() ଭାରତୀୟ ସଂସ୍କୃତି ଓ ଓଡ଼ିଆ ସଂସ୍କୃତି ପରମ୍ପରାରେ ଅଛି ଯେ ଜଣେ ଲୋକଙ୍କ ଭଲ ସ୍ୱାସ୍ଥ୍ୟ ପାଇଁ ଆମେ ଭଗବାନଙ୍କ ପାଖରେ ପ୍ରାର୍ଥନା କରୁ। ହେଲେ ଜଣେ ଲୋକ ଯେଉଁଠି ସୁସ୍ଥ ଅଛନ୍ତି, କ୍ୟାବିନେଟ ମିଟିଂକୁ ଭରଚୁଆଲରେ ଆସୁଛନ୍ତି, ତାଙ୍କ ସ୍ୱାସ୍ଥ୍ୟକୁ ନେଇ କଳ୍ପନା ବାହାରେ ଗୁଜବ କରୁଥିବା ଲୋକଙ୍କୁ ଇତିହାସ କେବେ କ୍ଷମା ଦେବନି। ଓଡ଼ିଶା ଜନସାଧାରଣ ବି କେବେ କ୍ଷମା ଦେବେନି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓଡ଼ିଶା ଜନସାଧାରଣଙ୍କ ହୃଦୟରେ ଅଛନ୍ତି। ସାଢ଼େ ଚାରି କୋଟି ଲୋକ ତାଙ୍କୁ ଏତେ ଭଲ ପାଉଛନ୍ତି ଯେ ପାଞ୍ଚ ଥର ମୁଖ୍ୟମନ୍ତ୍ରୀ କରିଛନ୍ତି। ମୁଖ୍ୟମନ୍ତ୍ରୀ ବି ଲୋକଙ୍କ କଲ୍ୟାଣ ପାଇଁ ଅନେକ ଯୋଜନା କରିଛନ୍ତି। ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା କରିଛନ୍ତି। ଲୋକଙ୍କ ସ୍ୱାସ୍ଥ୍ୟ ଭଲ ପାଇଁ ଏହି ଯୋଜନା। ବିରୋଧୀ ତ କିଛି କରି ନାହାନ୍ତି ଲୋକଙ୍କ ପାଇଁ। ହେଲେ ମୁଖ୍ୟମନ୍ତ୍ରୀଙ୍କ ସ୍ୱାସ୍ଥ୍ୟକୁ ନେଇ ଗୁଜବ କରୁଛନ୍ତି। ମୁଖ୍ୟମନ୍ତ୍ରୀ ଲୋକଙ୍କ କଥା ଚିନ୍ତା କରୁଛନ୍ତି। ବହୁଜନ ସୁଖାୟ ବହୁଜନ ହିତାୟ କଥା ମୁଖ୍ୟମନ୍ତ୍ରୀ ଚିନ୍ତା କରୁଥିବାବେଳେ ତାଙ୍କ ସ୍ୱାସ୍ଥ୍ୟକୁ ନେଇ ଯେଉଁମାନେ ବିଭ୍ରାନ୍ତି କରୁଛନ୍ତି, ତାଙ୍କୁ ଓଡ଼ିଶାବାସୀ କେବେ କ୍ଷମା ଦେବେନି। ଏହା ନିନ୍ଦନୀୟ ଓ ଆମ ସଂସ୍କୃତି ପରିପନ୍ଥୀ। ଏହା ରାଜନୈତିକ ଷଡ଼ଯନ୍ତ୍ର।
ଅଶୋକ ଚନ୍ଦ୍ର ପଣ୍ଡା
ବିଜ୍ଞାନ ଓ କାରିଗରୀ ମନ୍ତ୍ରୀ
