କ୍ଲାସରେ ବାପାଙ୍କ ସହ ହଠାତ ଆସି ପହଂଚିଗଲା ମିନୁ । ପ୍ରଥମେ ଦେଖାରେ ମିନୁ ପ୍ରତି ଅହେତୁକ ଦୁର୍ବଳାତା ପଳାଇଆସିଥିଲା ସେହି କ୍ଲାସରେ ଥିବା ରାଜର । ଟିଉସନ ସରିଲା, ହେଲେ ରାଜର ମନ ପାଠ ଅପେକ୍ଷା ମିନୁ ପାଖରେ ରହିଗଲା । କିଏ ସେ ମିନୁ । କଲେଜରେ ପାଦ ଦେଉଦେଉ ଚପଳ ବୟସରେ ରାଜ ଏତେ ମାତ୍ରାରେ ତା ପ୍ରତି ଆକର୍ଷିତ ହୋଇଗଲା ଯେ ତାହା କେବଳ ଅନୁଭବ କରିହୁଏ । ମିନୁ ସ୍ୱଭାବରେ ଭାରିଶାନ୍ତ, ସରଳ ଓ ନମ୍ର । ମୋଟାମୋଟି କହିବାକୁ ଗଲେ ଘରୋଇ ଝିଅଟିଏ । ପ୍ରେମ, ଭଲ ପାଇବା ଯେମିତି ତା ପାଖରେ ମୂଲ୍ୟହୀନ । ସେ ପରିବାର କଟକଣା ପାଇଁ ହେଉ ଅବା ନିଜ ମନ ଭିତରେ ଥିବା ଭୟ ପାଇଁ । ତାକୁ ଟିଉସନ, କଲେଜରେ କିଏ ଚାହିଁଲା ଓ କିଏ ନଚାହିଁଲା ତାହାର ଫରକ ପଡ଼େ ନାହିଁ । ହେଲେ ରାଜ ତ ମିନୁ ଠାରୁ ଶତ ପ୍ରତିଶତ ଭିନ୍ନ । ତା ମନରେ କିନ୍ତୁ ସମୟ ଅନୁସାରେ ବଢିଚାଲିଲା ଦୁର୍ବଳତା । ତା ମନ ସବୁବେଳେ ଖଜିଲା କେମିତି ମିନକୁ ଦେଖିବ ଓ କଥା ହେବ । ସବୁ ପ୍ରେମିକ ପରି ସେ ମିନୁ ଯିବା ଓ ଆସିବା ବାଟକୁ ଚାହିଁ ରହିଲା । ଏମିତିି କିଛି ଦିନ ଚାଲିଲା । ଏହି ଦେଖାଚାହାଁ ସମୟ ଭିତରେ ମିନୁ ଓ ତାର ସାଙ୍ଗ ଲିଜା ଜାଣିପାରିଲେ ଯେ ରାଜ ମିନୁ ପଛରେ ପଡ଼ିଛି । ବାସ କିଛି ଦିନ ପରେ ହାଠାତ କଲେଜରେ ଲିଜା ରାଜକୁ ଡ଼ାକି କହିଲା “ଭାଇ ଟିକେ ଶୁଣିବେ” । ରାଜ ନ ବୁଝିପାରିଲା ପରି ନରଭର୍ସ ହୋଇ ଧୀର ସ୍ୱରରେ କହିଳା ମତେ ଡ଼ାକିଲେ କି ? ଲିଜା କହିଲା ହଁ ଭାଇ । କଲେଜ ଆଇକାର୍ଡ଼ ଟିକେ ତ୍ରୃଟି ରହିଯାଇଛି । ଯାହ କିରଶୀ ଚାହିଁଲେ ହୋଇଯିବ । ହେଲେ ଦୁଇ ଦିନ ହେଲା ସେ ଆମର ଏହି ଛୋଟିଆ କଥାଟା ରଖୁନି । ରାଜ ଖୁସି ହେଇ କହିଲା ହେଉ ଦିଅ ଆଇକାର୍ଡ଼ । ମୁଁ କରିଦେବି । ରାଜ ବି କରିଦେଲା କାମ ଓ ଆଇକାର୍ଡ ଫେରିବାକୁ ଯାଇ ହସଭରା ‘ ଥାଙ୍କ କ୍ଯୁ ‘ ଶବ୍ଦ ପାଇଥିଲା ଦୁହିଁଙ୍କ ପାଖରୁ l ତାପରେ ହାଠତ ରାଜ ତା ଫୋନ ଲିଜା କୁ ଦେଇ ମିନୁ ସହ କଥା ହେଲା । ଏତେଦିନ ପରେ ମିନୁ ରାଜ ପ୍ରତି ଭଲ ପାଇବା ନଥିଲେ ମଧ୍ୟ ସାମାନ୍ୟ ଆକର୍ଷତ ହୋଇଥିଲା । ଟିକେ କଥା ବି ହେଲା, ହେଲେ ସାଙ୍ଗ ହିସାବରେ । ଏମିତି କିଛି ଦିନ ଚାଲିଲା । ରାଜ ବୁଝିଲା ମିନୁ ସାଙ୍ଗ ହିସାବରେ କଥା ହେଉଛି । କାରଣ ତାର ରାଜ ପ୍ରତି ଆକର୍ଷଣ ଥିଲେ ମଧ୍ୟ ସେ ଘରରର କଟକଣା ଓ ପରିବାରର ଚାପ ଭିତରେ ନିଜର ମନର କଥାକୁ ମନେମନେ ମାରିଦେଲା । ହେଲେ ରାଜ ତ ମିନୁ ସହ କଥା ହୋଇ ଭାରି ଖୁସି । ଯେମିତି ଦୁନିଆର ସବୁକିଛି ସେ ପାଇଗଲା । ଯୁଆଡ଼େ ଚାହିଲା ତାକୁ ରଙ୍ଗୀନ ଦିଶିଲା । ସବୁବେଳେ ମିନୁ କଥା ଭାବିଲା । ଏମିତି କିଛି ଦିନ ପରେ ରାଜକୁ ମିନୁ ଡ଼ାକି କହିଲା ଦେଖ ରାଜ । ଆମ ଭିତରେ ଯାହା ଚାଲିଛି ତାହା ସିକରେଟ ରହୁ । କିଏ ଜାଣିଲେ ବାପା ମତେ କଲେଜ ଛାଡ଼ିବେନି , ତମେ ଜାଣ ମୋ ବାପା କେମିତିକା ଲୋକ ମୋର ପାଠପଢା ବନ୍ଦ କରିଦେବେ । ରାଜ ବ୍ୟସ୍ତ ହେଲା ଏବଂ ଯେମିତି କେହି ଜାଣିବେନି ଓ ମିନୁ ଉପରେ କୌଣସି ଆଞ୍ଚ ଆସିବନି ସେ ନେଇ ସତର୍କ ରହିବାକୁ ନିଷ୍ପତି ନେଲା l କାରଣ ରାଜ ମିନୁ କୁ ଜୀବନ ସାଥୀ କରିବାର ନିଷ୍ପତି ନେଇସାରିଥିଲା l କଥା ବାର୍ତ୍ତା, ଦେଖା ଚାହାଁ ସବୁ ଲୁଚାଛପାରେ ଚାଲିଲା କିଛିି ଦିନ । ପ୍ରେମ କେବେ ଲୁଚି ରହେନା । ମିନୁର ବାପାଙ୍କ କାନକୁ ଗଲା ରାଜ ଓ ମିନୁ କଥା । ସେଠୁ ବଦଳିଗଳା ସବୁକିଛି । ମିନୁର ପାଠପଢା ବନ୍ଦ ହୋଇଗଲା । ମିିନୁ ଓ ରାଜ ମଧ୍ୟରେ ଦୂରତା ବଢିଗଲା। ରାଜ ବି ପରିସ୍ଥିତିକୁ ପାଥେୟ କରି ନିଜ ପ୍ରେମିକାର ସ୍ମୃତିକୁ ନେଇ ବଞ୍ଚିବାକୁ ଚେଷ୍ଟା କଲା l ସମୟ ଗଡି ଚାଲିଲା.. କିଛି ବର୍ଷ ପରେ ମିନୁ ବାହାହୋଇଗଲା । ମିନୁ ତା ବାଟରେ ରାଜ ବି ତା ବାଟରେ ।
୮ ବର୍ଷ ପରେ ଘରକୁ ଫେରିଛି ମିନୁ । ସେ ଏବେ ନିଜ ବାପଘରେ । ଏ ଖବର ରାଜ ପାଖରେ ପହଞ୍ଚିଛି । ଆଉ ରାଜର ମନେ ପଡ଼ିଛି ସେ ପୁରୁଣା କଥା । ପୂର୍ବରୁ ଯେମିତି ମିନୁକୁ ଦେଖିବାକୁ ରାଜ ମନରେ ଦୁର୍ବଳତା ଥିଲା ଠିକ ସେହିଭଳି ଆଜି ବି ଦେଖିବାକୁ ଚାହୁଁଛି । ଏକଥା ମିନୁ ଜାଣିଛି କି ନାହିଁ ତାହା ରାଜକୁ ଜଣାନାହିଁ । କାରଣ ରାଜ ଗାଁରେ ନୁହେଁ, ରହିଛି ୩ଶହ କିଲୋମିଟର ଦୂର ରାଜଧାନୀରେ । କିନ୍ତୁ ରାଜ ର ପ୍ରେମ କହାଣୀକୁ ଆଜିକା ଦିନରେ 14 ବର୍ଷ ବିତିଯାଇଛି । କିନ୍ତୁ କାହିଁକି ରାଜ ଆଜିବି ସେ ପୁରୁଣା ସ୍ମୃତିକୁ ହୃଦୟରେ ସାଇତି ରଖିଛି ସେ ନିଜେ ବି ଜାଣେନା l ମିନୁ ର କିଛି କଥା ମନେ ଅଛି କି ନାଇଁ ତା ବି ଜଣା ନାହିଁ l ସେଦିନ ସିନା ବାପାଙ୍କ ଇଚ୍ଛା ଓ ପରିବାର ଚାପରେ ମିନୁ ବୋଧହୁଏ ହଁ ମାରିଦେଇଥିଲା ସବୁ କଥାରେ । ବିବାହ ବି କରିଦେଲା । କିନ୍ତୁ ରାଜ କୁ ଲାଗେ ମିନୁ ଏବେ ବି କୋଉଠି ନା କୋଉଠି ରାଜ ପ୍ରତି ଭଲ ପାଇବା ରହିଛି l କିନ୍ତୁ ମିନୁ ମନରେ କଣ ଅଛି ରାଜ ଜାଣେନା l କିନ୍ତୁ ରାଜ ଆଜି ମିନୁ ଆସିଥିବା ଖବର ପାଇ ଭାରି ଖୁସି l ହେଲେ ମିନୁ କାହିଁକି ଘରକୁ ଆସିଛି ସେ କେମିତି ଅଛି ଆଉ ତା ବୈବାହିକ ଜୀବନ କେମିତି ଚାଲିଛି ଜାଣିବାକୁ ଆଗ୍ରହ ପ୍ରକାଶ କରିଛି ରାଜ l କାରଣ ପ୍ରେମ ସବୁବେଳେ ନିସ୍ଵାର୍ଥପର l ସବୁ ପରେ ବି ଭଲପାଇଥିବା ମଣିଷଟାକୁ ସବୁବେଳେ ଭଲରେ ଦେଖିବାକୁ ଇଚ୍ଛା ହୁଏ l ତେଣୁ ରାଜ ବି ଜାଣିବାକୁ ଚାହିଁଛି ତାର ପୁରୁଣା ପ୍ରେମିକା ବିଷୟ ରେ l
