ଯାଜପୁର : ମୋ ଉପକାରୀ ବଗିଚା ଯୋଜନା ଯାଜପୁରରେ ସଫଳତା ସହ କାର୍ଯ୍ୟକାରୀ ହୋଇଛି । ବିଶେଷକରି ଯାଜପୁର ବ୍ଲକର ବିଭିନ୍ନ ପଂଚାୟତରେ ଏହି ଯୋଜନା ସଫଳତାର ସହ ଆଗେଇ ଚାଲିଛି । ଜିଲ୍ଲା ପ୍ରଶାସନ ସହିତ ଯାଜପୁରର ଯୁବ ନେତା ତଥା ପୂର୍ବତନ ପୌର ପରିଷଦ ଅଧ୍ୟକ୍ଷ ଭବ ପ୍ରସାଦ ଦାସ ଏଥିଲାଗି ଜୋରଦାର ଅଣ୍ଟା ଭିଡ଼ିଛନ୍ତି । ଯାଜପୁରର ୧୦ଟି ବ୍ଲକରେ ପ୍ରଶାସନ ଏହି କାର୍ଯ୍ୟକ୍ରମ ଜୋରଦାର କରିଥିବା ବେଳେ ଯାଜପୁର ବ୍ଲକରେ ସର୍ବାଧିକ ଚାଷୀ ଏହି ଯୋଜନାରେ ସାମିଲ ହୋଇଛନ୍ତି । ଯାହା ସମ୍ଭବ ହୋଇପାରିଛି ଜିଲ୍ଲା ପ୍ରଶାସନର ଭିଜନ ଓ ଯାଜପୁର ଯୁବନେତା ଭବ ପ୍ରସାଦ ଦାସଙ୍କ ଉଦ୍ୟମ ଯୋଗୁଁ । ପ୍ରଥମ ପର୍ଯ୍ୟାୟରେ ଯାଜପୁର ବ୍ଲକରେ ୧୦ହଜାର ଚାଷୀଙ୍କୁୂ ମୋ ବଗିଚାରେ ଯୋଜନାରେ ସାମିଲ କରାଯିବ । ଏହି ଯୋଜନା ମାଧ୍ୟମରେ ପ୍ରତ୍ୟେକ ହିତାଧିକାରୀକୁ ସାର, ବିହନ, ଓ ଆର୍ଥକ ସାହାର୍ଯ୍ୟ ଯୋଗାଇ ଦିଆଯାଇଛି । ଯାହାର ସିଧା ଲାଭ ପାଉଛନ୍ତି ହିତାଧିକାରୀ ମାନେ । କ୍ଷତିଗ୍ରସ୍ତ ଚାଷୀଙ୍କ ପାଇଁ ରାଜ୍ୟ ସରକାର ଆରମ୍ଭ କରିଥିବା ମୋ ବଗିବା ଉପକାରୀ ଯୋଜନା ଯାଜପୁରରେ ଯେପରି ସଫଳତାର ସହ ଚାଲିଛି ତାହା ଓଡ଼ିଶାର ଅନ୍ୟ ଜିଲ୍ଲାପାଇଁ ଉଦାହରଣ ସାଜିଛି । ବୈଜ୍ଞାନିକ ଓ ଅଣପାରମ୍ପାରିକ ଭାବେ କରାଯାଉଥିବା ପରିବା ଚାଷ କରି ଚାଷୀ ବି ବେଶ ଖୁସ । ଏହି ଯୋଜନା ସଫଳତାର ସହ ଯାଜପୁର ବ୍ଲକରେ ଚାଲୁଥିବାରୁ ଯାହାର ସିଧା ସଳଖ ଫାଇଦା ପାଉଛନ୍ତି ସ୍ଥାନୀୟ ଲୋକେ । ଘର ପାଖରେ ତଟକା ପରିବା ପାଇବା ସହ ସ୍ଥାନୀୟ ଚାଷୀର ଆର୍ଥକ ମେରୁଦଣ୍ଡ ବି ସୁଦୃଢ ହେଉଛି ।
ଯାଜପୁର ବ୍ଲକକୁ ରାଜ୍ୟର ଏକ ନମ୍ବର ବ୍ଲକ କରିବା ଲକ୍ଷ୍ୟରେ ଦିନରାତି ଏକ କରି ଯୁବନେତା ଭବ ପ୍ରସାଦ ଦାସ ବିଭିନ୍ନ କାର୍ଯ୍ୟକ୍ରମରେ ନିଜେ ସାମିଲ ହୋଇ ଲୋକଙ୍କ ସୁଖ ଦୁଃଖର ସାଥି ହେଉଛନ୍ତି ।
ବିଶେଷକରି ରାଜ୍ୟ ସରାକର ଯେଉଁସବୁ ଯୋଜନା କରୁଛନ୍ତି ତାହାର ଲାଭ କିପରି ଲୋକେ ସହଜରେ ପାଇପାରିବେ ତାହା ଉପରେ ସେ ଫୋକସ କରିଛନ୍ତି । ଯାଜପୁର ବିଧାୟକ ତଥା ବିଜେଡ଼ି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଦିଗ ଦର୍ଶନରେ ଯୁବ ନେତା ଭବ ପ୍ରସାଦ ଯାଜପୁର ନିର୍ବାଚନୀ ମଣ୍ଡଳୀରେ ଏହି ସବୁ କାର୍ଯ୍ୟକୁ ଜୋରଦାର କରିଛନ୍ତି । 
ସେହିପରି ଯାଜପୁର ସବୁଜିମା ଅଭିଯାନକୁ ସଫଳ କରିବା ପାଇଁ ଜୋରଦାର ଉଦ୍ୟମ କରିଛନ୍ତି । ଅଶୋକ ଦାସ ଫାଉଣ୍ଡେସନ ପକ୍ଷରୁ ବିଧାୟକ ଗୋଟିଏ ଲକ୍ଷ –କୋଟିଏ ଗଛ ସ୍ୱପ୍ନକୁ ବି ଯାଜପୁର, ଦଶରଥ ପୁର ଓ ଯାଜପୁରର ପୌର ପରିଷଦରେ ସଫଳତାର ସହ ଅଭିଯାନ କରାଯାଉଛି । ଜିଲ୍ଳା ପ୍ରଶାସନ ସହ ଯାଜପୁରବାସୀଙ୍କ ସହଯୋଗରେ ଭବ ଏସବୁ କାର୍ଯ୍ୟକୁ ସଫଳତାର ସହ ତୁଲାଉଛନ୍ତି । ପ୍ରତ୍ୟେକ ସପ୍ତାହରେ ବିଧାୟକ ପ୍ରଣବ ପ୍ରକାଶ ଦାସ ଏହିସବୁ କାର୍ଯ୍ୟକ୍ରମର ସମୀକ୍ଷା କରିବା ସହ ନିଜେ ମଧ୍ୟ ଗ୍ରାଉଣ୍ଡକୁ ଯାଇ ସ୍ଥିତି ପରଖୁଛନ୍ତି । ନୂତନ ଯାଜପୁର ସହ ମୁଖ୍ୟମନ୍ତ୍ରୀ ନୂଆ ଓଡ଼ିଶାର ସ୍ୱପ୍ନର ସମସ୍ତ ସୋପନ ଯେମିତି ଜିଲ୍ଳାରେ ସଫଳତାର ସହ ଚାଲିବ ସେଥିଲାଗି ଦିନରାତି ଏକ କରି କାମ କରୁଛନ୍ତି ଭବ ।
