() ହଠାତ୍ ମିଟୁ ମନରେ ଖେଳିଗଲା ଖୁସି l କିଛି ସମୟ ପାଇଁ ଭବନା ରାଇଜକୁ ଚାଲିଗଲା l ପୁରୁଣା ସ୍ମୃତି ଗୁଡ଼ିକ ଯେମିତି ତାଜା ହୋଇ ଖେଳିଯାଉଥିଲା ତା ମନ ଭିତରେ l ଶରତର ଆଗମନ, ଫେରିଯାଇଥିବା ମୌସୁମୀ, ପ୍ରକୃତି ଧୀରେ ଧୀରେ ସଜେଇ ହେବା, ରାସ୍ତା କଢ଼ରେ କାଶତଣ୍ଡି ଫୁଲ ଫୁଟିବା ଓ ଶୀଘ୍ର ସଂଧ୍ୟା ହେବାର ପ୍ରାରମ୍ଭିକ ସୂଚନା ଏମିତି କେତେ କଣ ପରିବର୍ତ୍ତନ ପାର୍ବଣ ନେଇକି ଆସେ l ଏ ତ ଥିଲା ପ୍ରକୃତିର ଚିତ୍ର l ଆମ ସାମାଜିକ ଚଳଣିରେ ମଧ୍ୟ ଅନେକ କିଛି ଏମିତି ଦେଖିବାକୁ ମିଳେ l ରାସ୍ତା ଘାଟରେ ରଂଗ ବେରଙ୍ଗର ଆଲୋକ, ବିଭିନ୍ନ କମ୍ପାନୀର ବିଜ୍ଞାପନ, ସ୍ଥାନେ ସ୍ଥାନେ ରଙ୍ଗାରଙ୍ଗ କାର୍ଯ୍ୟକ୍ରମର ଝଲକ ସହ ମାର୍କେଟକୁ ଆସିଯାଏ ନୂଆ ନୂଆ ଗୀତ, ଲେଖା ଓ କବିତା l ସବୁଥିରେ ଥାଏ ପାର୍ବଣର ଛିଟା l ଆଉ ତା ଭିତରେ ମଣିଷ ମନକୁ ବି ଆପେ ଆପେ ଛୁଇଁଯାଏ ପାର୍ବଣ l ପାର୍ବଣର ଆରମ୍ଭ ପୂର୍ବରୁ ସେ ଅନୁଭବ କରେ ପାର୍ବଣକୁ l କେତେବେଳେ ପ୍ରେମିକ ହୋଇ ତ ପୁଣି କେତେବେଳେ ସାଜେ ପ୍ରକୃତିର ଉପାସକ l ପାର୍ବଣକୁ ନେଇ କିଏ କଣ ଭାବିପାରେ ତ କିଏ କେତେକଣ ଲେଖି ଦିଏ ମନର ଭାବକୁ l ହେଲେ ପାର୍ବଣ ଯେମିତି ନୂଆ ରୂପ, ନୂଆ ଆଶା,ନୂଆ ଶକ୍ତି, ନୂଆ ପଣ ନେଇ ସବୁ ବର୍ଷ ଆସେ ମିଟୁର ମନରେ ମଧ୍ୟ ପାର୍ବଣ ଏଥର ସେପରି କିଛି ଭାଵନା ସୃଷ୍ଟି ହୋଇଛି l ସେ ବି କିଛି ନୂଆ କରିବ ଓ ନୂଆ ଜୀବନ ଶୈଳୀ ବିତାଇବ ଓ
ଭୁଲି ଯିବ ପୁରୁଣା ଦିନକୁ l ତା ମନରେ ଉଙ୍କି ମାରୁଛି ଅନେକ ନୂଆ ସମ୍ଭାବନା ଓ ଆଶଙ୍କା l ସବୁ କିଛି ତା ଦ୍ଵାରା ସମ୍ଭବ ସେ ବି ସମାଜର ଜଣେ ପ୍ରତିଷ୍ଠିତ ବ୍ୟକ୍ତିରେ ଗଣା ହେବ,ସେ ବି ଅନ୍ୟର ସୁଖ ଦୁଃଖର ସାଥିହେବ, ସେ ବି ଅନେକ ପାଇଁ ପ୍ରେରଣା ସାଜିବ ଓ ପ୍ରତି କ୍ଷେତ୍ରରେ ଆଗକୁ ବଢିବାକୁ ଚାହୁଛି l ଏସବୁ ନୂଆ ଆଶା ଓ ଶକ୍ତି ଏଥର ପାର୍ବଣକୁ ନେଇ ଆସିଛି l ଦୁଃଖ, ସୁଖ ନୁହେଁ ସମୟ ସହ ତାଳ ଦେଇ କିଛି ନୂଆ କରିବାର ଆତ୍ମ ବିଶ୍ଵାସ ଆସିଛି ତା ଭିତରେ l ସେଥିପାଇଁ ତ ପାର୍ବଣର ପହିଲି ମହକରେ ମିଟୁର ଆନନ୍ଦ ନ କହିଲେ ଭଲ l ଏମିତି ଭାଵନା ଭିତରେ ମିଟୁର ଫୋନ ରିଙ୍ଗ ହେଲା, ଆର ପଟୁ କିଏ ଜଣେ ଫୋନରେ କହୁଥାଏ ଏଥର ପାର୍ବଣ ତ ତମର …….
