ଭୁବନେଶ୍ୱର : ବିଜେଡି ସଭାପତି ନବୀନ ପଟ୍ଟନାୟକ ଆଜି ସନ୍ଧ୍ୟାରେ ୧୫ ଜଣ ବରିଷ୍ଠ ସାଧାରଣ ସମ୍ପାଦକ ପଦରେ ନିଯୁକ୍ତ କରିଛନ୍ତି। ଦଳର ୧୫ ଜଣ ବରିଷ୍ଠ ନେତାଙ୍କ ଦଳ ସୁପ୍ରିମ ଏହି ଦାୟିତ୍ୱ ନ୍ୟସ୍ଥ କରିଛନ୍ତି।କିଛି ଦିନ ପୂର୍ବରୁ ମଧ୍ୟ ଦଳକୁ ମଜବୁତ କରିବା ପାଇଁ ବରିଷ୍ଠ ଉପସଭାପତି ଓ ଉପସଭାପତି ନିଯୁକ୍ତ କରାଯାଇଥିଲା। ଆଜିର ବରିଷ୍ଠ ସାଧାରଣ ସମ୍ପାଦକ ବିଜେଡି ପକ୍ଷରୁ ବିଜ୍ଞପ୍ତି ଜାରି ହୋଇଛି ।
ନୃସିଂହ ସାହୁଙ୍କୁ ଆଂଚଳିକ ଉନ୍ନୟନ ଦାୟିତ୍ୱ ଦିଆଯାଇଛି । ସେହିପରି ଅଶୋକ ଚନ୍ଦ୍ର ପଣ୍ଡା , କଳିକେଶ ନାରାୟଣ ସିଂଦେଓ, ପ୍ରିତିରଂଜନ ଘଡାଇଙ୍କୁ ସାମାଜିକ କଲ୍ୟାଣ ଦାୟିତ୍ୱ ଦିଆଯାଇଛି । ଅରୁଣ କୁମାର ସାହୁ ଏବଂ ରୋହିତ ପୁଜାରୀଙ୍କୁ କଳା, ସଂସ୍କୃତି ଓ ମାନବ ସମ୍ବଳ ଦାୟିତ୍ୱ ଦିଆଯାଇଛି । ସେହିପରି ଅତନୁ ସବ୍ୟସାଚୀ ନାୟକଙ୍କୁ ଓଡିଶା ମୋ ପରିବାର, ରବି ନନ୍ଦ ଏବଂ ରାଜେନ୍ଦ୍ର ଢେ଼ାଲକିଆଙ୍କୁ ପରିବେଶ, ପ୍ରତାପ ଜେନା ଓ ନବ କିଶୋର ଦାସଙ୍କୁ ସଶକ୍ତ ଓଡ଼ିଶା ଦାୟିତ୍ୱ ମିଳିଛି ।ସେହିପରି ରମେଶ ମାଝି ଓ ସରୋଜିନି ହେମ୍ବ୍ରମଙ୍କୁ ଆଦିବାସୀ ଓ ସଂଖ୍ୟାଲଘୁ ବ୍ୟାପାର, ଶଶି ଭୂଷଣ ବେହେରାଙ୍କୁ ମହିଳା ସଶକ୍ତିକରଣ ଓ ଅନୁସୂଚିତ ଜାତି କଲ୍ୟାଣ ଏବଂ ସୁମିତ୍ରା ଜେନାଙ୍କୁ ମହିଳା ସଶକ୍ତିକରଣ ବ୍ୟାପାର ଦାୟିତ୍ୱ ଦିଆଯାଇଛି ।
