ଓଡ଼ିଆଙ୍କ ପ୍ରଥମ ଖାଦ୍ୟ ହେଉଛି ପଖାଳ । ପ୍ରତ୍ୟେକ ଓଡ଼ିଆ ଯାହା ଖାଆନ୍ତୁଉ କି ନଖାଆନ୍ତୁ ପଖାଳ କଂସାଏ ଖାଇବା ପାଇଁ ସବୁବେଳେ ବ୍ୟାକୁଳ । କି ଖରା କି ବର୍ଷା ପଖାଳ କଂସାର ଆଦର ବର୍ଷ ତମାମ। କାରଣ ପଖାଳ ଠାରୁ ସହଜ ଓ ଶସ୍ତା ଖାଦ୍ୟ ବୋଧେ ଆଉ କିଛି ନାହିଁ । ପଖାଳ କଂସାଏ ଖାଇଦେଲେ ମନ ଆନନ୍ଦ ହେବା ସହ ଦେହକୁ ବଳ ଓ ଶାନ୍ତି ମିିଳିଥାଏ । ଏହା ଏକ ସ୍ୱାସ୍ଥ୍ୟକର ଖାଦ୍ୟ । ଯାହାର ଶ୍ରଦ୍ଧା ବହୁ ବର୍ଷ ଧରି ଥିଲା ଓ ଆଜି ବି ରହିଛି । ଆଜି ଏହି ପ୍ରିୟ ଓଡ଼ିଆ ଖାଦ୍ୟକୁ ବିଶ୍ୱରେ ପରିଚିତ କରିବା ପାଇଁ ପ୍ରତିବର୍ଷ ମାର୍ଚ୍ଚ ୨୦ ତାରି୍ଖ ଦିନ ପଖାଳ ଦିବସ ପାଳନ କରାଯାଏ ।
ଜଗନ୍ନାଥଙ୍କ ପାଖରେ ପଖାଳ ଭୋଗ ଲାଗେ ….
ଜଗତର ନାଥ ଜଗନ୍ନାଥଙ୍କ ନିକଟରେ କୋଠ ଭୋଗ ହେବା ସହିତ ୩୬ କୋଉଟି ଭୋଗ ମହାପ୍ରଭୃଙ୍କ ପାଖରେ ଲାଗେ । ତା ମଧ୍ୟରୁ ଦହି ପଖାଳ ଗୋଟେ ସ୍ୱତନ୍ତ୍ର ପ୍ରକାର ବ୍ୟଞ୍ଜନ ଲାଗିଥାଏ । ଯେହେତୁ ଓଡ଼ିଆଙ୍କ ଆରାଧ୍ୟ ଦେବତା ମହାପ୍ରଭୃ ଜଗନ୍ନାଥଙ୍କ ପାଖରେ ଦହି ପଖାଳ ଲାଗେ । ତେଣୁ ପ୍ରତ୍ୟେକ ଓଡ଼ିଆଙ୍କ ଏହା ପ୍ରିୟ ଖାଦ୍ୟ । କାରଣ ମହାପ୍ରଭୃ ଜଗନ୍ନାଥ ହେଉଛନ୍ତି ଚଳନ୍ତି ଦେବତା ।
ଓଡ଼ିଆଙ୍କ ପ୍ରଥମ ଖାଦ୍ୟ : ଓଡ଼ିଆ ଖାଦ୍ୟ ତାଲିକାର ପ୍ରଥମ ଆଇଟମ ହେଉଚି ପଖାଳ । ଓଡ଼ିଆ କହିଲେ ପଖାଳ ଖାଦ୍ୟ ମନକୁ ଆସେ । ସେ ଗରିବ ହେଉ କି ଧନୀ । ଆଉ ଏହି ପଖାଳ କଂସାଏ ପ୍ରତ୍ୟେକ ଓଡ଼ିଆର ସ୍ୱତନ୍ତ୍ର ପରିଚୟ କରାଇଛି ବିଶ୍ୱରେ । ବିଶେଷକରି ଖରାଦିନେ ୯୦ ପ୍ରତିଶତ ଓଡ଼ିଆ ପଖାଳ କଂସାଏ ଖାଇ ଆନ୍ଦନ ପାଆନ୍ତି । କାରଣ ପଖାଳଠାରୁ ସହଜିଆ ଓ କମ ଖର୍ଚ୍ଚରେ ବିଶ୍ୱରେ ବୋଧେ ଆଉ କେଉଁ ଖାଦ୍ୟ ଦେଇପାରିବ ନାହିଁ ।
ବଳ ଦିଏ, ଶାନ୍ତି ବି : ସକାଳୁ ପଖାଳ କଂସାଏ ଖାଇ ପ୍ରତ୍ୟେକ ଓଡ଼ିଆ କାମରେ ଯିବାକୂୁ ପସନ୍ତ କରନ୍ତି । ପଖାଳ ଭାତ, ଆଳୁ ଚକଟା ଓ ପିଆଜ କଞ୍ଚା ଲଙ୍କା ଗୋଟେ ହୋଇଗଲେ କଥା ସରିବା । ଦିନ ଯାକ କାମ କରିବାକୁ ବଳ ମିଳେ ଓ ଶାନ୍ତି ବି । କିଏ କିଏ ପଖାଳ ସହ ଚୁନା ମାଛ, ବଡ଼ିଚୁରା, ଶାଗଭଜା, ବାଇଗର, ବିିଳାତି ପୋଡ଼ା ଚଟଣି , ଆମ୍ବ ନସି ପକାଇ ଖାଇବାକୁ ପସନ୍ଦ କରନ୍ତି । ଆଳୁ ସହ ଯଦି ଦହି, ଆମ୍ବକସି ଅଦା , ଭେଷୁଙ୍ଗା ପତ୍ର ପାଗ ହୋଇଯିବ ତାହାଲେ ତ ପଖାଳ ଖାଇବା ଜମିଯିବ । ଚାଷୀ , ଦିନ ମଜୁରିଆଙ୍କ ପାଇଁ ତ ପଖାଳ ଆଜି ସାରା ବିଶ୍ୱରେ ଏକ ସ୍ୱତନ୍ତ୍ର ସ୍ଥାନ ନେଇଛି ।
ପଖାଳ ଆଉ ରାଜନୀତି..
ଓଡ଼ିଆଙ୍କ ପ୍ରିୟ ଖାଦ୍ୟ ହେଉଛି ପଖାଳ । ସମଗ୍ର ବିଶ୍ୱରେ ଏହାର ରହିଛି ସ୍ୱତନ୍ତ୍ର ପରିଚୟ । ସେଥିପାଇଁ ଯିଏ ଓଡ଼ିଶା ଆସେ ସେ ପଖାଳ ଖାଇବାକୁ କେବେ ଭୂଲନ୍ତି ନାହିଁ । ଦେଶର ୧ ନମ୍ବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ମଧ୍ୟ ପଖାଳ ଭାରି ପସନ୍ଦ । ତେଣୁ ପଖାଳ କଂସାରେ ବି ରାଜନୀତି ଭରି ରହିଛି । ଯାହା ନବୀନ ନିବାସରେ ପଖାଳ କଂସା ସହ ଦେଶର ଚର୍ଚ୍ଚିତ ରାଜନେତାମାନଙ୍କୁ ଖୁଆଇ ନବୀନ ତାହାର ସଙ୍କେତ ଦେଇଛନ୍ତି । ଓଡ଼ିଆ ଖାଦ୍ୟ ରୁଚିର ପ୍ରଥମ ପସନ୍ଦ ପଖାଳ ଖାଦ୍ୟ ବୋଲି ମୁଖ୍ୟମନ୍ତ୍ରୀ ଏକ ସାକ୍ଷାତକାରରେ କହିଥିଲେ । ଯେଉଁଠି ପାଇଁ ପଖାଳ ଖାଦ୍ୟର ବିଶେଷ ଆଗ୍ରହ ରଖିଛନ୍ତି ନବୀନ । କିଛି ବର୍ଷ ତଳେ ଏକ କାର୍ଯ୍ୟକ୍ରମରେ ଯୋଗଦେବା ପାଇଁ ଓଡ଼ିଶା ଆସିଥିଲେ ପୂର୍ବତନ ରାଷ୍ଟ୍ରପତି ପ୍ରଣବ ମୁର୍ଖାଜୀ , ପୂର୍ବତନ ପ୍ରଧାନମନ୍ତ୍ରୀ ଦେବଗୌଡ଼ା, ପୂର୍ବତନ ଉପ ପ୍ରଧାନମନ୍ତ୍ରୀ ତଥା ବିିଜେପିର ବରିଷ୍ଠ ନେତା ଲାଲକୃଷ୍ଣ ଆଡ଼ଭାନୀ,ସିପିଆଇ ନେତା ସୀତାରାମ ପ୍ରମୁଖ ନବୀନ ନିବାସରେ ୨୦୧୮ରେ ଓଡ଼ି÷ଆ ଘର ଏହି ପ୍ରିୟ ଖାଦ୍ୟ ଖୁଆଇଥିଲେ । ଯାହା କି ଓଡ଼ିଶା ରାଜନୀତି ସହ ପଖାଳ ସର୍ମ୍ପକ ଯେ କେତେ ନିବିଡ଼ ତାହା ପ୍ରମାଣିତ କରିଥିଲା
ପଖାଳ ଆଉ ପ୍ରେମ ... ପଖାଳ ପ୍ରେମରେ କେବଳ ଓଡ଼ିଆ ପଡ଼ିନାହାନ୍ତି । କି ଏହା ଆୁ ଗରିବ ଲୋକଙ୍କ ଖାଦ୍ୟ ଭିତରେ ସୀମିତ ହୋଇନାହିଁ । ବିଦେଶୀ ଓ ସମ୍ରାନ୍ତ ଘରର ବ୍ୟକ୍ତିମାନେ ମଧ୍ୟ ପଖାଳ ଖାଇବାକୁ ଏବେ ବେଶ ଆଗ୍ରହ ପ୍ରକାଶ କଲେଣି । ଯେଉଁଠି ପାଇଁ ଦେଶର ବଡ଼ ବଡ଼ ପଞ୍ଚ ତାରକା ହୋଟେଲରେ ପଖାଳ ଏକ ସ୍ୱତନ୍ତ୍ର ମେନୁରେ ସ୍ଥାନ ପାଉଛି । ପ୍ରେମିକ ଓ ପ୍ରେମିକଙ୍କୁ ତ ପଖାଳ ଦିଏ ଭରପୁର ଆନନ୍ଦ । ପଖାଳ ଦିବସରେ କିଏ କିଏ ତ ନିଜ ପ୍ରେମ ନିବେଦନ କରିଥାନ୍ତି ଓ ସେଥିରେ ସଫଳ ବିି ହୋଇଥାନ୍ତି ।
ପଖାଳ ଓ ଆଉ ସୋସିଆଲ ମିଡ଼ିଆ …
ମାର୍ଚ୍ଚ ୨୦ ତାରିଖରେ ପଖାଳ ଦିବସ । ଓଡ଼ିଆଙ୍କ ଏହି ପ୍ରଥମ ଖାଦ୍ୟ ପଖାଳ ଖାଦ୍ୟର ଆଦର କେତେ ବଢିଛି ଓ ଲୋକମାନେ ଖାଇବା ପାଇଁ କେତେ ପସନ୍ଦ କରୁଛନ୍ତି ତାହାର ମାର୍ଚ୍ଚ ୨୦ ତାରିଖରେ ସୋସିଆଲ ମିଡ଼ିଆ ସଙ୍କେତ ଦେଇଥାଏ । ପଖାଳ ଖାଦ୍ୟ ଖାଇବା ପାଇଁ ଏହି ଦିନ ଓଡ଼ିଆ ନୁହେଁ, ସଭିଁଏ ଆଗ୍ରହ ପ୍ରକାଶ କରନ୍ତି । କେବଳ ଖାଇବା ନୁହେଁ, ଖୁଆଇବାରେ ବି ଆନନ୍ଦ ରଖିଥାନ୍ତି ଅନେକ ।
