ଭୁବନେଶ୍ୱର : ଏଥର ବଡ଼ ଦାଣ୍ଡରେ ଗଡିବନି ମହାପ୍ରଭୁଙ୍କ ରଥ। ଦେଶ ତଥା ରାଜ୍ୟରେ ଏବେ କରୋନା ଭୟଙ୍କର ପରିସ୍ଥିତି ସୃଷ୍ଟି କରିଛି। ଲୋକଙ୍କ ସ୍ୱାସ୍ଥ୍ୟଗତ ହିତକୁ ଦେଖି ରଥଯାତ୍ରାକୁ ବନ୍ଦ କରାଯାଇଛି। ଏ ନେଇ ଗତକାଲି ସୁପ୍ରିମକୋର୍ଟ ଶୁଣାଣି କରିଛନ୍ତି। ହେଲେ ସୁପ୍ରିମକୋର୍ଟଙ୍କ ଶୁଣାଣି ପରେ ରାଜ୍ୟରେ ରାଜନୀତି ଜୋର ଧରିଛି। କିଛି ଲୋକ ଏହା ଠିକ୍ ବୋଲି କହୁଥିବା ବେଳେ ଆଉ କିଛି ଲୋକ ଏହି ନିଷ୍ପତିକୁ ବିରୋଧ କରୁଛନ୍ତି।ସୁପ୍ରିମକୋର୍ଟଙ୍କ ଏହି ରାୟ ଉପରେ ପ୍ରତିକ୍ରିୟା ରଖି ବିରୋଧୀ ଦଳ ନେତା ପ୍ରଦୀପ୍ତ ନାୟକ କହିଛନ୍ତି ଉଚ୍ଚତମ ନ୍ୟାୟାଳୟ ଉର୍ଦ୍ଧ୍ବରେ କେହି ନାହିଁ। ତେଣୁ ସମସ୍ତେ ଏହି ନିଷ୍ପତିକୁ ଗ୍ରହଣ କରିବା ଉଚିତ।
ସେ କହିଛନ୍ତି ରଥଯାତ୍ରା ନେଇ ସୁପ୍ରିମକୋର୍ଟ ରାୟ ଦେବା ପରେ କୌଣସି ଲୋକ ଏହା ଉର୍ଦ୍ଧରେ କିଛି କହିବା କଥା ନୁହେଁ l ଏହି ରାୟକୁ ସମସ୍ତେ ଗ୍ରହଣ କରିବା l ସାମ୍ପ୍ରତିକ ପରିସ୍ଥିତି ନେଇ କୋର୍ଟ ଏହି ରାୟ ଦେଇଛନ୍ତି l ବୋଧେ ଜଗନ୍ନାଥ ମହାପ୍ରଭୁ ଏଥର ବାହାରକୁ ଆସିବାକୁ ଚାହୁଁନାହାନ୍ତି l ତେଣୁ ଏପରି ରାୟ କୋର୍ଟ ଦେଇଛନ୍ତି l ଏହାକୁ ସମସ୍ତେ ସମ୍ମାନ ସହ ଗ୍ରହଣ କରିବା ଉଚିତ ବୋଲି ବିରୋଧୀ ଦଳ ନେତା ପ୍ରଦୀପ୍ତ ନାୟକ କହିଛନ୍ତି।
