()ସକାଳ ୮ରୁ କାମକୁ ବାହାରିଲା ରଘୁ l କହିଲା କହିଲା ମା ପଖାଳ ବାଡେ l ମୁଁ ଖାଇକି କାମକୁ ଯିବି l ଏହା କହିଦେଇ ବାଡିରୁ ଲଙ୍କା ପାଇଁ ଗଲା l ରଘୁ ମା ଦେଖିଲେ ପଖାଳ ଅଛି, ହେଲେ ତା ଛଡା ଘରେ ଆଉ କିଛି ନାହିଁ l ପୁଅ କେମିତି ଖାଇବ l ଏକଥା ଭାବି ଭାବି ରଘୁର ମା ପଖାଳ ବେଲେ ବାଡିଲା l ରଘୁ ହାତ ଧୋଇ ଖାଇ ବସିଲା ବେଳକୁ ତା ମା କିନ୍ତୁ ବାଡିଥିବା ପଖାଳ ବେଲେ ଦେଉନାହିଁ l ରଘୁ କହିଲା ଦେଉନୁ ଖାଇବାକୁ, ପଖାଳ ନାହିଁ କି ? ତା , ମା କହିଲା ପୁଅ ପଖାଳ ଅଛି, ହେଲେ କଣ ଲଗେଇକି ଖାଇବୁ l ରଘୁ ଖୁସିରେ କହିଲା ଆଲୋ ମା ପଖାଳକୁ କିଛି ଦରକାର ନାହିଁ l କେବଳ ଲୁଣ ଓ ପିଆଜ ଖଣ୍ଡେ ଦେ, ମୁଁ ବାଡିରୁ ଲଙ୍କା ଆଣିଛି l ରଘୁ ମା ପଖାଳ ଦେଲା, ବାସୀ ପଖାଳ ଓ ପେଟେ ତୋରାଣି ପିଇ ରଘୁ କାମକୁ ବାହାରିଲା ଆନନ୍ଦରେ l ସେଥିପାଇଁ ତ ପଖାଳ ସବୁ ଓଡ଼ିଆଙ୍କ ପ୍ରିୟ ଖାଦ୍ୟ l
ହେଲେ ବଡ କଥା ହେଲା ରଘୁର ପଖାଳ ଏବେ ତାରକା ହୋଟେଲରେ ଖରା ଦିନର ମୁଖ୍ୟ ମେନୁ l ଏହି ପଖାଳ କଂସାର ଦାମ ବି ବହୁତ l କାରଣ ତାରକା ହୋଟେଲର ପଖାଳ କଂସା ପାଇଁ ପିଆଜ, ଲୁଣ, ଲଙ୍କା ନୁହେଁ ମ , ୫୦ପ୍ରକାର ତରକାରୀ ଦରକାର l ପଖାଳ ପାଇଁ ପୋଡା ଆଳୁ ପୋଡା ବାଇଗଣ , ପୋଡା ଟମାଟୋ ଚଟକା, ଅଣ୍ଡା, ମାଛ ଭଜା, ଚୁନା ମାଛ କଷା, ଚିକେନ କଷା, ମଟନ କଷା, ଆମଲେଟ , ସମୁଦ୍ର ଶୁକୁଆ, ଚିଙ୍ଗୁଡ଼ି, ବଡ଼ିଚୁରା, ଆଳୁ ଚଟଣୀ, ଖଟା ଏମିତି କେତେ ତରକାରୀ ତାରକା ହୋଟେଲ ମେନୁରେ ରହୁଛି । ହେଲେ ସତରେ କଣ ପଖାଳ ପାଇଁ ଏତେ ସବୁ ପ୍ରକାରର ତରକାରୀ ଦରକାର l ନା ଏହା କେବଳ ପଖାଳ ଦିବସ ଓ ଫଟୋ ସୋସିଆଲ ମିଡିଆରେ ଛାଡ଼ିବା ପାଇଁ l ସେ ଯାହା ହେଉ ଭାଇ ଆମେ ଓଡିଆ l ପ୍ରତ୍ୟେକ ଦିନ ଆମେ ପଖାଳ ଖାଇବା l ପଖାଳ ଆଜି ଧନୀ ଓ ଗରିବ ମଧ୍ୟରେ ଥିବା ବଡ ଭେଦଭାବ ଦୂର କରିଛି l ବିଲରେ ବସି ଚାଷୀ ପଖାଳ ଖାଉଛି ଆନନ୍ଦରେ ତ ପୁଣି ରାଜନେତାଙ୍କ ଟେବୁଲରେ ପଖାଳ କଂସା ରେ ରାଜନୀତି ଚର୍ଚ୍ଚା ହୁଏ l ମାର୍ଚ୍ଚ ୨୦ତାରିଖ l ବିଶ୍ବ ପଖାଳ ଦିବସ । ଓଡିଆ ପାରମ୍ପରିକ ଖାଦ୍ୟ ପଖାଳ । ଆଉ ଏହି ପଖାଳ ଆଜି ଓଡ଼ିଆଙ୍କୁ ସ୍ୱତନ୍ତ୍ର ପରିଚୟ ଦେଇଛି ସାରା ବିଶ୍ବରେ l ଆମ ଠାକୁର ବି ପଖାଳ ପ୍ରିୟ । ଠାକୁରଙ୍କ ନିକଟରେ ବି ଲାଗି ହୁଏ ଦହି ପଖାଳ । ପଖାଳ ଓଡ଼ିଆଙ୍କ ସଂସ୍କୃତି, ବିଚାରଧାରା, ଗୀତ ଓ ସାହିତ୍ୟ ସହ ଜଡ଼ିତ । ପଖାଳ ଗଣ୍ଡେ ଖାଇ ତୋରାଣି ମୁନ୍ଦେ ପିଇଦେଲେ ମନ ଖୁସି ପେଟ ବି ଥଣ୍ଡା । ତେଣୁ ମାର୍ଚ୍ଚ ୨୦ନୁହେଁ, ଓଡ଼ିଆଙ୍କ ପଖାଳ ସବୁଦିନିଆ ଖାଦ୍ୟ l
ପଖାଳକୁ ନେଇ ଏତିକି ଓ କି ଶାନ୍ତି, ଖାଲି ନିଦ ଟିକେ ଲାଗିଲାଣି l କେଉଁଠି ଟିକେ ଗଡି ପଡ଼ିବି କି l……
