ରିଆମାଳ : ରିଆମାଳ ବ୍ଲକ ଅନ୍ତର୍ଗତ ଛତାବର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଜି ବ୍ରଜରାଜନଗର ବାସୁ ଫାଉଣ୍ଡେସନ ପକ୍ଷରୁ ଓୟୁଜେ ଦେବଗଡ ଜିଲ୍ଲା ସାମ୍ବାଦିକ ୟୁନିୟନ ଓ ରିଆମାଳ ବ୍ଲକ ୟୁନିଟ ର ମିଳିତ ସହାୟତା ରେ ଏକ ଅକ୍ସିଜେନ କନସେଷ୍ଟ୍ରେଟର ପ୍ରଦାନ କରାଯାଇଅଛି ।, ସ୍ୱାସ୍ଥ୍ୟ କେନ୍ଦ୍ର ର ଡାକ୍ତର ସଞ୍ଜୟ କୁମାର ପାଣିଙ୍କୁ ଏହି ଅକ୍ସିଜେନ କନସେଷ୍ଟ୍ରେଟର ପ୍ରଦାନ କରାଯାଇଥିଲା । ଓଡିଶା ସାମ୍ବାଦିକ ୟୁନିୟନ ର ରାଜ୍ୟ ସାଧାରଣ ସଂପାଦକ ଅଶୋକ କୁମାର ନନ୍ଦ ଉପସ୍ଥିତ ରହି କରୋନା ମହାମାରୀ ସମୟରେ ବାସୁ ଫାଉଣ୍ଡେସନ ସହାୟତାର ହାତ ବଢାଇଥିବାରୁ ବାସୁ ଫାଉଣ୍ଡେସନକୁ ଧନ୍ୟବାଦ ଅର୍ପଣ କରିଥିଲେ ।ସେହିପରି ସାମ୍ବାଦିକ ସଦ୍ଧେଶ୍ୱର ଗୁରୁ ଉପସ୍ଥିତ ରହି ଉକ୍ତ ମେସିନ ଉପଯୋଗ ପାଇଁ ଚିକିତ୍ସା ଅଧିକାରୀଙ୍କୁ ଅନୁରୋଧ କରିଥିଲେ ଏବଂ ସାମ୍ବାଦିକ ବ୍ରିଜେଶ ରଞ୍ଜନ ସାହୁ ଧନ୍ୟବାଦ ଅର୍ପଣ କରିଥିଲେ ।। ବାସୁ ଫାଉଣ୍ଡେସନ ର ନିର୍ଦେଶକ ପ୍ରଶାନ୍ତ ପ୍ରଧାନ ଯୋଗ ଦେଇ ଆଗାମୀ ଦିନରେ ଅନ୍ୟାନ୍ୟ କେତେକ ଜିନିଷ ଜିଲ୍ଲା ସଙ୍ଘ କୁ ଯୋଗାଇ ଦିଆଯିବ ବୋଲି ପ୍ରକାଶ କରିଥିଲେ ।କାର୍ଯ୍ୟକ୍ରମ କୁ ସାମ୍ବାଦିକ ମନୋଜ କୁମାର ବେହେରା ସଂଯୋଜନା କରିଥିଲେ । ଅନ୍ୟମାନଙ୍କ ମଧ୍ୟରେ ସାମ୍ବାଦିକ ସତ୍ୟନାରାୟଣ ମିଶ୍ର,ସଞ୍ଜିବ କୁମାର ପାଣିଗ୍ରାହୀ,ପ୍ରଣବ କୁମାର ଦେବ,ଆର୍ତତ୍ରାଣ ପ୍ରଧାନ,ବିଜୟ କୁମାର ପ୍ରଧାନ,ପ୍ରଭାକର ପ୍ରଧାନ ପ୍ରମୂଖ ଉପସ୍ଥିତ ଥିଲେ ।ଏଠାରେ ସୂଚନାଯୋଗ୍ୟ ଯେ, ଓୟୁଜେ ର ପୂର୍ବତନ ଉପସଭାପତି ସ୍ବର୍ଗତ ବାସୁଦେବ ପଣ୍ଡା ଙ୍କ ନାମରେ ଗଠିତ ବାସୁ ଫାଉଣ୍ଡେସନ ର ମୁଖ୍ୟ ତଥା ତାଙ୍କର ପୁଅ ପ୍ରତ୍ୟୁଷ ପଣ୍ଡା ଏହା ଯୋଗାଇ ଦେଇଛନ୍ତି ।
