() ୨୦୨୩ ଡ଼ିସେମ୍ବର ମାସ ସୁଦ୍ଧା ପଦମପୁରକୁ ମିଳିବ ଜିଲ୍ଲାର ମାନ୍ୟତା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ କ୍ରୟାନୁଷ୍ଠାନ କମିଟିର ଆଲୋଚନା ପରେ ଏପରି ସୂଚନା ଦେଇଛନ୍ତି କମିଟିର ସଦସ୍ୟମାନେ । ପଦମପୁର ଉପଖଣ୍ଡକୁ ଜିଲ୍ଲା ମାନ୍ୟତା ଦେବା ପାଇଁ ମୁଖ୍ୟମନ୍ତ୍ରୀଙ୍କ ପ୍ରତିଶୃ୍ତି ମିଳିଛି ଓ ଆଚରଣ ବିଧି ଲାଗୁ ହୋଇଥିବାରୁ ଜିଲ୍ଲା ଘୋଷଣା ହୋଇପାରିନାହିଁ ବୋଲି କ୍ରୀୟାନୁଷ୍ଠାନ କମିଟିର ସଦସ୍ୟ କହିଛନ୍ତି । ଜିଲ୍ଲା ଗଠନ ନେଇ ବିଜେଡ଼ି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନଙ୍କ ଠାରୁ ବଡ଼ ପ୍ରତିଶ୍ରୃତି ମିଳିବା ଖୁସିବ୍ୟସ୍ତ କରିଛନ୍ତି ପଦମପୁରବାସୀ । ଜିଲ୍ଲା ଗଠନ ନେଇ ବିଜେଡ଼ି ତାର ନିର୍ବାଚନୀ ଇସ୍ତାହାରରେ ପ୍ରକାଶ କରିବ ବୋଲି କ୍ରୀୟାନୁଷ୍ଠାନ ସଦସ୍ୟ କହିଛନ୍ତି । ଆଲୋଚନା ପରେ ଅର୍ଥ ଓ ସଂସଦୀୟ ବ୍ୟାପାର ମନ୍ତ୍ରୀ ନିରଂଜନ ପୂଜାରୀ କହିଛନ୍ତି ଯେ ପଦମପୁରକୁ ସ୍ବତନ୍ତ୍ର ଜିଲ୍ଲାର ମାନ୍ୟତା ଦେବା ପାଇଁ ଆମେ ପ୍ରତିଶୃତିବଦ୍ଧ । ଅର୍ଥମନ୍ତ୍ରୀ କହିଲେ ସ୍ବତନପଦମପୁର ଉପଖଣ୍ଡକୁ ମିଳିବ ସ୍ବତନ୍ତ୍ର ଜିଲ୍ଲାର ମାନ୍ୟତା l ୨୦୨୩ ଡ଼ିସେମ୍ବପର ସୁଦ୍ଧା ପଦମପୁରକୁ ମିଳିବ ଜିଲ୍ଲାର ମାନ୍ୟତା । ଏନେଇ କ୍ରୀୟାନୁଷ୍ଠାନ କମିଟିକୁ ପ୍ରତିଶ୍ରୃତି ଦେଇଛନ୍ତି ବିଜେଡ଼ି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଦୀର୍ଘଦିନ ଧରି ପଦମପୁରବାସୀ ଜିଲ୍ଲାମାନ୍ୟତା ନେଇ ଯେଉଁ ଦାବି କରିଆସୁଥିଲେ ତାହା ନବୀନଙ୍କ ସହ ଆଲୋଚନା କରିବା ପରେ ସଫଳ ହୋଇଛି । ଆଚରଣ ବିଧି ଲାଗୁ ହୋଇଥିବାରୁ ବର୍ତ୍ତମାନ ଘୋଷଣା ହୋଇପାରୁନି ବୋଲି କମିଟି ସଦସ୍ୟମାନେ କହିଥିଲେ । ଉପ ନିର୍ବାଚନରେ ବିଜେଡ଼ି ତାର ନିର୍ବାଚନୀ ଇସ୍ତାହାରରେ ପଦମପୁରକୁ ଜିଲ୍ଲା ମାନ୍ୟତା କଥା ପ୍ରକାଶ କରିବ ବୋଲି ସଦସ୍ୟମାନେ କହିଛନ୍ତି । ପଦମପୁରକୁ ଜିଲ୍ଲାର ମାନ୍ୟତା ଦେବା ପାଇଁ ବିଜେଡ଼ି ପୂର୍ବରୁ ପୂଣ୍ଣ ସମର୍ଥନ ଦେଇଆସୁଛି । କ୍ରୀୟାନୁଷ୍ଠାନ କମିଟିର ସହ ଧାରଣା ସ୍ଥଳରେ ପୂର୍ବତନ ମନ୍ତ୍ରୀ ତଥା ବିଜେଡ଼ି ବିଧାୟକ ସୁଶାନ୍ତ ସିଂହ ଓ ଅର୍ଥମନ୍ତ୍ରୀ ନିରଂଜନ ପୂଜାରୀ ଆଲୋଚନା କରିଥିଲେ ।
