() ଥ୍ରି ପି – ସାମ୍ବାଦିକ ଙ୍କ ପେନସନ , ପ୍ରେଷ୍ଟିଜ୍ ଓ ପ୍ରୋଟେକସନ କୁ ନେଇ ଓୟୁଜେ ରାଜ ରାସ୍ତା କୁ ଓହ୍ଲାଇବ
ଓୟୁଜେ ର ରାଜ୍ୟ କାର୍ଯ୍ୟ କାରିଣୀ ବୈଠକ।
{}]ଥ୍ରୀ ପି – ସାମ୍ବାଦିକ ଙ୍କ ପାଇଁ ପେନସନ , ପ୍ରେଷ୍ଟିଜ୍ ଓ ପ୍ରୋଟେକସନ କୁ ନେଇ ଓୟୁଜେ ଆଗାମୀ ଦିନରେ ରାଜ ରାସ୍ତା କୁ ଓହ୍ଲାଇବ ବୋଲି ଆଜି ବଲାଙ୍ଗିର ଠାରେ ଅନୁଷ୍ଠିତ ରାଜ୍ୟ କାର୍ଯ୍ୟକାରିଣୀ ବୈଠକ ରେ ନିଷ୍ପତ୍ତି ନିଆଯାଇଛି। ଓୟୂଜେ ର ରାଜ୍ୟ ସଭାପତି ପ୍ରସନ୍ନ ମହାନ୍ତି ଙ୍କ ସଭାପତିତ୍ବ ଓ ସାଧାରଣ ସମ୍ପାଦକ ଅଶୋକ ନନ୍ଦ ଙ୍କ ସଂଯୋଜନା ରେ ଅନୁଷ୍ଠିତ ଏହି ଗୁରୁତ୍ବପୁର୍ଣ ବୈଠକରେ ଉପସ୍ଥିତ ସଦସ୍ୟ ମାନେ ନିଜ ନିଜ ମତ ରଖି ପ୍ରସନ୍ନ ମହାନ୍ତି ଙ୍କ ସୁଦୃଢ଼ ନେତୃତ୍ୱ କୁ ଆହୁରି ସୁଦୃଢ଼ କରିବା ସହ ଭାଇଚାରା ର ସଂଘ ଓୟୁଜେ କୁ ଆଗାମୀ ଦିନରେ ଆହୁରି କିଭଳି ସଂଗଠିତ କରାଯାଇ ପାରିବ ତା ଉପରେ ଆଲୋଚନା ହୋଇଥିଲା। ଏଥିରେ ଆଗାମୀ ଦିନରେ ଓଡ଼ିଶା ରାଜ୍ୟ ସରକାର ଙ୍କ ପାଖରେ ଥ୍ରି ପି – ସାମ୍ବାଦିକ ଙ୍କ ପେନସନ , ପ୍ରେଷ୍ଟିଜ୍ ଓ ପ୍ରୋଟେକସନ କୁ ନେଇ ଓୟୁଜେ ରାଜ ରାସ୍ତା କୁ ଓହ୍ଲାଇବ ବୋଲି ନିଷ୍ପତ୍ତି ନିଆଯାଇଥିଲା। ସଭାରେ ଏହାସହ ଡିସେମ୍ବର ୨୨ ରେ ହେବାକୁ ଥିବା ଆଗାମୀ ଦ୍ଵିବାର୍ଷିକ ନିର୍ବାଚନ ପାଇଁ ପ୍ରସ୍ତୁତି ପର୍ବ ଆରମ୍ଭ ହୋଇଥିଲା। ଏଥିରେ ବରିଷ୍ଠ ସଦସ୍ୟ ଙ୍କୁ ଅକ୍ଷୟ ସାହୁ ଙ୍କୁ ରାଜ୍ୟ ଦ୍ଵିବାର୍ଷିକ ନିର୍ବାଚନ ଅଧିକାରୀ ଏବଂ ଅନ୍ୟତମ ବରିଷ୍ଠ ସଦସ୍ୟ ପ୍ରଫୁଲ୍ଲ ମହାନ୍ତି ଙ୍କୁ ସହ ନିର୍ବାଚନ ଅଧିକାରୀ ଭାବରେ ମନୋନୀତ କରାଯାଇଥିଲା। ସେହିପରି ଓୟୁଜେ ପକ୍ଷରୁ ଆଜିଠାରୁ ଡିଜିଟାଲ ମିଡ଼ିଆ ରେ ତାଳ ଦେଇ ଚାଲିବା ସକାଶେ ସୋସିଆଲ ମିଡିଆ ସଂଯୋଜକ ଭାବରେ କିଶନ ରାଉତଙ୍କୁ ଦାୟିତ୍ଵ ଦାଇଆଗଲା। ସେହିପରି ସମସ୍ତ ଜିଲ୍ଲା ରେ ଜଣେ ଜଣେ ସୋସିଆଲ ମିଡିଆ ସଂଯୋଜକ ରହିବେ ବୋଲି ନିଷ୍ପତି ହୋଇଥିଲା। ସଭାରେ ଅନ୍ୟ ମାନଂକ ମଧ୍ୟରେ ଉପ ସଭାପତି ଦ୍ବୟ କିଶନ ରାଉତ ଓ ରାଜେଶ ପଟ୍ଟନାୟକ, ସମ୍ପାଦକ ପ୍ରସନ୍ନ ପାଇକରାଏ ଓ ସମର୍ଜିତ୍ ମହାନ୍ତି , କୋଷାଧ୍ୟକ୍ଷ ଅମୁଲ୍ୟ ସ୍ୱାଇଁ ମଞ୍ଚାସିନ ଥିଲେ। ଏହି ବୈଠକ ତିନୋଟି ପର୍ଯ୍ୟାୟ ରେ ଅନୁଷ୍ଠିତ ହୋଇଥିଲା। ପ୍ରଥମ ପର୍ଯ୍ୟାୟରେ କାର୍ଯ୍ୟକର୍ତ୍ତା ବୈଠକ ଦ୍ଵିତୀୟ ରେ ରାଜ୍ୟ କାର୍ଯ୍ୟକାରିଣୀ ଓ ତୃତୀୟ ପର୍ଯ୍ୟାୟ ରେ ରାଜ୍ୟ ର ଜିଲ୍ଲା ଗୁଡ଼ିକ ର ସାଂଗଠାନିକ ଆଲୋଚନା ହୋଇଥିଲା।
