ଅଢେଇ ବର୍ଷ ଧରୀ ଅଦୃଶ୍ୟ ଶକ୍ତି ସହ ଲଢି ଶେଷରେ ବିଜୟ ଆଡକୁ ମୁହାଁଇଲାଣି ପୁରା ବିଶ୍ଵ l ସ୍ୱଭାବିକ ହେଉଛି ଜୀବନ ଯାତ୍ରା l ତାହାରି ଭିତରେ କେତେ ଗବେଷଣା ଆଉ କେତେ ଭବିଷ୍ୟତବାଣୀ l ତଥାପି ଦୂର ହୋଇଛି ଭୟ , ହଟିଛି କଟକଣା l ଯେମିତି ପୁଣି ଥରେ ମିଳିଛି ନୂଆ ଜୀବନ l ବଣ୍ଟି ବଜାରକୁ ବାହାରି ଥାଏ l ଦେଖିଲା ପଡୋଶୀ ଘରର ଝିଅ ଚିକି ପୁରା ପିନପିନ ହୋଇ କୁଆଡେ ବାହିରିଛି l ନୂଆ ଡ୍ରେସ୍ ସହ ଓଠରେ ବୋଳି ହୋଇପଡିଛି ଅଢେଇ ବର୍ଷରେ ଷ୍ଟ୍ରକ ହୋଇ ଥିବା ଲିପଷ୍ଟିକ୍ l ଠିକ୍ ଏତିକି ବେଳେ ବଣ୍ଟିର ବାପା କହିଲେ ଆରେ ବଜାରକୁ ଯାଉଛୁ ମାସ୍କ ପିନ୍ଧିକି ଯାଆ, ବଣ୍ଟି କହିଲା ବାପା ଏବେ ପା କରୋନା ଆଉ ନାହିଁ l ଧୀରେ ଧୀରେ ସବୁ ସ୍ବଭାବିକ ହେଲାଣି l
ଏତିକି କଥା କହି ବଣ୍ଟି ବଜାରକୁ ଚାଲିଲା l ହ ସତ କଥା , କରୋନା ମହାମାରୀ ଅଢେଇ ବର୍ଷ ହେବ ପୁରା ବିଶ୍ୱକୁ କବଳିତ କରିଥିଲା l କିଏ କେତେ ପ୍ରିୟଜନକୁ ହରାଇଛନ୍ତି l ଅକାଳରେ ଅନେକଙ୍କ ଜୀବନ ବି ଯାଇଛି l ଅନେକ ପରିବାର ଛାର କାର ହୋଇଛି, ଅନେକ ବାପାମାଆ ହରାଇଛନ୍ତି l କେବଳ ଜୀବନ ନୁହେଁ , ଜୀବିକା ଉପରେ ମଧ୍ୟ ବହୁତ ପ୍ରଭାବ ପକାଇଛି ମହାମାରୀ କରୋନା l ବିଶ୍ୱର ଆର୍ଥିକ ପରିସ୍ଥିତି ବି ଦୋହଲାଇ ଦେଇଛି l ପ୍ରତି ପରିବାର ବି ଆର୍ଥିକ ମେରୁଦଣ୍ଡକୁ ଭାଙ୍ଗିଦେଇଛି ମହାମାରୀ l ସବୁ କ୍ଷେତ୍ରରେ ଲାଗିଛି ଝଟକା l ଭୟ, ପାଖେପାଖେ ମୃତ୍ୟୁ , ଶୂନଶାନ ଓ ଘରର ଚାରି କାନ୍ଥ ଭିତରେ ଜୀବନ କଟିଛି l ମଣିଷ , ଜୀବଜନ୍ତୁଙ୍କୁ ଛାଡ଼ନ୍ତୁ ଖୋଦ୍ ଭଗବାନ ଙ୍କ ଦୁଆର ବି ବନ୍ଦ ହୋଇଯାଇଥିଲା ମହାମାରୀ ପ୍ରଭାବରେ l ଲକଡାଉନ୍, ସଟ ଡାଉନ୍, ନେଗେଟିଭି, ପଜେଟିଭି ଶବ୍ଦ ଛଡ଼ା କାନକୁ ଯେମିତି କିଛି ଶୁଭୁ ନଥିଲା l ଗାଆଁ , ସହରରେ ସବୁଠି ଛୁଆଁ , ଅଛୁଆଁ ଭେଦଭାବ ଶୀର୍ଷରେ ଥିଲା l ମଣିଷ ମଣିଷକୁ ଡରୁଥିଲା l ବାପା ଶବକୁ ପୁଅ କାନ୍ଦ ଦେଇପାରୁନଥିଲା , ମା ଜନ୍ମ କଲା ସନ୍ତାନକୁ କ୍ଷୀର ପିଆଇ ପାରୁନଥିଲା l ଏମିତି କେତେ କଣ ନୂଆ ଘଟଣା ଘଟି ଚାଲିଥିଲା l ସବୁ ଯେମିତି ଇତିହାସରେ ଲେଖିବା ପାଇଁ ତିଆରି ହୋଇଥିଲା l ତାହାରି ଭିତରେ ହିଁ ସଂଘର୍ଷ କରି ଆଜି ବିଜୟ ହୋଇଛି ବିଶ୍ୱ l ଫେରିଛି ଖୁସି l ସ୍ବଭାବିକ ହୋଇଛି ଜୀବନ ଯାତ୍ରା l କରୋନା ଥିଲେ ବି ଭୟ ନାହିଁ l କଟକଣା ହଟିଛି l ଏମିତି ସ୍ଵଭାବିକ ସ୍ଥିତି ଦେଖି ବଣ୍ଟିର ମନେ ପଡ଼ିଛି ତା ଜେଜେ ବାପାଙ୍କର କଥା l କରୋନା ସମୟରେ ତା ଜେଜେ କହୁଥିଲେ ଏ ସମୟ ଦିନେ ଚାଲିଯିବ l ସବୁ ଠିକ୍ ହୋଇଯିବ l ଏକଥା ଭାବିଭାବି ବଣ୍ଟି ଆଖିରୁ ଲୁହ ଝରିଯାଇଛି l କାରଣ ସେହି କରୋନା ମହାମାରୀରେ ଆକ୍ରାନ୍ତ ହୋଇ ଚିକିତ୍ସିତ ଅବସ୍ଥାରେ ତା ଜେଜେଙ୍କର ଜୀବନ ଯାଇଛି l ଆଜି ଜେଜେ କଥା ସିନା ସତ ହୋଇଛି, ହେଲେ ଜେଜେ କିନ୍ତୁ ସେସବୁ ଦେଖିବା ପାଇଁ ନାହିଁ l
ହଁ ସତରେ ଜୀବନ ଟା ଏମିତି ଅଙ୍କାବଙ୍କା ରାସ୍ତା l ଚକ୍ ଚକ୍ ରାସ୍ତାରେ ଗଲା ବେଲେ କେତେବେଳେ ରାସ୍ତା ପ୍ରିଡ ମାଗିବ ତ କେତେବେଳେ ଆପେ ଆପେ ଗାଡି ରହିଯିବ ରାସ୍ତାରେ l ତାହାରି ଭିତରେ ବି ଘାଟି ପଡ଼ିବ, ଆଉ ଖାଲ ବି l ବେଳେବେଳେ ସେହି ରାସ୍ତା କାହାର ଜୀବନ ନେବ ତ କାହାକୁ ବଞ୍ଚିବାର ପାଇଁ ନୂଆ ରାସ୍ତା ଦେଖାଇବ l କାରଣ କରୋନା ମହାମାରୀ ଯେତିକି ଦୁଃଖ ଦେଇଛି ଜୀବନକୁ ସେତିକି ଶିକ୍ଷା ବି ଦେଇଛି l ନେହେଲେ କଣ ବଣ୍ଟି ଆଉ ପଡିଶା ଘର ଝିଅ ଚିକି ଏମିତି ସ୍ବଭାବିକ ଭାବେ ବଜାରକୁ ନିଜ୍ ନିଜ ଇଚ୍ଛାରେ ଯାଇପାରିଥାନ୍ତେ ……..
