯାଇଛି l ମୁଖ୍ୟମନ୍ତ୍ରୀଙ୍କ ଭଲ ପାଇବା ପାଇଁ ଯାଜପୁରରେ ମେଡିକାଲ କଲେଜ, ବୌଦ୍ଧ କୀର୍ତ୍ତି ରାଜର ଉନ୍ନତି, ବିଭିନ୍ନ ଅଂଚଳର ବିକାଶ ହୋଇପାରିଛି l ରାସ୍ତା ଘାଟ ଠାରୁ ଆରମ୍ଭ କରି ଜିଲ୍ଲାର ସୌନ୍ଦଜ୍ୟକରଣ ସମ୍ଭବ ହୋଇପାରିଛି l ୫ଟି ସଂସ୍କାର ଜରିଆରେ ବଦଳିଯାଇଛି ଯାଜପୁରର ରୂପରେଖ l ସ୍କୁଲ ରୂପାନ୍ତରଣ ଶିକ୍ଷା ବ୍ୟବସ୍ଥାକୁ ନୂଆ ପରିଚୟ ଦେଇଛି l
ମୁଖ୍ୟମନ୍ତ୍ରୀଙ୍କ ଦୃଢ ନେତୃତ୍ବ ଯୋଗୁଁ ବିଶ୍ବରେ ଓଡ଼ିଶା ପାଇଛି ସ୍ଵତନ୍ତ୍ର ପରିଚୟ l ହକି ବିଶ୍ୱ କପ୍ ଦୁଇଥର ଆୟୋଜନ ତାହା ପ୍ରମାଣିତ କରିଛି l ସବୁଠାରୁ ବଡ କଥା ହେଉଛି ସାଢେ଼ ଚାରି କୋଟି ଓଡ଼ିଆଙ୍କୁ ନିଜର ପରିବାର ଭାବେ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯେଉଁ ପ୍ରତିବଦ୍ଧତାରେ କାମ କରୁଛନ୍ତି ତାହା ଆଜି ଭାରତ ବର୍ଷର ଅନ୍ୟ ନେତାଙ୍କ ପାଇଁ ଉଦାହରଣ l ଏପରି ନେତାଙ୍କ ଦିଗଦର୍ଶନରେ ଆମେ କାମ କରୁଛନ୍ତି l ତେଣୁ ପୁରା ଓଡ଼ିଶାବାସୀଙ୍କ ଆଶୀର୍ବାଦ ତାଙ୍କ ଉପରେ ଅଛି l ସେ ୨୫ବର୍ଷ ଧରି ସେବା କରୁଛନ୍ତି ଓ ଆଗମୀ ଶହେ ବର୍ଷ ଯାଏ ଭଗବାନ ତାଙ୍କୁ ଶକ୍ତି ଦିଅନ୍ତୁ ଓଡ଼ିଶାର ସେବା କରିବା ପାଇଁ ବୋଲି ପ୍ରଣବ ଯାଜପୁର ଜିଲ୍ଲା ମହୋତ୍ସବରେ ନିଜର ଭାଷଣରେ କହିଥିଲେ l
ଯାଜପୁର ଜିଲ୍ଲା ମୁଖ୍ୟମନ୍ତ୍ରୀଙ୍କ ପାଇଁ ସ୍ଵତନ୍ତ୍ର ହୋଇଥିବାରୁ ତାଙ୍କ ପାଖରେ ସେ ୠଣୀ ବୋଲି କହିଥିଲେ l ଏହି ଅବସରରେ ଫାଇଭ-ଟି ସଚିବଙ୍କୁ ମଧ୍ୟ ପ୍ରଶଂସା କରିଥିଲେ ପ୍ରଣବ l ଯେତେବେଳେ ସେ ଜିଲ୍ଲା ପାଇଁ ଯାହା ମାଗିଛନ୍ତି ଫାଇଭ -ଟି ସଚିବ ତୁରନ୍ତ ଦେଇଥିବା କହିଛନ୍ତି ପ୍ରଣବ l
