ନୂଆଦିଲ୍ଲୀ : ଆସନ୍ତା ଅଗଷ୍ଟ ୧ ତାରିଖରୁ ଦେଶରେ ଲାଗୁହେବ ଅନଲକ୍ ୩.୦। ଏନେଇ ଆଜି କେନ୍ଦ୍ର ଗୃହମନ୍ତ୍ରଣାଳୟ ତରଫରୁ ନୂତନ ଗାଇଡ଼ ଲାଇନ ଜାରି କରାଯାଇଛି। ଏଥରର ନିୟମରେ କିଛି କୋହଳ କରିଛନ୍ତି କେନ୍ଦ୍ର ସରକାର। ହେଲେ ଏହା କଣ୍ଟେନମେଣ୍ଟ୍ ଜୋନରେ ଲାଗୁହେବ ନାହିଁ। ତେବେ ସବୁଠାରୁ ବଡ଼ କଥା ହେଉଛି ଲକ୍ ଡାଉନ ୩.୦ ରେ ରାତ୍ରି କାଳୀନ କର୍ଫ୍ୟୁକୁ ଉଠେଇ ଦିଆଯାଇଛି। ମାନେ ଏଥର ରାତିରେ ଲୋକମାନେ ଯାତାୟାତ କରିପାରିବେ। ସେହିପରି ଜିମ ଓ ଯୋଗ ଶିକ୍ଷାକେନ୍ଦ୍ରକୁ ଖୋଲିବାକୁ ଅନୁମତି ମିଳିଛି। ଅଗଷ୍ଟ ୫ ତାରିଖରୁ ଏସବୁ ଖୋଲା ଯାଇପାରିବ। ହେଲେ ଏଥିପାଇଁ କେନ୍ଦ୍ର ସରକାରଙ୍କର ଏସଓପିକୁ ମାନିବାକୁ ପଡିବ ବୋଲି ଗୃହ ବିଭାଗ ସ୍ପଷ୍ଟ କରିଛି।ତେବେ ପୂର୍ବ ପରି ସାମାଜିକ ଦୂରତା ଓ ମାସ୍କ ପରିଧାନ ବାଧ୍ୟତାମୂଳକ କରାଯାଇଛି।
ତେବେ ଏଥର ମଧ୍ୟ କିଛି ଜରୁରୀ ବ୍ୟବସ୍ଥାକୁ ମଧ୍ୟ ଅନୁମତି ମିଳିନାହିଁ । ଆସନ୍ତୁ ଜାଣିବା ସେ ସବୁ କଣ
୧-ସିନେମା ହଲ୍,ସୁଇମିଂ ପୁଲ୍,ମନୋରଂଜନ ପାର୍କ,ବାର ମଧ୍ୟ ଖୋଲିବ ନାହିଁ।
୨-ଧର୍ମୀୟ ଆୟୋଜନକୁ ମଧ୍ୟ ଅନୁମତି ନାହିଁ।
୩-ମେଟ୍ରୋ,ଟ୍ରେନ୍ ଓ ସିନେମା ଅନଲକ୍ ୩ କାଳରେ ଖୋଲିବ ନାହିଁ।
୪-ରାଜନୈତିକ ଦଳ ରାଲି କିମ୍ବା ସଭା କରିପାରିବେ ନାହି।
୫-ସ୍କୁଲ,କଲେଜ ଅଗଷ୍ଟ ୩୧ ତାରିଖ ପର୍ଯ୍ୟନ୍ତ ବନ୍ଦ ରହିବ।
୬-ଧର୍ମୀୟ ଆୟୋଜନକୁ ଅନୁମତି ମିଳି ନାହିଁ।
