() ସମ୍ବଲପୁର ସଂସଦୀୟ କ୍ଷେତ୍ରରେ ଜୋରଦାର ପ୍ରଚାର କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ l ଛେଣ୍ଡିପଦାରେ ସିଧା କେନ୍ଦ୍ରକୁ ନବୀନଙ୍କ ନିଶାନା କହିଛନ୍ତି ଯେ ଆଚ୍ଛେଦିନ କୁଆଡ଼େ ଗଲା? ନିର୍ବାଚନ ବେଳେ ଖାଲି କୁମ୍ଭୀର କାନ୍ଦଣା କାହିଁକି ବୋଲି କେନ୍ଦ୍ରକୁ ପ୍ରଶ୍ନ କରିଛନ୍ତି ନବୀନ ପଟ୍ଟନାୟକ l ଏହାସହ ଓଡ଼ିଶାରେ ଜୁଲାଇରୁ ବିଜୁଳି ମାଗଣା ଆପଣମାନେ ଖୁସି ତ ? ବୋଲି ଛେଣ୍ଡିପଦାବାସୀଙ୍କୁ ମତ ଲୋଢିଥିଲେ ନବୀନ l ବି.ଏସ୍.କେ.ୱାଇ, ମିଶନ ଶକ୍ତି, ମମତା, କାଳିଆ, ଲକ୍ଷ୍ମୀ ବସ୍, 5T ସ୍କୁଲ ରୂପାନ୍ତରଣ, ପିଲାଙ୍କ ସ୍କଲାରସିପ୍, ଚାଉଳ କାର୍ଡ ଭଳି ବିଭିନ୍ନ ଜନକଲ୍ୟାଣକାରୀ ଯୋଜନାର ସୁଫଳ ବିଷୟରେ ଜନମତ ନେଲେ l ମା ସମଲେଇ ଏବଂ ପରିକ୍ରମା ପ୍ରକଳ୍ପ ବିଷୟରେ ମତାମତ ନେଲେ l ସାଂସଦ ଓ ବିଧାୟକ ପ୍ରାର୍ଥୀଙ୍କୁ ଆଶିର୍ବାଦ କରିବା ପାଇଁ ନିବେଦନ କଲେ l ବିଜେପି ନେଲାବେଳେ ଚତୁର୍ଭୁଜ, ଦେଲାବେଳେ ଖାଲି ହାତ- ଶ୍ରୀ ପାଣ୍ଡିଆନ l ଏମ୍.ସି.ଏଲ. ପ୍ରତିବର୍ଷ ଓଡ଼ିଶାରୁ କୋଇଲା ବାବଦକୁ ୨୫ରୁ୨୭ ହଜାର କୋଟି ଟଙ୍କା ପାଉଛି, ଓଡ଼ିଶାକୁ ଦେଉଛି ମାତ୍ର ୪ ହଜାର କୋଟି l ବିଜେପି କେବଳ କୁମ୍ଭୀର କାନ୍ଦଣା କାନ୍ଦୁଛି, ୨୦୧୪ ଏବଂ ୨୦୧୯ ନିର୍ବାଚନରେ ବିଜେପି କହିଥିଲା ଧାନର ସର୍ବନିମ୍ନ ସହାୟକ ମୁଲ୍ୟକୁ ଦୁଇ ଗୁଣ କରିବେ, ତେଲ ଦର କମାଇବେ, ଏଲ୍.ପି.ଜି. ଦର କମାଇବେ, ପେଟ୍ରୋଲ, ଡିଜେଲ ଦର କମାଇବେ, ୧୦ ବର୍ଷ ମଧ୍ୟରେ କମାଇଲେ କି ? ଏବେ ନିର୍ବାଚନ ଆସିଲା ମା’ମାନଙ୍କୁ, ଚାଷୀମାନଙ୍କୁ ମନେ ପକାଉଛନ୍ତି l କେନ୍ଦ୍ରରେ ତୈଳମନ୍ତ୍ରୀ ଥିବାବେଳେ ପ୍ରତି ୩ ମାସକୁ ଥରେ ତାଙ୍କ ଦସ୍ତଖତରେ ତେଲ ଏବଂ ୨ ମାସରେ ଥରେ ଏଲ୍.ପି.ଜି. ଦର ବୃଦ୍ଧି କରାଗଲା, ତାଙ୍କ ଦସ୍ତଖତ ମା’ମାନଙ୍କ ଆଖିରେ ଲୁହ ଦେଇଛି, କଷ୍ଟ ଦେଇଛି, ମା’ମାନେ ତାଙ୍କୁ କ୍ଷମା କରିବେ କି ?
କେନ୍ଦ୍ର ଶିକ୍ଷାମନ୍ତ୍ରୀ ଭାବେ ସେ ଚାହିଁଥିଲେ ଛେଣ୍ଡିପଦା ଓ ଦେବଗଡ଼ରେ କେନ୍ଦ୍ରୀୟ ବିଦ୍ୟାଳୟ ଖୋଲି ପାରିଥାନ୍ତେ, ଖୋଲିଲେ କି ?
କେନ୍ଦ୍ରମନ୍ତ୍ରୀ ଆପଣଙ୍କ ସ୍ୱାର୍ଥରକ୍ଷା ପାଇଁ କେବେ ବି ଲଢ଼ିନାହାନ୍ତି କି ଲଢ଼ିପାରିବେ ନାହିଁ ? ଏ ମାଟିର ସ୍ୱରକୁ କେବେ ବି କେନ୍ଦ୍ର ସରକାରଙ୍କ ପାଖରେ ପହଞ୍ଚାଇ ନାହାନ୍ତି ?ତାଙ୍କ boss ଙ୍କ ସାମ୍ନାରେ ସେ ମୁହଁ ଖୋଲି ପାରିବେ ନାହିଁ, କ୍ଷମତା ପାଇଲେ ମିଶନ ଶକ୍ତି ବନ୍ଦ କରିଦେବେ, ଏଲ୍.ପି.ଜି. ଦର ପୁଣି ବୃଦ୍ଧି କରିବେ l ସେମାନଙ୍କ ଅସଲ ଚେହେରା କୁ ଭଲ ଭାବରେ ଚିନ୍ହି ରଖନ୍ତୁ.l ଜୁନ ୯ ତାରିଖରେ ୧୧.୩୦ରୁ ଗୋଟାଏ ମଧ୍ୟରେ ନବୀନ ପଟ୍ଟନାୟକ ପୁନର୍ବାର ମୁଖ୍ୟମନ୍ତ୍ରୀ ଭାବେ ଶପଥ ନେବେ l ପ୍ରଥମ ତିନୋଟି ଦସ୍ତଖତ ହେବ ୧ – ଓଡ଼ିଶାର ୯୦ ପ୍ରତିଶତ ପରିବାର ପାଇଁ ବିଜୁଳି ବିଲ ଛାଡ଼, ଓଡ଼ିଶାରେ ମୁଖ୍ୟମନ୍ତ୍ରୀ ବିଜୁଳି ବିଲ ଛାଡ କରିବେ ୨- ବି.ଏସ୍.କେ.ୱାଇରେ ସମସ୍ତେ ସାମିଲ ହେବେ, ୩ – ମିଶନ ଶକ୍ତି ମା ଓ କର୍ମଚାରୀମାନଙ୍କ ପାଇଁ ଭତ୍ତା ବ୍ୟବସ୍ଥା l ଏବେ ମୁଖ୍ୟମନ୍ତ୍ରୀ ମାଗଣା ବିଜୁଳି ଦେବେ ବୋଲି କହିଲା ପରେ ବିଜେପିର ନିଦ ଭାଙ୍ଗି ଯାଇଛି, ସେମାନେ କହୁଛନ୍ତି ସୋଲାର ପ୍ୟାନେଲ ମାଧ୍ୟମରେ ମାଗଣା ବିଜୁଳି ଦେବେ, ଏଥିପାଇଁ ଆପଣଙ୍କୁ ୪୦ରୁ ୫୦ ହଜାର ଟଙ୍କା ଖର୍ଚ୍ଚ କରିବାକୁ ପଡ଼ିବ, ଦିନରେ ଲଣ୍ଠନ ଦେଖାଉଛି ବିଜେପି ବୋଲି ସେ କହିଥିଲେ l
