() ବିଲ ହୁଡାରୁ ବଡବଡ ରେଷ୍ଟୁରାଣ୍ଟ ,ଚାଳ ଘରୁ ଆରମ୍ଭ କରି ବଡ ହୋଟେଲ ସବୁଆଡେ ଓଡ଼ିଆ ଘରର ସବୁଠାରୁ ପ୍ରିୟ ଖାଦ୍ୟ ପଖାଳର ଚାହିଦା ବଢିବାରେ ଲାଗିଛି l ଏହା ସାଧାରଣତଃ ଓଡିଆ ଘରର ପ୍ରମୁଖ ଖାଦ୍ୟ ରୂପେ ପରିଗଣିତ ହେଉଥିବା ବେଳେ ଗ୍ରୀଷ୍ମ ଋତୁରେ ପଖାଳର ଚାହିଦା ଟିକିଏ ଅଧିକ ବଢିଯାଏ । ଛୋଟରୁ ବଡ଼ ହୋଟେଲ୍ ଓ ରେଷ୍ଟୁରାଣ୍ଟ ତତ୍ପର ହୋଇ ଉଠନ୍ତି। ଗରାଖଙ୍କୁ ଆକୃଷ୍ଠ କରିବାକୁ କେଉଁଠି ପଖାଳ ସାଙ୍ଗକୁ ବଢିଚୁରା, ବାଇଗଣ, ଆଳୁ ଓ ଟମାଟୋ ଝୋଳ l ତ ଆଉ କେଉଁଠି ଛ ତିଅଣ ନ ଭଜା । ଆଗକୁ ପଖାଳ ଦିବସ ଥିବାରୁ ବହୁ ହୋଟେଲ୍ ମାଲିକ ନିଜ ମେନୁରେ ଅନେକ ପ୍ରକାରର ପଖାଳ ସାଙ୍ଗକୁ ସାଧା ଓ ଆମିଷ ଆଇଟମ ଯୋଡିଛନ୍ତି । ଏଥିସହିତ ନିଜ ହୋଟେଲ୍ ଓ ରେଷ୍ଟୁରାଣ୍ଟ ପଖାଳ ମେନୁର ବିଜ୍ଞାପନ ବୋର୍ଡ ପ୍ରତିଷ୍ଠାନ ବାହାରେ ଲଗାଉଛନ୍ତି । ଯାହାକୁ ଖାଇବା ଆଗରୁ ଏହି ସବୁ ଆଇଟମକୁ ଗୁଡିକୁ ଦେଖି ମନ ପୁରି ଯାଉଛି । ଆଗକୁ ପଖାଳ ଦିବସ ଥିବା କାରଣରୁ ଚାଳିଆ ଠାରୁ ଆରମ୍ଭ କରି ବଡ ବଡ ହୋଟେଲ ମାନଙ୍କରେ ସବୁଠି ଦେଖିବାକୁ ମିଳିଛି ସ୍ଵତନ୍ତ୍ର ପ୍ରସ୍ତୁତି । ଗ୍ରାହକଙ୍କୁ ଆକୃଷ୍ଟ କରିବା ପାଇଁ ତିଆରି ହୋଇଛି ସ୍ପେଶାଲ ମେନୁ । କିଏ ପାଖଳକୁ ନେଇ ଅନେକ ଭେରାଇଟି କରୁଛି ତ ଆଉ କିଏ ପଖାଳକୁ ଆହୁରି ସ୍ଵାଦିଷ୍ଟ କରିବା ପାଇଁ ଅନେକ ଭେରାଇଟିର ଆଇଟମ ତିଆରି କରୁଛି । ପ୍ରାୟତଃ ହୋଟେଲ ମାନଙ୍କରେ ଆମ୍ବକସିଆ ଅଦା ଫୁଟଣର ଛୁଙ୍କ ଦିଆ ଯାଇଥିବା ପଖାଳ ମିଳିଥାଏ କିନ୍ତୁ ଏବେ କିଛି ହୋଟେଲରେ ପଖାଳରେ ଅନେକ ଭେରାଇଟି ଦେଉଛନ୍ତି । ଯେପରିକି ମୁଢି ପଖାଳ, ମଲିଫୁଲିଆ ପଖାଳ, ଛୁଙ୍କ ପଖାଳ, ଘିଅ ପଖାଳ, ଚିପୁଡା ପଖାଳ ଭଳି ଅନେକ ପ୍ରକାରର । ଆମେ ସାଧାରଣତଃ ଜାଣନ୍ତି ପଖାଳ କହିଲେ ବାସି ପଖାଳ କିମ୍ବା ସଜ ପଖାଳ ହେଲେ ଏବେ ପଖାଳକୁ ନେଇ ଅନେକ ଭେରାଇଟି ପ୍ରାୟ କିଛି ହୋଟେଲ ଓ ରେଷ୍ଟୁରାଣ୍ଟ ଗୁଡ଼ିକରେ ଦେଖିବାକୁ ମୁଳୁଛି । ଯେଉଁ ପଖାଳର ମୂଲ୍ୟ ୫୦ ଟଙ୍କାରୁ ଆରମ୍ଭ ହୋଇ ୧୨୦ ଟଙ୍କା ପର୍ଯ୍ୟନ୍ତ ରହିଛି । କେବଳ ପଖାଳ ଦିବସ ପାଇଁ ପଖାଳର ଚାହିଦା ହୋଟେଲ ଗୁଡ଼ିକରେ ଅଧିକ ଥାଏ ତାହା ନୁହଁ ବରଂ ଅନ୍ୟ ସମୟରେ ମଧ୍ୟ ପଖାଳର ଚାହିଦା ରହିଥାଏ । ଅର୍ଥାତ ଅନ୍ୟ ସମୟରେ ମଧ୍ୟ ପ୍ରାୟ କିଛି ଲୋକ ହୋଟେଲରେ ପଖାଳ ଖୋଜି ଥାଆନ୍ତି ।
