ଭୁବନେଶ୍ୱର : ଓଡିଶା ସାମ୍ବାଦିକ ୟୁନିଅନ ର ପୂର୍ବତନ ସାଧାରଣ ସମ୍ପାଦକ ଅଶୋକ ନନ୍ଦ ଓୟୁଜେ ଟ୍ରିବୁନାଲ ର ଅଧ୍ୟକ୍ଷ ଭାବେ ମନୋନୀତ ହୋଇଛନ୍ତି l ଓୟୁଜେ ଭବନ ରେ ଶୁକ୍ରବାର ଦିନ ଅନୁଷ୍ଠିତ ନବ ନିର୍ବାଚିତ କର୍ମକର୍ତା ମାନଙ୍କ ପ୍ରଥମ ବୈଠକ ରେ ସଂଗଠନ କୁ ଅଧିକ କ୍ରିୟାଶୀଲ କରିବାଲାଗି ବରିଷ୍ଠ ସଦସ୍ୟ ମାନଙ୍କୁ ବିଭିନ୍ନ ଦାୟିତ୍ବ ନ୍ୟସ୍ତ କରାଯାଇଛି l କାର୍ଯ୍ୟାଳୟ ସମ୍ପାଦକ ଭାବେ ସୁଧାଂଶୁ ପରିଡା ଙ୍କୁ ମନୋନୀତ କରାଯାଇଥିଲା ବେଳେ କଲ୍ୟାଣ କମିଟି ର ଅଧ୍ୟକ୍ଷ ଭାବେ ବରିଷ୍ଠ ସଦସ୍ୟ ଆଚାର୍ଯ୍ୟ ବିଶ୍ୱରଂଜନ ଙ୍କୁ ମନୋନୀତ କରାଯାଇଛି l ସେହିପରି ଓୟୁଜେ ଲିଗାଲ ସେଲ ର ଅଧ୍ୟକ୍ଷ ସମରଜିତ ମହାନ୍ତି ଙ୍କୁ ଦାଇତ୍ବ ନ୍ୟସ୍ତ କରାଯାଇଛି l ସନ୍ତୋଷ କୁମାର ସିଂହ ଦେଓ ଙ୍କୁ ମୁଖ୍ୟ ମିଡ଼ିଆ ସଂଯୋଜକ ଭାବେ ମନୋନୀତ କରାଯାଇଛି l କୋରାପୁଟ ର ନବୀନ ଚନ୍ଦ୍ର ସାହୁ ଓ ଯାଜପୁର ର ଅରୁଣ ରାଉତରାୟ ରାଜ୍ୟକାର୍ଯ୍ୟକାରିଣୀ କୁ ସ୍ୱତନ୍ତ୍ର ନିମନ୍ତ୍ରିତ ସଦସ୍ୟ ଭାବେ ମନୋନୀତ କରାଗଲା l କର୍ମକର୍ତା ବୈଠକ ରେ ଗୃହୀତ ଏହି ନିଷ୍ପତି କୁ ଆଗାମୀ ରାଜ୍ୟ କାର୍ଯ୍ୟକାରିଣୀ ବୈଠକ ରେ ଅନୁମୋଦିତ କରାଯିବା ପାଇଁ ନିଷ୍ପତି କରାଗଲା l
