() ନୂଆ ଓଡ଼ିଶା ଗଠନ ହେବ । ସବୁ କ୍ଷେତ୍ରରେ ଓଡ଼ିଶା ପୁରା ଦେଶକୁ ବାଟଦେଖାଇବ । ହକି, ସ୍ମାର୍ଟ ହେଲର୍ଥ କାର୍ଡ଼, କାଳିଆ, ମମତା ଯୋଜନା ଠାରୁ ଆରମ୍ଭ କରି ପ୍ରାକୃତିକ ବିପର୍ଯ୍ୟୟ ଓ ମହାମାରୀର ସଫଳ ମୁକାବିଲାରେ ସାରା ଦେଶ ଏବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ତାଙ୍କ ଟିମକୁ ପ୍ରଶଂସା କରୁଛନ୍ତି । 
ଦକ୍ଷ ନେତୃତ୍ୱ ଓ ଦକ୍ଷ ପ୍ରଶାସନିକ କଳ ଯୋଗୁଁ ଏସବୁ ସମ୍ଭବ ହୋଇପାରିଛି । ଯାହା ନୂଆ ଓଡ଼ିଶା ଗଠନର ମୂଳଦୁଆ । ସାଢେ ଚାରିକୋଟି ଓଡ଼ିଆ ଏହି ନୂଆ ଓଡ଼ିଶା ଗଠନର ଜଣେ ଜଣେ ବିନ୍ଧାଣୀ ବୋଲି ନବୀନ ବାରମ୍ବାର କହୁଛନ୍ତି । ତୃଣମୂଳସ୍ତରରୁ ଲୋକେ ଏହି ନୀତି ଓ ଆଦର୍ଶରେ ଅନୁପ୍ରାଣିତ ହେଲେଣୀ । ଯାହା ଏବେ ବିଜେଡ଼ିର ଶକ୍ତି ବୃଦ୍ଧି କରୁଛି ତୃଣମୂଳସ୍ତରୁ । ନବୀନଙ୍କ ନୂଆ ଓଡ଼ିଶା ଗଠନର ସାରଥି ସାଜିଛନ୍ତି ବିଜେଡ଼ି ସାଂଗଠନିକ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ(ବବି) ।
ନବୀନଙ୍କ ନୀତି, ଆଦର୍ଶ ଓ ପ୍ରଣବଙ୍କ ସାଂଗଠନିକ ଦକ୍ଷତାରେ ଆକର୍ଷିତ ହୋଇ ବିରୋଧୀ କ୍ୟାମ୍ପରୁ ପ୍ରତ୍ୟେକ ଦିନ ନେତା ଓ କର୍ମୀ ବିଜେଡ଼ିରେ ସାମିଲ ହେଉଛନ୍ତି । ବିଜେଡ଼ି ସାଂଗଠନିକ ସମ୍ପାଦକ ସେମାନଙ୍କୁ ଦଳରେ ସାମିଲ କରି ମୁଖ୍ୟମନ୍ତ୍ରୀ ନୂଆ ଓଡ଼ିଶା ଗଠନର ସ୍ୱପ୍ନ ଓ ଦଳର ସଂଗଠନ କିପରି ଲୋକଙ୍କ ସେବାରେ ସବୁବେଳେ ସମର୍ପିତ ସେ କଥା ବି ବୁଝାଉଛନ୍ତି । ଫଳରେ ବିରୋଧୀ ବିଜେପି , କଂଗ୍ରେସ, ଝାଡ଼ଖଣ୍ଡ ମୁକ୍ତ୍ମୋର୍ଚ୍ଚା, ବାମଦଳରୁ ଆସୁଥିବା ନେତାମାନେ ପଦବୀ ମୋହ ଛାଡ଼ି ଛୋଟକର୍ମୀ ହୋଇ ଦଳରେ କାମ କରିବାକୁ ଆଗ୍ରହ ପ୍ରକାଶ କରୁଛନ୍ତି ।
ନବୀନ ଓ ପ୍ରଣବଙ୍କ ନୀତିରେ ଓ କାର୍ଯ୍ୟଶୈଳୀରେ ଏତେ ମାତ୍ରାରେ ବିରୋଧୀ ନେତାମାନେ ପ୍ରଭାବିତ ହେଉଛନ୍ତି ଯେ ରାଜନୀତି ଯେ ପଦ ପଦବୀ ବିନା କରିହୁଏ ତାହା ଭଲଭାବରେ ବୁଝିଯାଉଛନ୍ତି । ଏକଥା ସତ ଯେ ବିଜେଡ଼ି ସବୁବେଳେ ନୂଆ ପିଢି ଓ ନୂଆ ଲୋକଙ୍କୁ ଦଳରେ ଗୁରୁତ୍ୱ ଦିଏ । ପୁରୁଣା କର୍ମୀଙ୍କ ଦବଦବା ବି ଅଧିକ । ଯିଏ ସ୍ୱାର୍ଥ ଭୂଲି ଦଳ ପାଇଁ କାମ କରେ ନବୀନ ତାକୁ ଦିନେ ନା ଦିନେ ପୁରସ୍କାର ଦିଅନ୍ତି । ଏହାର ଅନେକ ଉଦାହରଣ ମଧ୍ୟ ରହିଛି । ସେ ଉପାନ୍ତ ଅଂଚଳ ଜୟପୁର, କୋଟପାଟ ହେଉ ଅବା ଓଡ଼ିଶାର ସବୁଠାରୁ ବଡ଼ ଜିଲ୍ଲା ମୟୁରଭଞ୍ଜ ।
ସବୁଠି ବିରୋଧୀ ଦୁର୍ଗକୁ ସାଂଗଠନିକ ଦକ୍ଷତା ଓ ଚତୁର ରାଜନୈତିକ ଗୋଟି ଚାଳନରେ ଭାଙ୍ଗି ଛନ୍ତି ବବି । ମୟୁରଭଞ୍ଜରେ ଝାଡ଼ଖଣ୍ଡ ମୁକ୍ତିମୋର୍ଚ୍ଚାକୁ ବବି ବିଲୟ କରିଥିବା ବେଳେ ଅନେକ ଜିଲ୍ଲାରେ ବିଜେପି ଓ କଂଗ୍ରେସ ସଂଗଠନକୁ ଦୁର୍ବଳ କରିଛନ୍ତି । ଯାହା ପ୍ରତ୍ୟେକ ଦିନ ଭୁବନେଶ୍ୱରେ ବିଭିନ୍ନ ଜିଲ୍ଲାରୁ ବିରୋଧୀ ସଦସ୍ୟ ଆସି ବିଜେଡ଼ିରେ ସାମିଲ ହେବାରୁ ସ୍ପଷ୍ଟ ପ୍ରମାଣ ମିଳୁଛି । 
ବିଜେଡ଼ିର ଏହି ମିଶ୍ରଣ ପର୍ବ ଦଳକୁ ତୃଣମୂଳ ସ୍ତରରେ ଅଧିକ ସଂଗଠିତ କରିବା ସହ ଗାଁ ଗାଁରେ ଏବେ ବିଜେଡ଼ି ସୁନାମୀ ବୋହିଲାଣୀ । ରାଜନୈତିକ ସମୀକ୍ଷକଙ୍କ କହିବା କଥା ହେଉଛି ବିଜେଡ଼ି ଏବେ ରାଜନୈତିକ ଦଳ ନୁହେଁ, ବଂର ଜନ ଆନ୍ଦୋଳନରେ ପରିଣତ ହୋଇଛି । 
ପଂଚାୟତ ଓ ପୌର ନିିର୍ବାଚନ ପୂର୍ବରୁ ନବୀନ ନେତୃତ୍ୱ ଓ ପ୍ରଣବଙ୍କ ସାଂଗଠନିକ ଦକ୍ଷତା ଅନ୍ୟଦଳର ନେତାଙ୍କୁ ଆକର୍ଷିତ କରିଛି । ଫଳରେ ବିରୋଧୀ କ୍ୟାମ୍ପରୁ ଯୁବ,ବରିଷ୍ଠ, ଛାତ୍ରମାନେ ଏବେ ବିଜେଡ଼ି ମୁହାଁ ହୋଇଛନ୍ତି । ଯାହା ବିରୋଧୀଙ୍କୁ ଚିନ୍ତାରେ ପକାଇଛି ଓ ବିଜେଡ଼ିକୁ ଅଧିକ ବଳ ଦେଇଛି ।
